我囡囡2歲，想佢3歲前學識自己食飯、自己去廁所，點樣可以令佢獨立啲？
佢係唔肯自己拎起支匙羹食，定係佢食到好污糟及慢，你唔比佢自己食？
至於自己去廁所，每個小朋友戒片既時期不一，真係好難迫。可以提佢如果想vv時要出聲，又實行獎勵計劃。到佢可以keep住乾片便可以
自己食飯前提係俾佢試，佢搵到樂趣就ok,廁所就相對難啲，因為要除褲著褲，坐上去落返黎。洗手，成個過程要逐樣教
家長肯放手，佢就會獨立啲。
每樣事先要他自己做，佢做唔到先示範一次俾佢睇，再要佢自己做，能力愈來愈好，就可以自己做到更多，但如果你以為佢做唔到，一開始就插手幫忙，佢就會唔成長。
鼓勵多啲，話你做到，大個女了，可以自己去廁所，去完叫媽媽，佢每次成功都大大力誇張的讚佢，佢就會愈來愈想自己做。
我女嗰時兩歲二個月自己去廁所，每次去完，我都話:嘩！你好叻女，真係自己去廁所，唔使媽媽幫！你試下企上矮凳仔到洗手，用到就再讚。
食飯又係，我話我唔識剝蛋殼，剝橙，請佢幫手，佢用佢方法搞得掂，再大讚佢，佢有成功感就自己食，自己做。
10個讚
家裏有工人姐姐嗎？另外你所指的獨立，應該是自理能力嗎？包括穿衣服？著鞋襪？
絕對同意
兩歲已經可以比佢自己食飯喇
俾個意識佢自己食飯
一開始可能半碗佢自己食，半碗要餵
兩歲可以啦，餵得太多，影響小手肌發展，到k2要寫字時手仔唔夠力，易攰。另外食物剪碎都會影響口肌發展，咬字唔正。
大仔時，我係直昇機父母，不懂放手，之後衍生咗好多問題，到細b時完全放手自己做，發覺原來兩歲幾已經自理能力可以好好
只怪當時唔識教大仔，乜都幫，幫到上小一都係想依賴我幫，我叫佢睇下細b，佢乜都自己做。
1個讚
屋企有工人姐姐
係呀自理能力
哩D唔係叫獨立﹐
叫自理能力。
1個讚
你講得好好！睇嚟我都要放手比佢自己試
多謝指正
唔好意思… 我唔係認字特警﹐
不過見到你個標題嚇一嚇﹐
二歲要獨立咁驚…
試下做懶媽媽，佢就會乜都識做
1個讚
同埋都想問會唔會有咩書或者繪本會對提升自理能力有用？
放手：很多姐妹都說過了，有時候，孩子的能力遠比我們想象中厲害。
堅持、狠心：狠心吾係話責駡，而係就算覺得佢好可憐，都要堅持讓佢自己完成。
完成後要有獎勵。可能是他最愛的下午茶、糖果；可能是可以出街玩；可能是可以看一會兒電視。
凡是預留多點時間。例如出門預留時間穿衣服鞋襪。
多與工人姐姐溝通合作。例如，我唔會因爲細路喊少幾句，食多一口飯而覺得她做得好。反而是以阿仔能自己做到多少而衡量她的表現。更要讓她明白，孩子能自理多一點，她就沒有那麽辛苦。
食野方面我真係唔敢肯定放手就一定得，我個女細過唔肯食野，你點餓佢都無問題，又唔鍾意食糖、朱古力，無鼓勵可言，所以我女細過個陣係班裡面最瘦最矮最細粒
當然每個人都不是完美，我們的BB也不例外。食只是其中一方面而已，做不了也不是大問題。甚至有些父母會覺得自理能力完全不重要，其他方面好就可以，也沒有問題。最重要是父母知道自己做什麽。因由還是藉口，有時候，連我們自己也搞不清。
食野方面我宜家都俾奶奶餵番, 之前我有三個月唔俾奶奶餵, 等佢自己食(兩歲兩個開始), 點知面色差左又瘦左, 之後我奶奶好有心機餵佢食, 有時佢自己想食都會自己食得好好, 但餵的話會食多啲, 夜晚都瞓得好啲
佢兩歲半, 但身形似三歲半, 呢個時候發育好緊要
「獅子大王愛乾淨」，故事係講一隻獅子好污糟，唔沖涼刷牙梳頭，小動物見到佢都跑開了，最後自己清潔乾淨先有朋友。 仲有好多書，例如 我長大了系列，平既就去旋轉拍賣買全新二手或者去圖書館借 關於自己刷牙，自己食飯的故書，教小朋友做書中的人物一樣。
1個讚
要記住置之死地而後生﹐
如果佢身體真係唔駛食咁多﹐
何必夾硬塞佢呢?
我明白唔長肉好似唔健康﹐
但其實無根據架。