謝謝大家理解，其他都知道無咩方法可以解決，但真係好唔甘心。
如果個大陸女人有結婚證書係手，咁佢真係你爸嘅合法妻子，所以你同你家姐冇嘢可以做到，因為遺產真係俾妻子先，之後先到兒女。勸你哋都係聽律師意見，始終律師先識處理。好明白你哋心有不甘，冇啦啦有個大陸女人出嚟搶嘢咁，但呢D都係你爸嘅蘇州屎，真係只可以怪你爸仲乜要咁對你哋
1個讚
係，真係無計。仲要簽埋婚書係合法妻子。佢唔肯攞番層樓出黎都無計
少少錢問律師意見都要，但我估情況不太樂觀咁。
佢地有正式結婚，冇遺囑遺產會由妻子處理。
你爸留低個5歲女俾老婆，養大都要錢。
雖然你地心有不甘，但的確係你爸既責任同手尾。
2個讚
借問聲，你哋母親同父親已經離咗婚？唔存在重婚嘅情況？ 呢啲真係要搵律師問清楚
已過生了
係呀，就係唔樂觀，因為佢佔大份，都唔知點先迫到佢賣樓…但睇住自己個份俾心個女人侵吞埋無得攞返，或者等到我死左要交埋俾下一代…真係好唔甘心。
你爸爸專登瞞住你哋收埋佢哋兩母女
可能就係怕你哋會爭層樓
可能佢覺得個女仲細, 所以有心留層樓俾佢哋兩母女作保障
他人嘅財產就算佢係你親生老竇都唔到你管，做仔女嘅就自己顧掂自己啦，唔好期望上一代會留啲乜俾你，就算佢俾人呃都係心甘情願。
你可能覺得自己做子女好重要，啲錢唔應該俾咗個“外人”，但老竇角度並唔係咁諗，佢都射得精落人哋到，可能佢覺得人地兩母女更加比到愛佢⋯⋯你又憑咩唔甘心呢？
2個讚
家父無證立遺囑，臨前死都無講話俾晒個女人，咁跟法例我同家姐你有份分，但佢攞住唔俾返我地。
你會唔會將自己資產無啦啦俾個外人攞住先???
佢要俾幾多個女人我理唔到，但好明顯，家父係仲有意識時都唔肯講話留晒俾個女人，同樣，我都可以理解為跟香港法例去分，我家父無唔錫我地兩姐妹，感情亦唔係差，學上面講，也許佢想留俾個5歲小朋友唔奇，但唔代表可以吞埋我地個份。
咁就奇怪，除非你父親完全唔識法律，如果佢想留俾仔女又點會唔落遺囑呢？
反而留俾太太就真係唔使立，我同老公都唔會刻意立。
其實家父識唔識已經算，人都已去。
我只係跟返香港法例，因為無遺囑，加上層樓無任何人名，所以跟遺產法，層樓宜家係個女人，我，家姐，同5歲妹都有份，但我地係佔細份，女人大份，加上佢又霸左黎住換埋鎖，感覺上真係唔知點咁，明明係自己嘅資產，但按錢又按唔到，住又住唔到，擺野都擺唔到，個女人會掉晒出黎，而個女人又唔肯賣樓…個女人仲係我家父過生時去左開酒搵朋友慶祝，所以心裡面好唔願意自己個份俾個女人攞住。
都明白你點解咁嬲，冇啦啦多個女人同哎哋阿妹真係太突然，但真係冇辦法可以從合法途徑拎返層樓，唯有自己諗開D啦
遲咗睇，唔太清楚樓主實際情況，但睇留言估
香港法例下，如果無立遺囑，任何同死者有親屬關係嘅人都有權分死者資產，唔同親屬有唔同百份比，而以樓主情況，因為間屋有你地份，可以以民事告個大陸婆，但掉轉諗，雖然間屋俾個百佳霸咗，但佢同樣都唔可以賣出去及借貸，你同樣一樣可以克住佢
題外話，現時好多老人家都借立遺囑，但留有遺囑都唔等於無事，唔好以為律師樓立，有埋律師簽名就得，只要當時人講少一個字，份遺囑都可以無效，所以我會提客人，想確保資產死後俾邊個，除咗立遺囑，可以考慮利用保單分配，因為保單受益人係唔會受法庭干擾
該主題在最後一個回覆創建後30天后自動關閉。不再允許新的回覆。