一人一個親子溝通技巧

努力咗好幾年,儲咗d credit,仔已升中,可以講關係良好
再聽d朋友訴苦,青春期問題,大家都唔讓步,子女就更加啋你都傻
不如大家一齊分享下,等後來者及早建立良好親子關係,免得到青春期時關係僵化

母子對話
子:我唔想去瞓覺呀…
母:ok,俾你hea多5分鐘喇
子:唔好,我要300分鐘!
母:ok,300秒!
子繼續講價
母:唔想返學多d,定唔想瞓覺多d?
子:我唔要返學!點先唔駛返學?
母:忍耐多一年,努力啦!
子:一年咁耐,可唔可以快d?
母:早d去瞓,就快d過一年架喇
子(廢話一堆)
母:好喇,最多俾你下星期4唔返學
子(心心眼):點解?
母:端午呀!俾埋你之後個星期三唔返喇!
子:咩日子?重陽?中秋?
母:1/7呀!
子:好喇,我去瞓喇!

技巧(1) 唔好say no,要比有限選擇,再協議
技巧(2) 當入咗死角,轉換話題,但適當時候,又要返去家長想佢做嘅野
最終,盡量唔好俾孩子唔開心去瞓

:smiling_face_with_three_hearts:

12個讚

Good!

我對幼兒/小學生溝通技巧熟悉啲。

  1. 盡量唔 say no,no 要留返有絕對需要先講。
    E.g.
    仔女:我要宜家食雪糕!
    父母:我地就黎食飯,宜家食雪糕你會一陣食飯食得唔舒服,睇下聽/後日我地搵個合適時段食。
  2. 冷靜,邊個唔冷靜就邊個輸。一定唔可以動手,一動手就會有第二次,而小朋友亦開始第一次。
  3. 立場要堅定,唔可以就唔可以。小朋友要說服你就佢要自己學會舉例論證。
  4. 發生意外,例如倒瀉水,第一時間一定要忍住唔鬧人,清理現場先再講道理。否則往後小朋友有野唔順利,會學左你第一時間鬧人。
  5. 多同仔女講 “早晨、晚安、唔該多謝”。

附送三個高小女女與書僮嘅對話。
女:(溫書) 我覺得呢個人物係 loving 因為佢養好多動物。
書僮:啊,咁你一定都好鍾意功課,你咁多功課。
女:(傻笑) 係 wor。

女:我唔要訓覺!
書僮:咁夜訓會醜樣同蠢架!
女:我唔要!
書僮:我唔想陪你做人頭豬,我去訓啦,唔訓嘅話又醜樣又蠢變到成個伯爺婆咁,我唔濟!早抖!
女傻笑,冇耐就主動訓覺。

女:你幫我做!
書僮:唔得,我蠢過你架嘛,你叻我咁多你識做。
女:你識做架!
書僮:你讚我十次又靚又叻,我就考慮幫下你啦!
女一路講一路傻笑頂唔順,結果輔助之下自己完成。

7個讚

好叻:joy:好高EQ!

好搞笑呀呢d日常對話:joy: 留名學野:laughing: 呀b太細有排都未識講野

你哋好叻!我儲起學下先得!!謝謝大家分享

學到嘢,謝分享

日常多d關心孩子感覺,多d分享自己嘅事,從中,佢地會知道多d職場或處事技巧,生態、要求等,亦都俾佢知道我地係有情緒,唔開心係可以從分享中得到安慰

其實,我初初都好似大部份父母初哥咁,一唔順我意就唔高興,我會鬧,試過好想好想打佢,亦試過出手打,但其實無解決到問題!
當仔脾氣越嚟越差,我由唔想帶佢做評估,到真係做咗評估,開始上家長講座,認識仔呢類火星人點諗野,其實佢地都好可憐,好多事從佢地角度出發,發現關係好咗,慢慢改變自己同佢嘅溝通技巧…

大家努力呀!幾難搞嘅小朋友都需要爸媽愛錫,咁就萬事變返相同目標,易搞好多!
唔好俾佢地大大下,自己錯過建立關係嘅時間,去到青春期就無得加分,只有扣分架喇!

犬兒兩歳,未識講嘢但係已經同佢講數。食埋啖飯先準乜乜乜咁。延遲滿足。

耐性同 EQ 一定要有

呢個post 令我諗返D搞笑嘢。仔小學時,學校教查中文字典,我就成日同佢講,我有 D字唔識寫同讀,佢叫我查字典,我又話唔係好識,叫佢教我。
結果:仔查字典好快手,直至升中先知我嘅中文唔係咁差:stuck_out_tongue_closed_eyes::stuck_out_tongue_closed_eyes::stuck_out_tongue_closed_eyes:

1個讚

要轉數快先可以有呢d高質對話

同意你~ 我以前成日同我青春期既仔火星撞地球.
我學會技巧(1) , 係WORK 既
如果我EQ 再高D, 再有耐性D, 相信會更好.

我仲會同佢打機, EVEN我好唔鐘意果隻GAME都好. (本身我都會打下種田GAME, 方塊GAME)
一黎可以盯住佢,一黎真係多好多話題 (雖然我只係扮聽得明佢講咩)

2個讚

哈哈,我就黎結婚。睇呢d post好有畫面感 :laughing:。不過我自己想等30歲再生,宜家先25歲

中學生可以同你理性對話

4歲小朋友,同佢講曬一大堆之後,都係一句「我唔想瞓覺」,嗰一刻真係想直接打暈佢:sleepy:

4 歲唔訓就俾張“殘相” 佢睇,話佢唔訓覺嘅話,第二日天光佢就會見到自己變到老太婆/老伯一樣。

訓唔夠第二日叫佢照鏡就睇到自己有黑眼圈,你就好認真、嚴重咁話 “好彩你尋晚都有訓下,先冇變到樣咋。今晚一定要早訓喇,唔係嘅話只會一路變老變醜,就變唔返以前個樣。”

有少少阻嚇性,又唔算呃佢,唔夠訓的確會易老易醜。 :joy:

1個讚

你教得好好!

細d嘅小朋友,係要臨瞓前製造瞓覺氣氛,係要氹,因為我家從來都早睡,佢地把口就算幾唔想瞓,氹到佢地上床就熄燈,5分鐘內Zzzz
從少同佢地建立良好作息習慣好重要,小學生要早起,K3暑假記得預早改一改作息習慣,唔係轉頭做唔完功課,又整到早瞓唔到!加油!

我兩個係如果爸媽外出,佢兩個係會早d瞓,9點鬆d就刷牙準備瞓,試過9點半有同學打嚟,中學生已瞓!