至有左寶寶後，一直食慾都好差(一次都無嘔)，成日都食唔落野，咩都唔想食，好似練仙咁，體重一直下降，但寶寶當然愈來愈大隻，每次吃飯都係吃2啖又唔想食，再食就作嘔拒絕(無嘔出黎)，老公好擔心，常常都逼我吃東西…我不吃佢就好擔心 
我有吃流質的食物，但吃2日又唔WORK，有咩辦法可以吃東西?
另外諗好耐都諗唔到自己想食咩，有人話想食咩就食咩…但我腦子KEEP 住一篇空白… 
你而家幾多week呀？
食少多餐幫唔幫到你？
其實真係逼都冇用。我頭三個月，一日只食到兩餐。然後至多係食下啲零食（如梳打餅、蘋果）有媽媽group 嘅媽媽教話可以食薯片（不過我唔好） 
有左bb頭兩個月我體重輕左
放心啦
基本上順其自然就得
食果仁得唔得？
其實真係冇得迫…好多媽媽一開始都係愈陀愈輕磅
唔使太擔心~ 放鬆心情 少食多餐 揀d有營養嘅嚟食 就ok啦
我老公都擔心我食得少架，不過我會呃佢話我日頭食好多，晚餐前都食好多，所以收工一齊食飯時係佢面前食得少咁。最緊要自己冇壓力同bb夠磅。我衣加7個幾月都係過輕，過左嘔期食多左但都冇乜重過，b size正常就得啦，增肥邊有咁易。
少食多餐啦，食到嘅時候就食多啲？最緊要bb size正常就無問題啦
1個讚
頭3個月食唔落都無咩所謂
BB有佢自己營養囊
唔想食都無辦法，我陀第一胎時基本上係生之前都食唔落嘢，朝早食個空氣麵包都飽到食唔落lunch，有時想食餐好d 之後一星期都滯到食唔落，奶奶好心機又花膠又燕窩全部倒哂。keep 住檢查醫生話無問題我都唔擔心。
15WEEKS 了，一直都吃唔到野…個腦一片空白…無特別想食，寶寶SIZE 標準正常無乜野
咁就唔洗太擔心啦，自己心情都好重要架！
食唔到唔好迫自己，等肚餓先食
食老麥，pizza同薯條得嗎？大肚婆恩物
呢個時候唔好理健唔健康，食得落肚先講，再唔健康的食物都有一定的營養價值
1個讚
麥當勞魚柳包同麥樂雞真係幫到手！
真係，大肚時成日吃巨無霸同燒鴨
岩呀，就算多油多鹽其實身體都會處理到，蛋白質碳水化合物就算垃圾食物都一定有～