我同老公結婚一年，結婚前有d咩事佢都會同我傾，唔開心佢會哄我。但結咗婚呢一年，我地開始少咗傾計，好多事上面，佢有佢自己主見既時候，佢只會堅持自己唔會讓我，就算講到嘈交佢最後只會話我情緒有問題⋯無論任何事，就算佢自已錯，只要我加強語氣鬧幾句，到最後都只會係我錯，話
我係怨婦成日搵交嘈
其實呢一年我都唔開心
佢永遠都係啱⋯我唔開心就因為我抑鬱症發作，但永遠都唔會解決問題，就算拎出黎傾都冇共識，佢又覺得佢啱，我又覺得錯不在我⋯
本身我地仲住係佢屋企人度住，我果時就唸，可能搬咗出去會關係好d呢，可能會有好轉變。近排我地搬咗出去，我更加覺得唔開心我本身home office,佢要求我要煮飯比佢食，我其實home office都做到full time 咁好多野做，未必一定晚晚煮到要好多時間，佢一句就問我點做人老婆
ok我煮啦。有次呻幾句好忙，其實你要搵食搵錢我都要，家務真係好多時間，真係辛苦咗，佢就講：「其實有時家庭都係錢既問題，如果個老婆有能力搵到多d錢，咁其實一個家庭就會少d問題」係佢眼中錢字永遠都行頭，成日同我講同事老婆護士五皮一個月，人地老婆公務員五萬，人地老婆屋企人買層樓比佢地住⋯
係我真係搵得兩萬，佢搵多我一半，我冇父蔭，唔係專業人士，但我冇貪過一分一毫，所有洗費我都有夾返錢我冇要求過佢買牌子野買貴野或者成日食好野
其實我自己心入面屈住屈住好耐，我覺得佢對我都真係好一般，佢唔會關心體貼一下我，有時約朋友約屋企人一齊聚會，我就好似變左個透明人咁，佢唔會理我。
其實係一個惡性循環，我覺得佢唔好，佢又覺得我唔好
我同佢講，你覺唔覺得我地唔同咗，佢就話：咁結咁婚係咁架啦，你唔係以為仲好似啱啱拍拖咁呀麻？咁而家係以生活為主架啦。
係咪忍吓忍吓就可以一世架哪⋯？我係咪唔應該太在意點解我唔開心都好似做錯咁⋯？唉
結婚頭三個月，叫佢一個月抽2日陪我都好似浪費佢揾錢機會咁。。。
仲會成日怪我唔幫佢，唔借錢比佢買樓…