奶奶有急病，請唔到工人姐姐（主要係冇地方比姐姐訓）。上網search 見到有社區保姆，想請問各位有冇經驗分享，謝謝
搵過，好多限制，搵唔到人做
我淨係知係要上EE屋企湊，朝7晚11，請問仲有咩其他限制？
小朋友幾大個呀？
如果係0-6個月BB只係餵奶換片，同照顧安全。如果食固體就冇得限社區保姆煮乜餸，因為社區保姆係半義工性質，佢地一小時只係收家長$20，政府出$1，所以唔可以要求咁多。
1個讚
3個半月大，所以真係餵奶換片沖涼咁。
用過
睇好唔好運
我女用個時, 個EE好HEA,你當俾錢有個人睇住就得
我仔用過時，我覺得好好~有好多我冇留意到的野,佢都會提我同埋幫我做埋(當然事前一定會通知左我知)
朝7晚11, 冇咩EE會接, 因為呢6-7年好明顯唔多EE願做，當年照顧我仔個個,都話人工太低，去打工好過
好多人要用嫁
配對配得耐 T_T
好多EE 好奄尖
自己畀錢請保姆咪可以有d要求
我見你都有諗過吓請工人，經濟上應該ok嘅~
社區保姆嗰d真係學樓上講係半義工，你唔可以太多要求
我依家個保姆日薪$600，返9-5
有陪月證書，主要我請佢湊2個月嘅b，唔使佢做家務
我都係因為冇地方畀工人住所以請保姆
當然保姆貴過工人好多，但唔使同陌生人同住，而且保姆可以短期，幾個月都得
自己取捨~~
多謝呀，搵到一間
係咪冇得揀，社工派邊個EE你一定要用個個，事前可唔可以見個面
600蚊一日算抵喎
因為我要返工，所以希望EE可以7:30開工㗎喇⋯
條件自己set嘅~一定有姨姨做嘅
咁如果你要姨姨工時長，就當然要人工高d
我請個保姆係月薪咁請，同埋同佢講咗會長期請 (起碼半年)
可能姨姨覺得好穩定，所以人工唔算太高佢都肯做
唔駛客氣.
我朋友舊年用,配對左2個禮拜到,帶埋 bb 見 ee,有社工陪上去,面對同ee 夾唔夾.要帶乜,幾點到,當面講清楚
ee 無得揀,因為佢哋湊幾多個都有 quota 制,就算你鐘意個 ee,ee 湊夠數,都唔可以再湊多個
見朋友個 ee 幾有愛心,不過朋友都識做,大時大節送野食,對 ee 好好,始終佢哋都有番咁上下年紀
似見工咁,人夾人,ee 咁少錢肯做,通常要好有愛心,佢哋都讀過書考過試,先有得做,你試下,祝順利~~
Thx !
其實排更期上育嬰院，但都要等成年⋯所以我都至少請一年
你係邊個Platform 請EE㗎。
又唔錯喎，一齊見三口六面講清楚，唔該晒呀！
講真,一個月價錢真係等如你請一個工人差唔多,但條件係你要有位比工人瞓,比佢食比佢用同比佢住,但叫做隨時候命,放工都叫鬆下手
ee 只湊日頭,你放工接返阿 b, 都要自己湊,洗烚奶樽等等,又要煮飯做家務, 做到cc 下架,到時可能你就會諗都係咁多錢,但放工之後咁辛苦…計掂數,諗過 ok 就試下
1個讚
係㗎⋯請工人姐姐一個月都係5-6千左右，已經煩少好多野。有四大長老幫手真係好幸福～
我冇揀，有事前見一見
AGREE, 俾5000-6000,我會要工人
不過怕工人係泥做公主, 到時重煩