想請問大家有冇幫襯過頭髮再生嘅公司？
我由細到大頭髮都好厚，而一直以來都係剪短頭髮，所以有冇甩頭髮其實我唔係好清楚。但有舊年結婚，所以由前年起留咗長頭髮，而家都幾鍾意，長度都已經過胳肋底。
但我見到自己日日洗頭都甩好多頭髮，我唔知道係因為以前短頭髮睇唔到，定係年紀大咗真係有脫髮問題 （我已經過咗生仔嘅年齡，唔係後生女）
當然廣告見過好幾間，但其實真係唔知會唔會work，又唔知道會唔會俾人呃錢多過乜。所以想睇吓有冇人試過，比下意見。
Thank you thank you 
你覺得自己頭髮薄左？
我頭髮都係好厚，每次洗頭吹頭都甩好多頭髮，但都仍然有好多
因為我好多年冇留過長頭髮，我keep左短頭髮都起碼14/15年。所以好難比較。
但係我每日甩好多，我老公都擔心我。今日洗完頭吹頭，見到M字兩個位真係有啲稀疏嘅跡象，所以好擔心
其實我到而家都未有白頭髮都算係咁，但係咁樣甩落去嘅話我好擔心好快會得返好少
長頭髮易打結，甩得比短髮多好多係正常。
如果擔心，建議喺飯食方面注意，少飲咖啡，食芝麻湖、黑豆、保鈣食物
我都甩好多
扎少啲頭髮，太熱想扎都唔好扎得太緊
1個讚
我頭髮好長，到腰，都甩好多。
你甩好多感覺係幾十條定再多d？
不如試下用防脫髮洗頭水先
我有開始用，大約一個月。
我覺得防脫髮洗頭水，洗完個頭清爽啲，啲頭髮冇咁「塔」，鬆啲，但對甩頭髮好似冇乜幫助。
或者用完呢支，會換第二個牌子試吓
1個讚
我上網睇話正常人一日大概會甩50至100條。
但洗頭都甩廿幾條，吹頭又甩10幾廿條，仲未計平時梳頭，r頭，呢樣果樣。
所以我覺得我都真係有甩 100？ 計唔到
我老婆都係長頭髮，每日吸塵又真係吸好大堆，周圍都係
咁你甩既數量好似都within個range, 如果你只係覺得額頭附近少左d，唔係成個頭，試吓食d䕶髮食物加繼續用防脱髮洗頭水試多陣先？見d廣告賣用呢d洗頭水要用幾個月先有較
我果陣要用一個月才開始有效
which brand do you use? 
我同個女長頭髮
我覺得個地板識生頭髮咁 
1個讚
u make my day!!! hahaa…
用防脫髪洗頭水， 去藥房買女士用倍健噴劑， $300 左右，皮膚科醫生都係用呢隻
1個讚
啱啱睇緊個post 就彈出嚟
【杏林在線—健康1分鐘+】生髮有法？
1個讚