話說五月尾紅色暴雨我要睇醫生，我現正懷孕怕紅雨唔開門，都打電話落去問開到幾點，有冇得預約，預時間落去廢事咁大雨唔方便食白果。聽到佢有開我就落去睇，登記完個姑娘已經認得我，語氣都唔客氣同我講X小姐你唔洗打咁多次電話，呢度冇遇約，你行落黎就有得睇，啲態度令我感到不滿。我一直有問個姑娘叫咩名，我話你好冇禮貌，跟住佢話，你投訴我冇所謂！我都係話你聽叫你下次唔洗打三四落黎，但係我當日淨係打過一次。
跟住佢拎我張員工證搞咗一輪，都未比到我入去睇醫生，同我講開唔到個System，話System會令到佢部電腦hang機，已經同過團體醫療反映，但係都無補於事，開唔開到都係彩數喎。咁今日開唔到，話寫返張單俾我，叫俾正價睇，咁我公司正價睇醫生係claim唔足。都係因為佢係公司嘅醫療醫生先睇，明明我用員工證係唔洗錢，我已經覺得佢玩嘢，咁我最後就走唔睇，睇第二個。
點知今日收到公司通知，話個醫生打咗去我公司投訴我態度差。。我真係0撚晒咀？心諗我係客人，你玩完野仲要投訴我？我有打返去團體醫療嗰邊問，正常佢個System冇提供我公司電話，係佢知我返邊間公司，自己上網search電話再打電話去我公司，真係想知咁樣係咪濫用私隱！！
嘩，呢間野除左好LPK之外我無野好講。
2個讚
唔係太明佢點知你咩公司工作
1個讚
我試過類似情況，唔同嘅係個姑娘喺電話度個態度已經好差。自問係一個非常有禮貌嘅人，我只係問佢大約幾個patient 等緊，佢答我 " 你落到嚟咪知囉 ", 我即時撻着咗，但仍然好有禮貌地收線，跟手上網揾佢醫療機構 CS email, 打咗封complaint letter ，隔日收到佢哋email say sorry, 仲問我攞contact no. 想要多d資料，不過我冇覆佢。
你情況仲衰過我，建議你寫封 complaint letter 比佢哋 CS, c.c. 埋高層/PR, 同佢哋講返個事實，叫佢哋睇返cctv 證明你清白，同佢哋講你懷疑佢哋已經觸犯私隱條例…要佢哋x日內解釋，否則你會去隱私公處投訴。
5個讚
投訴個病人睇醫生態度差，真係第一次聽
我自己覺得，向診所睇醫生而留低嘅所有資料，包括姓名，工作嘅公司，都應該要為病人保密，未經病人同意，唔可以隨便使用。單單係你去睇醫生呢件事，就已經唔應該向你未同意前，就向你公司匯報。再者，佢使用你嘅資料，應該只可以係於醫療相關嘅事情上，用你嘅資料投訴你，純粹係個人目的，同醫療冇關。
你可以問吓pcpd，或者去醫務委員會投訴返個醫生態度差
4個讚
嘩，邊間咁衰 
我覺得可以好似jm話齋，投訴返佢侵犯你私隱
1個讚
有冇搞錯，打去個客公司度投訴佢消費態度差？癲㗎喎。
支持你投訴返佢。
記得上黎update 返
2個讚
公司睇醫生唔洗錢用醫療咭 佢係咭內既網絡醫生
個醫生叫林培
好
我今日就打電話去
多謝你嘅意見 我今日會打電話去！
但係個醫生係私人執業 醫生就是大佬 可以點投訴？
如上面 Kyra 講，直接揾醫生投訴，手機裝埋電話錄音。
其實你sd返個email 去保險公司要求解釋，佢都好麻煩
支持你,其實佢侵犯你私隱,出律師信都仲得
咁離奇？乜診所？
係，我覺得send返去保險公司，純粹講返件事，同埋問返間保險係咪system有問題，因為係間診所同你講system有問題唔俾個客用，話俾間保險知懷疑佢地唔提供服務，同埋你無見過醫生，你問下間保險係咪俾咗你資料佢地。
同埋你睇下有冇需要改一改個post，唔開醫生全名，唔知影唔影響你個投訴。同埋叫啲同事唔好去依間。
做緊診所
d病人打黎問有幾個人等緊
我都會答黎到再話你知
因為呢一刻幾多個 吾代表你黎到都差吾多
如果果一刻忙到甩碌仲要數下幾多客答你
都幾辛苦
所以我又吾覺得系咪禮貌問題 系有冇需要既問題
但係我成日都登記完個姑娘已經會順口講埋排第幾個 要預大約幾耐
同埋 有時發緊燒已經好辛苦 預定時間落去睇完就可以早d返去休息 所以呢樣野對病人黎講係好需要
多謝你解答。
嗰間診所我睇開，好細，一眼睇晒，喺公司附近，當時我返緊工，平日。
診所本來係可以電話預約，我打電去book 時個姑娘話依家冇得預約，要親身入去等，ok, 我真係好有禮貌問佢大約有幾個人等緊，人少，我就即刻過去，否則去睇第二個醫生(我當時發燒+喉嚨發炎)，而個姑娘真係用非常非常差嘅語氣答我，我條氣chok 住 chok 住，仲要好有禮貌收佢線。
我一向對前線/服務性行業容忍度好高，大家都係打份工，但嗰次真係忍唔到唔 complaint.
相信你係一個好姑娘，我遇過嘅大部份都好，但偏偏遇到一個非常差嘅。
1個讚