我唔係想撩交嗌，但係有感而發。希望大家諗清楚移民目的。
超長文
過去一年好多人想移民。每日都有人問我地有關於移民問題。但係發現大部份人都有一個心態，就係移民之後冇諗住長住，攞咗護照或者居留權之後就返香港。甚至未去過呢個地方，就話要移民過去。
以依家最多人選擇嘅台灣為例，未去過台中話移民去台中…
instead of 諗住點樣落地生根, 好多人嘅心態都係fullfil 最低要求，用一舊錢做兩三年，請兩個當地人。
兩三年之後蝕晒呢舊錢換台灣護照。之後先再諗點算。可能返香港，可能留低。
我當然明白好多人冇做生意嘅經驗，所以冇信心，預咗蝕錢。但有冇諗過攞咗護照之後你都要生活，點樣生活？食老本？到時候香港環境唔同晒，返唔到轉頭。
有啲人只係想為小朋友鋪定條路，等佢哋未來多個選擇。小朋友大時候先至離開，但越大適應越困難。
又或者純粹逃避幾年，希望香港政局會好轉，再返香港。有可能嗎？如果覺得未來有好轉咁根本唔需要走。
大家都有唔同嘅原因或者藉口點解攞咗護照之後要返香港。
但調返轉你哋係台灣人，你哋歡唔歡迎香港人咁嘅心態？
雖然而家移民同以前唔同，走咗返轉頭相對容易，好多人甚至留低返轉頭嘅路。一開頭已經冇諗住盡力，打定輸數。咁樣嘅心態真係好難繼續盤生意，更加難融入當地社會。
因為你嘅心態一開頭已經抱住攞咗個護照就離開，自然唔會了解市場需要，亦都好難叫自己努力融入當地社會。
過去幾年我哋見到選擇來日本嘅比較少，金錢上門檻其實比較低。但日本同台灣最唔同就係呢盤生意唔可以失敗。要不停適應，成功佢哋先至會俾個永住比你。變相強迫你貼地。好多人聽到呢度，即刻改變計劃去台灣。
過去，有啲人失敗咗，又唔識當地語言，融入唔到當地社會，香港又冇晒物業，租金又太貴，只有留返當地唐人圈子，自怨自艾。等中國強大嘅時候，就叨光，自我感覺良好。
移民呢一條路，你一日未死，結果仍然都唔會知道。可能先失敗後成功，又或者先成功，之後衰落。
我淨係希望大家選擇移民嘅路，首先調整個心態，想辦法做一盤可以養活自己嘅生意，融入當地社會。唔係要諗到貢獻社會咁偉大，但係起碼唔好割禾青同埋開頭已經諗住蝕錢離場。如果真係咁冇信心，可能要諗吓第二度條路或者第二啲純粹想吸納資金的地方。
敵人人嘅敵人就係朋友，因為大家都反共，所以而家冇咁抗拒香港人。但咁樣長遠落去台灣都會對香港人越嚟越反感。
24個讚
十分同意，之前考慮台灣都有諗日後在台生活及小朋友前途，連生意都諗定做咩先有機會長做及維生，最後因為小朋友他日在外國升學，而選擇移居馬來西亞，而家睇緊當地商機及生活指數，暫時認為馬來西亞比台灣更適合我哋。
我都選左馬來西亞, 發現馬來西亞的敎育制度對小朋友好似會比台灣好.
但諗緊大人去到可以做咩
其實去邊度都唔緊要，馬來西亞台灣日本美國加拿大，既然決定離開香港就要盡力一試。六七十年代嘅香港都係移民打拼出嚟。
2個讚
我都同意如果重後生, 可以試下盡力做下.
另一方面, 如果只係諗住去靜靜地生活, 帶住些錢, 唔對人地國家做成壓力, 都ok 的.
退休，定係打拼，其實都係想去第二個地方重新開始 。
我淨係希望走嘅人唔好抱住一個買保險嘅心態，而係諗清楚先至走，走咗就唔好諗返轉頭。成日諗住返轉頭，好難融合當地。當地人一定會感覺到，慢慢有機會造成反感。
2個讚
所謂的後路, 其實多數都係留返間屋係香港啫, 好多人係唔同地方都有屋, 我又唔覺有問題.
b6人之所以黑人憎, 主要係因為去到邊不論旅行定長居都嘈之巴閉, 自我中心同大晒咁. 所以香港人去到其他地方, 最好靜靜地.
我覺得咩心態都好, 最重要係靜靜地唔好打擾人地生活. 啱傾就傾, 唔啱傾就少出兩句聲.
4個讚
同埋真係唔好有拎著數心態，不過台灣就係全球交稅制，我又覺得肯正常交稅都有盡公民責任，但就唔好同大陸人一樣有恩主心態，要記住因為自己成為左當地公民，所以有責任，並唔係我俾錢佢地。
其實我又唔明點解d人成日話去台灣係拎著數?
台灣, 我所知, 唯一好係醫療. 但後生人去到, 其實正常又唔會成日要睇醫生做手術, 拎呢方面的褔利.
而其他老人房屋福利, 應該都重係香港比較好?
如果冇錢, 暫時來講, 留香港唔係比去台灣好?
我諗唔到台灣有咩著數可拎?
我覺得去到唔習慣一定會有, 但唔一定要大聲講出來, 試下揾下自己覺得好的嘢試下先.
就算本地人都對本地有不滿架啦.
住落真係習慣唔到, 返來都唔係問題. 冇一定話買保險唔保險的, 唔同人有唔同心態, 總之去到米阻住人嘈住人生活. 香港人去得其他地方, 應該都有些錢旁身, 唔會對人地社會做成太大負擔.
以唔好影響人為重.
4個讚
就係大大聲先討厭囉，一開口就大鄉里，以為自己見果套就係全世界
ps 呢種人我估全世界都有
有冇心融入當地文化同埋生活，呢一樣野會造成生活上好大分別。
因為所有嘢一環扣一環。如果走嘅時候心態已經preset: 最多咪返香港.
有咁嘅心態做嘢嘅幹勁就會打個折.
例如有啲地方係比較慢，就要人地快。冇錯，係會增加好多工作效率，好似為佢哋好。但係呢個唔係人哋嘅文化。
跟住自己人當地圍返一個圈，再話俾人排外，歧視。但係其實你都冇融入人哋文化，冇站在人哋角度諗嘢。過去20幾年見到實在太多呢啲情況。
我淨係想帶出呢一樣嘢姐. 攞唔攞着數, 唔係我想提出嘅嘢.
希望唔好介意我比較直接。
3個讚
不過講起, 如單因政治問題而去台灣, 其實我覺得不如使多百零萬左右去做黃金簽証. 一了百了, 唔使再同ccp糾纏.
黃金簽証唔係貴台灣好多, 如果諗住賣樓走, 不如做黃金簽証好過.
呢個情況唔分種族。香港台灣日本韓國大陸人都會出現。大陸人係最多，可能佢哋人數最多有關。
3個讚
咁全世界都有呢類人, 我認識係香港的歐洲人都有係咁.
我諗呢10年太多b6 移民, 搞到影響左人地對香港人移民的觀感.
至於拎著數呢個問題, 其實是最近成日聽香港人去台灣為左拎著數. 有個港仔成日係youtube講, 初初都有聽下, 但聽得多, 就諗其實台灣有咩著數好拎? 呢點唔係好明. 所以放埋一齊講下.
同意. 諗清楚先好做決定… 如果成日諗住返轉頭, 不如唔好去…
1個讚