(講些少背景, 老公原生家庭一家5口, 住2房居屋, 3兄妹一間房, 99係FTM但從來唔執屋, 間屋好似垃圾屋咁, 可行既路只夠一人過, 梳化等都係放曬雜物) * 所以我地結左婚一定要搬出去住。
老公同我結婚2年, 婚後每月有照比家用99, 但冇之前咁多, 因為我地唔同住, 要比租有負擔… 婚前老公同99有個聯名類似定期咁既要放銀行好多年, 老公一直都係比家用+要供入定期既錢比99, 老公最近醒起好似就快可以拎返錢, 咁老公就問99確實到幾時同可拎返幾多錢, (咁錢有數得計), 點知99覆老公個數差好遠, 咁老公就問99點解問佢拎單睇, 原來個度只係要供3-4年錢, 之後唔洗等到期先拎返錢… 老公同我覺得99好衰, 咁樣好似比人呃既感覺… 係我地太小心眼?!
係幾搵笨
1個讚
心唔舒服一定有。不過算啦，一家人。以後錢銀最好自己管理。
係你奶奶唔記得，定扮唔知？
拎返筆錢了事。
都無謂諗佢有心定無意啦，反正都過左去，
唯有之後自己管理返D錢算啦
係99一手包辦同埋佢睇錢睇得好重, 點會唔知…
咁就每個月又食埋老公原本諗住供去戶口既錢…
平時食飯次次屈老公比錢都算, 今次太過份吧?!
點解做人阿媽可以成日"侯"住自己個仔D錢咁衰???
1個讚
咁樣都有既？睇清楚佢份人係會呃親人錢。
供養父母天經地義，同佢有冇執屋無關既，但去到咁樣呃個仔我會心淡，永無下次。
當佢真係唔記得，咁諗會舒服d。
拎返筆錢完咗件事算。
99已經唔係第一次咁樣, 結婚個時老公同我出曬所有錢(咁係應該既), 咁搞一搞係人都知會用左好多錢, 99就係呢個時候問我地拎錢夾錢去整佢屋企廁所天花… 問題係個天花有問題唔係個一刻既事, 遲唔整早唔整, 係要係我地冇錢既時候整!!! 係咪有心玩野? 原本老公細個時利是戶口既錢都已經比佢用左… 做人要咁樣嗎??
咁最後拎唔拎得返啲錢？
未到期, 要過多2個月先可以拎, 到時我一定要老公睇清楚條數!
就咁睇，完全係比99搵笨
99平時睇錢緊唔緊？
你99係唔係只對你老公咁？
其他兄弟姊妹唔使出？
你99同我99可以做fd !
成日咩都係叫老公買同出錢！！
1個讚
緊! 視錢如命!!! 冇一次見到佢係唔提起個錢字既!
1個讚
對我老公chur得好勁, 細佬同妹就間中…
1個讚
咁你99有無攞過d錢用？如果無就算啦，當迫你c6儲錢囉
我99都睇錢好緊，不過就未去到每次都講錢！
我99有本簿，專門mark 低每日買左咩，買左幾錢！mark 得好詳細！例如，買菜買左幾錢一斤
我知道之後o晒咀
我都唔明，個仔明明係自己生出嚟，但係睇錢仲重要過親情
呢D人究竟咩思想比我就真係好心淡會諗究竟個老母當我係乜睇見呢D人就憎
2個讚
你奶奶好明顯呃你地啦，但另一個角度睇，可能佢都覺得你會呃佢個仔d錢（我無惡意，只係佢地會覺得新抱係外人）
1個讚
99有心呃,到期拎到錢之後,你地去買樓啦,之後話要供樓cut一半家用…我以前都成日俾娘家呃我出錢,我生bb之後都仲要比,我忍無可忍話無錢啦,點比?事實我真係無返工仲要養bb~
3個讚