眾所周知，近日法庭裁判官對過往一年因反送中而引起的各種案件，不斷作出聳人聽聞的裁判。 例如郭偉健稱讚斬人案犯人「情操高尚」，香淑嫻加入盤問證人，陳惠敏認為落小巴時被警察催淚彈射中爆粗嘅中年男子「行為可能導致社會安寧受到破壞」，判罰200小時服務令；更令人髮指嘅係尋日，吳重儀不但漠視警員口供不一致，甚至疑犯受到傷害，卻竟然胡言亂語地認為被告人格有障礙不適合作教師，將其還押小欖精神病中心候判、、、
一連串違反法理常識，令人震怒嘅判案，完全令人感受到地區法院裁判官簡直係警察嘅好朋友：無論點樣無稽嘅控告，即使屈打成招，裁判官都會毫無保留地配合警察，一定告得入，兼夾仲要判重刑。
好多年前，當一般市民對法庭嘅印像中係劉德華嘅《法外情》系列，老一輩會同後生嘅講： 唔好做律師，做事戾橫折曲，害無辜嘅人坐監，好冇陰德。套戲而家睇返梗係錯漏百出，但係正常人始終會覺得害人坐監係極為下流陰質。不過維護人格同積陰德，只係正常人先至會有嘅自我規範。專權暴政對於招收鷹犬做其爪牙係另有一套：就係用高薪厚祿請一堆唔入流嘅垃圾做事。正因為呢啲垃圾冇競爭力又技不如人，唔依賴權勢就無法生存，所以呢班垃圾唔需要受到乜嘢特別指示，都會出盡力咁做任何傷天害理既陰質嘢以表忠誠。
毅進仔做警察係咁，原來裁判官都係。以前市民大眾未必會留意邊個做法官，但係呢幾單太誇張，引黎連登巴打好奇揾下呢啲法官咩背景。唔搵由自可，一搵就嚇死人：陳慧敏，吳重儀同香淑嫻， 三個人都係92、95年之間做律政處法庭檢控主任。陳慧敏同吳重儀兩個，都係喺 96、97年去咗英國同一間全球排名八百幾嘅野雞大學「沃爾沃漢普頓大學(University of Wolverhampton)」讀法學學士學位（作為對比，港大係全球排名四十幾），然後呢三個人都係同期2007年7月獲委任成為特委裁判官、、、（此段資料由連登巴打發掘，萬分感謝。）
呢個時候，我諗起嘅係《無間道》。《無間道》入面嘅黑社會頭子韓琛，由學警開始安排內鬼滲透警隊，待他朝一日每個內應飛黃騰達，自己嘅線眼就可以滲入至權力高層。
而家有幾個人，讀書讀到接近30歲先至攞到野雞大學學士，然後四十幾歲一齊成為特委裁判官，到五十幾歲人，一齊擁護政權亂咁判刑。表面睇起上嚟好似係一班讀唔成書嘅垃圾為咗奶老細鞋底，即使係做陰質野害人都唔care。但係會唔會呢一切，早喺三十幾年前後過渡期就已經有所安排？喺《無間道》入面，劉德華飾演嘅督察，最後先知原來做線人嘅唔止佢一個，咁而家特委裁判官嘅履歷出現咁樣嘅巧合，其實法律界被人滲透咗幾耐，同埋有幾深呢？ 除咗法庭之外，仲有幾多政府部門係畀人咁樣從小滲透？還係其實而家已經有一個影子政府存在於每一階層？
對住呢啲情況，李柱銘呢類法律大老倌係表現嘅時候。因為現職法律人員係唔可以公開批評法庭，如果有啲已經退休或者就嚟退休嘅大狀可以專業公道咁指出裁判官嘅謬誤，就係強而有力嘅反擊。只希望仍有心力嘅法律界老前輩可以出手相助，先至能夠對咁樣嘅垃圾判案有所影響。
裁判官同警察聯手殘害示威者已成事實，大家一定要多多保重。
願上蒼重罰誣害他人之人 ，願上天保佑香港。
後記：特委裁判官只需要五年經驗法律人士就做得，以前通常只係判無牌小販或者黑社會嘍囉非法集結之類輕微罪案，對法官要求非常低。而家律政司同法庭夾埋一齊打茅波，再夾埋特登放落幾乎都係自己人嘅地區法院。咁無論612基金有幾多錢都搞唔掂。大家要盡量將呢啲消息放twitter打國際戰線。殘暴嘅政權一日不倒，判案內容就只會越嚟越荒謬。另外有朋友發起以投訴信投訴裁判官失當。未必有用，但係儘管一試。詳盡內容放於留言内。
更正: 呢幾個女人都已經由特委裁判官升職成為裁判官。Sorry。
雖然端傳媒有鬼， 但有一篇文章分析法院架構頗為詳盡，有興趣嘅朋友可以一看。
https://theinitium.com/article/20170828-hongkong-controversial-court-cases/
連登原貼連結：
https://lihkg.com/thread/2060970/page/1
2007委任司法人員公告連結：
https://www.info.gov.hk/gia/general/200707/13/P200707130114.htm
