Copy from lihkg，我覺得講得好岩，而家出聲既舖頭都基本上係勇字擺響心口，真心希望大家唔好再鬥黃喇… 因為根本點樣都唔會係最黃
識得有位黃絲傻仔，佢夠膽死係額頭上紋左：「光復香港」四個大字。於是係人都知佢係黃。
1.由於出位嘅紋身，大家都對佢“另眼相看”。有部分人幾欣賞佢，會暗中同佢講聲加油，好d嘅會介紹d新客比佢。
-
但代價係，工作場所入面只要有人唔like佢，就可以暗中搞佢。而且有d舊客見到佢，即刻話唔幫襯，表示唔會比錢暴徒賺。佢嘅收入即刻好唔穩定，時好時壞。就算有多賺的部分，都係要冒險。
-
佢不時收到奇怪投訴電話，有人指住佢額頭鬧。黑警見到佢二話不說就查。最近被匿名信威脅，國安法一通過就拉佢返大陸。
-
佢做到管理層，為左事業付出左半生心血，一家生活都要靠佢份工養。佢本來平平淡淡可以度日，但為左發聲，佢都無計較太多。
-
本來無愧。直到突然有堆黃絲，指責佢額頭印記紋身只係想搏出位，想食人血饅頭拉客。佢突然有一刻懷疑自己公開地黃，係咪做錯左，以前剩係私下同幾個friend講自己黃，一齊靜靜雞請假去發夢，好似簡單美好得多。
我所講呢位黃絲傻仔，其實就係每一間黃店嘅老闆。佢地都係用自己事業做賭注公開發聲，而黃絲之名將公開、永久地跟住佢地。無論一時得到幾大掌聲，注定難有安穩。
公開地黃，同私下圍爐去黃，難度根本係地獄同天堂嘅分別。(PS亦正因如此，藝人點解咁樣難表態，罷工又點解咁難)呢個post，但求大家在鬧黃店扮黃、食饅頭之前，先問問自己可否額頭上寫「光復香港」返一日工。咁樣應該會鬧得細聲d。
識得有位黃絲傻仔，額頭紋字：「光復香港」
https://lih.kg/2057566
- 分享自 LIHKG 討論區
人地國家機器響後面，我地仲唔團結真係好難搞
我唔想再好似雨革咁呀