排左幾耐？
2人, 2011入表, 2018派樓, 第1次派嘅放棄左, 約半年後第2次派先接受
點解放棄既？
太遠
睇下幾多人排，我3人等左大約6年，4人8年因為大單位少！
冇排
見一人單位排10幾年都未排到，就放棄咗
聽講現正單人單位只會批比45歲以上，年輕既上樓係冇可能，唔知係咪真？
新聞話2人以上就4-5年 我仲以為係真添
我冇排過公屋，不過只係幾年睇新聞見過話單人申請極難。
點解排1人要咁耐?
因為公屋輪候係計分制，越年輕得分越少，等得越耐
下？原來有得負分？
佢做數麻，計埋特快凶宅同老人特快，所以咪拉返低個數囉
3人等左3年，希望唔駛等over10年啦
係呀,年輕人起碼排廿年
20年？即係等於冇可能。
其實政府應該幫下年輕人，如果年輕人成唔到家，所有結婚、生仔推遲晒，就好影響香港人口及未來社會規劃。
不過，可能香港政府唔重視呢d吧，始終每日150個名額，香港人生唔生到仔？結唔結到婚？有冇成家，對政府黎講都唔係太重要。
1個讚
年輕一代真的冇咩選擇, 我見唔少結左婚既一係繼續同屋企人住, 儲錢等買大西北細價樓；一係一到租樓一到抽居屋/白居二。再窮啲就一家三口住劏房先,等6-7 年上公屋。
單身又後生想排公屋排20年都未有得上樓，求其搵份大快活捧餐都超入息限制，前面仲有一大堆人優先過你，如芝麻移民、長者、家庭等，單身想要公屋應該得繼承本身嗰間呢條路。兇宅都唔輪到我要，佢有十屍滅門慘案單位派比我我都要呀，橫掂冇鬼恐怖得過窮鬼
聽人講年輕單身(18歲開始申請)，如果一直單身嘅話平均要等到5x歲先可以上樓。
你預計等7年