大家好！ 生完無幾耐， 成日同老公嗌交 ，又驚比老公話我係怨婦， 想喺呢度呷吓
我係ftm. 我老公基本上係唔會主動理屋企嘢， 亦都搞唔點細路。每樣野只會叫我做或叫我叫工人做。 佢連同工人溝通都唔想.
成日兩個細路未訓需要人陪玩， 老公就會話好累 要入房休息。 到我搞點晒D細路， 佢就出黎打機/ 玩電話， 仲要有時好精神一玩玩兩個鐘。
有時我抱住bb, 叫佢拎D野 or 整少少野 佢會黑面又話我洗佢做野⋯ 大佬， 我已經唔洗你照顧小朋友， 幫手拎下整下野都唔得， 咁有時姐姐都會忙煮飯或放假之類。我好多次都想爆佢。 不過我始終唔想成日同佢嘈 好多時忍住就算。
另外一樣令我傷心既係我老公好多時都無興趣同我講野，好似除左關於小朋友D野外， 無論咩話題，佢都係無心機同我講落去。
我覺得好委屈， 但我知佢性格， 直接同佢講呢D佢只會覺得我煩
你覺得你老公愛唔愛頭家，包括小朋友同你?
你同你老公有冇共同話題?
佢係咪大男人心態？ 覺得自己出去賺錢，咁屋企嘢就應該由太太負責，加上請咗工人，當然叫工人做心態？
3個讚
未生bb之前你地既感情好唔好？佢本身想唔想要家庭同小朋友？
和老公有返D2人世界好喎，出街食餐飯，幾個鐘都好！
1個讚
大家都鍾意頭家。 我覺得佢鍾意但無耐性湊細路。 坦白講， 除左細路同屋企野之外共同話題真係唔多。
佢係大男人， 令我好多時都委屈
有工人但我都想佢倍細路玩
咁係心態問題，好難改
未生b 前幾好， 唔會用超恩愛黎形容，但都唔差。結婚後已經有共識大慨幾時生B同埋生幾多個.
咁就試吓發掘吓d話題，可以由佢有興趣嘅話題開始先。
雖然咁講好似委屈自己咁，但男人要讚先肯幫下手。
由小小嘢開始，好似整少少嘢，就要畀佢知，好在有你先會完成到。
做到就讚，唔好反諷。
唔知你老公乜性格，知道屋企有返角色，可能唔同d。
我都想，而家有個bb真係好難。有兩個小朋友真係無乜拍拖時間
所以好多時我忍住就算
有時問下佢返工D野佢就講多少少， 但都唔係好多野講嗰類傾計。 好羨慕好多朋友同佢老公成日傾計好開心
好呀 多謝呢個意見
我知只係有時我自己做野太急
有D簡單野唔明點解佢都唔幫
做媽媽定要學放鬆，要心態放鬆。
如有工人或長者，幫忙看幾個鐘，去拍下拖。
真的，如夫妻感情不保持，好難有幸福家庭比孩子！
你點諗都唔會明，因為你唔係佢。
嘈交只會令佢往外跑，要畀佢知屋企好需要佢參與。
搵佢幫手拎嘢，記得講唔該，唔好老馮心態，
唔需要夾硬搵嘢同佢傾，咪繼續傾小朋友嘅事囉，
搵d嘢係需要佢畀意見。
容許畀佢5-30分鐘佢delay，
你講得好啱！ 我都覺得我做左ftm之後唔識放鬆。講句普通嘢都好用力，我知咁樣好唔討好， 可能小朋友呢排好曳，慣左要「用力」同佢講野先聽話.
自己都放鬆唔到
而家有bb 仲餵緊人奶好難甩身去拍拖。 有時weekend有個零鐘空閒都只會同老公出去食個快飯或買下屋企野
唔好比較雙方既付出，同先生講下自己感受，交幾個tasks俾佢負責（先要佢同意），自己偷d me time。
謝謝呢位jm!
每日都希望兩位小朋友早d 訓著 等我有多D metime
但訓著左又會「掛住」佢地