我幾同意。
移民最好抱着破釜沉舟的決心，強迫自己做。開頭可能唔習慣，未試過改變生活方式又點知道自己唔鍾意？
我哋就係無辦法再實現香港嘅壓力所以離開。（我直情有病，壓力係其中一個大原因）。如果仲要為個女學業擔心，我諗我睇唔到佢畢業。我哋走,完全冇諗過返轉頭.
1個讚
我既大前題係樓主睇到因香港政局而移民。好似你咁樣咁中意所以走我唔認為係一個問題，只要你好想走，你就會搵到你既方法去留低。
2個讚
只可以講句：有料既係邊度都可以撈得風山水起，無料既去到邊都只會怨天尤人。
處處無家，處處為家，心能安住，共勉之！
1個讚
呢幾句總括左移民嘅真正目的！
1個讚
其實而家心態是走難，類似6,70年代阿爸阿媽從大陸偷渡落來。來到再搵嘢做，唔同的是，再冇乜地方需要密集勞動力
1個讚
同意而+係走難心態.
好彩的是香港人比較有錢, 還可以諗下去邊.
否則都唔諗得咁多了
覺得HK好只係因為住慣左又同聲同氣, 就算唔講政治, HK居住環境, 教育制度, 空氣質素同天氣已經令人卻步啦！ 小朋友如果好細個已移居外, 十居其九都唔想返HK住就可見一斑. 我地已移居US, 情感上雖然仍然好掛住HK, 但從來冇諗過會回歸亦已視US為自己個家了.
5個讚
走出去要好大勇氣，去左就唔好睇返轉頭。享受當地文化，過新生活。大部份都係心態影響。
係, 心態真係好緊要, 如果未移已經諗住事無大少大不了就回流, 通常都唔慌可以係外地捱到幾耐！
2個讚
我又認為, 唔一定要移民融入當地, 但唔好麻煩當地人, 或唔付出就攞著數。
例如香港都有回教徒, 沒有融入香港生活, 佢地會圍爐, 唔講廣東話, 會包頭, 揀學校都係揀同鄉讀開的學校。到第二, 三代才比較似香港人。
但我又覺得, 佢唔攪擾香港人生活, 無乜問題。尤其是人到中年或老年, 身心都難適應新文化。
2個讚
我有好多朋友，從日本，台灣，加拿大，美國，英國…來香港做嘢，做生意，之後攞到香港永久居民身份證。
呢班人，全部唔需要攞香港福利，反而係香港買樓，安居樂業。但其中一部份，住咗20幾30年，一句廣東話都唔識，仲成日攞香港同自己國家比較，我聽到，都好唔鍾意。
2個讚
有做開生意嘅都可能會蝕，因為當地同香港文化唔同，我睇好多片講台灣移民，自己都打算移，以蝕最少嘅心態去
非常同意
我同老公對黃金簽證比較有興趣
當係外地投資買樓，以後放假多個地方去
我親戚連美國都未去過就帶住3 個仔移民去了,不過一住就咁多年了,幾年才回香港一次。所以好難講,為左仔女好多真係肯走肯挨。
樓主心水清，好多人無諗清楚當地係咪真係岩自己。
好多人會講成「走難」所以唔諗咁多，但你仲有咁多選擇既時候，其實根本就唔係「走難」吧？
真係諗清楚，要抱住一住要住幾十年既心態。
而且我覺得融入係好重要，所有日常生活、工作，開放自己個心，融入文化會令所有野更順利。
做唔倒既話淨係條事業路都窄左好多。
2個讚