我個仔而家歲半，日日除咗飲奶，咩都唔肯食，之前都仲肯食吓粥仔，飯仔，而家都唔肯食，我哋食飯時餵 d菜，肉佢食，但佢咬到爛晒又吐返出嚟唔肯吞，有冇人知點解會咁? 會唔會有咩問題? 有咩辦法改善?
至於生果肯食小小，但都唔多，大便經常都好乾身一粒粒，我哋都好經常餵佢飲水，佢都肯飲幾啖…
咁其他零食呢？食唔食？
先要搞清楚佢真係唔鍾意食(包括唔食零食), 定還是揀食。如果真係乜都唔食，可能身理或心理出現咗啲問題，咁要睇醫生，但如果係揀食，其實真係做唔到啲乜嘢，當然啦嗰啲咩試吓唔同食物、煮法、餓吓佢、營做開心進食環境等等都要做嘅，不過唔好有太大期望/壓力，父母只能盡做
餅仔之前肯食，而家都唔肯食，零食會食，糖，飲品，雪糕，佢一見家姐食就係咁扭要食，但正經嘢就唔肯食…
最近先係咁哥可能係喉嚨腫痛 搞到吞野痛
佢其實之前都有咁嘅情況，但冇而家咁嚴重…
咁即係佢吞食能力冇問題, 只係懶, 唔想吞
似乎佢鍾意食甜嘢, 可能煮食時盡量煮啲天然甜嘢, eg南瓜, 蕃薯, 栗米… 盡量做到得意吸引佢, 慢慢引導佢食嘢, 千期唔好俾佢食零食, 自己辛苦啲都要預備天然零食, 我知道唔容易, 但真的要堅持
我仔個陣差唔多時候都試過，如果之前食嘢無問題，呢排先咁樣
有可能係出大牙或好似上面講話喉嚨痛
我個陣有轉唔同食物類型比佢
試過焗蕃薯條(前題係無喉嚨痛)
烏冬，通粉之類
唔一定work，但個陣都係等日子過，食唔哂又迫唔到…
後尾正常番諗番可能係出牙影響食欲
細路一出世係吾識分好食同吾好食，佢地飲奶食野只有一個目的，就是肚餓！佢得15個月大你就給佢食糖食雪糕，甘好食，換轉是我，都吾食其他野啦，這是自找麻煩。
1個讚
麵包食唔食？ 烏冬？
會唔會食物冇味？或者大舊？ 太乾？ 佢唔鍾意咬？
麵包，烏冬之前都肯食，而家都唔肯食，或最多食一兩啖，到第三啖餵咗入口咬爛就吐出來，我覺得佢成日鍾意攞 d食物嚟玩，又鍾意揸爛 d食物掉落地，但都唔肯正正經經食…
食物唔會冇味，已經餵我哋大人食嘅餸俾佢，大舊食物都會剪開，食麵又會剪碎…
亂估：最近天氣熱，胃口唔好？
都係亂估： 會否食野氣氛好大壓力？ 唔夠餓？
我阿仔細個都唔鍾意食，我就用左不算好的方法：一邊講故事，一邊要佢食。 佢食我先講。
我估都冇壓力，我冇俾餐椅佢坐，食嘢時都由得佢周圍走，但唔知點解佢都唔肯食…
冇坐定定，周圍走，掛住玩，仲難要佢食wo.
小朋友唔肯上highchair？