我好憎我99，忍左佢5年！佢真係好難頂好極品
我地一齊住，以前未生bb我都仲忍得到佢
依家生左b 真係想爆… 但無得爆… 唯有呻下… 唉
-
佢成日講大話，成日趁我去廁所就入房整喊bb, 一係佢訓緊教就特登整醒佢，但玩一陣覺得攰啦 就俾返我… 問佢做咩要整喊整醒佢，一定答唔係佢整！
-
成日明知bb訓左，但大大聲講野 大聲開門閂門開櫃閂櫃，叫佢細聲啲又話bb咁細膽要嚇佢多啲！話做乜成日訓教 訓咁多做乜！下 初生bb係要狂訓㗎喎… 又成日係廁所廚房食煙 吹晒啲煙出黎，叫佢要食就唔會吹到出黎 又扮聽唔到！
-
把口臭到死！我餵人奶，就係咁話我實餓死個b… 最後bb肥嘟嘟就話乜人奶都可以食肥人㗎咩？但繼續叫我餵奶粉未仲好！成日打擊我！bb初初出世有少少黃疸，佢成日話佢黑蚊蚊唔靚！又係咁攞我bb同佢另一個孫比較！話我個b點樣及唔試佢個孫！有日bb胎毒發出黎生左啲粒粒，又話：「嘩 乜bb皮膚咁差㗎！肯定係佢老母陀佢嗰陣唔知食埋啲咩垃圾 搞到個女咁嘅樣！」我差啲想dklm
-
成日整爛我啲野 整爛完會擺返係原位扮唔知，又成日掉左我啲野 問佢做乜掉，一係話唔知係我嘅 一係話發左霉 一係話生左銹(試過膠佢都話生銹)，最好笑有次話我啲化妝品無寫名所以掉左，成間屋得我同佢係女人！
-
成日偷我地珍藏公仔送俾佢另外個孫，我問佢去左邊 佢話見幾靚所以送左俾個孫 叫我自己再買過！真係嘔血！點解可以咁無禮貌？我有次發現左即刻攞返，佢話我小器 同細路仔爭野玩！
如果屋企有野壞左/爛左，我會主動買返，但唔知點解每次我買完佢都會自己再買過… 就係偏偏唔用我買嘅！
-
我平時做家務，佢會又重新做一次… 明明都係咁做 唔明點解要咁樣… 有次佢有朋友黎食飯，佢大大聲話：「唉我個新抱唔做家務㗎！」我真係覺得好嬲好委屈囉！好彩佢朋友識做無出聲！因為佢黎到都有眼見 我一直係度做緊家務同煮飯！
-
極度唔衛生，但成日同我講自己有潔癖 叫我要乾淨啲！但我真係想嘔… 佢成日掉垃圾/煙頭係洗手盤/浴缸… 屋企毛巾共同，我自己用自己嘅毛巾 佢竟然攞黎用！！！廚房碗布 佢用黎抹地抹垃圾桶 又再抹話飯枱… 我開條新毛巾佢又要嬲！轉頭掉左我條毛巾！
仲有好多好多 我真係好辛苦！佢仲要係我老公面前成日扮對我好！轉頭就講野單單打打！不過我老公都算係豬隊友！佢淨係識叫我忍… 成日話就快搬 忍埋佢啦（2021年先搬得）
其實我真係好唔明啲99，點解咁鍾意留難啲新抱，你對我好時我對你好！其實我都係人地個寶貝女… 你都做過人新抱，女人何必為難女人呢？
我本身好孝順你，但真係日久見人心，我真係唔識再尊重你！但我會努力忍埋佢 日後無乜事都真係唔好再見！
3個讚
我本身就係想講相見好同住難，如果之前見得唔係密咁梗係冇乜所謂啦… 但日日見面真係會好惡頂，同埋大家生活習慣唔一樣㗎嘛
不過你奶奶都算難搞
你出年都搬喇，得番半年，如果真係頂唔順既一係出去租一年先喇… 好過自己鬱到病
你要撐住，加油
我都曾經同99 住過十級難頂
搬屋之後就會好啲。
1個讚
哇，你奶奶咁恐怖既，快啲搬啦，唔得返亜媽度住住先啦
唯一解決辦法都係減少接觸 
有冇得去阿媽度先阿？
好彩都叫有個終點，唔係無止境。2021 好快到，加油啊！
1個讚
畀我我會頂唔順。我99對我好好，不過始終受原生家庭影響，生活習慣好唔同⋯⋯所以一齊生活冇人地睇得噤好。佢對我好我已經覺得好好彩。樓主要頂住呀！！！撐你
1個讚
YSLML
10
你99都幾極品！！我99都有小小同你99似
Bb訓左，99冇帶key ，禁門鐘一連要禁2下！！其實禁一下都聽到既，唔使一野禁2下，嘈醒左bb ，咪又係搞著我！所以一聽到禁2野門鐘，我好燥！
我99會用抹枱布/抹野既布抹乾個鍋，用黎煮野食！D!u，真係想暈低！！
我都想返娘家避開，但最慘係我爸藍到黑，佢話呢世都唔想再見到我，話當無左個女同孫！所以我無娘家返… 仲要依家疫症期間 無得出去… 真係逼住日日對住佢！
琴晚漏左講一件事，係令我爆喊嘅事！
上星期，我湊完bb好攰，就同bb一齊訓係床 睇住佢玩玩具，點知我99見到就話：「嘩 咁訓係度就叫湊b啦？你真係好命，個b咁好湊… 唔怪得你咁鬼肥啦… 放心啦，你個女第時一定會叫你做死肥婆！」
我真係好無奈… 我同我老公講佢竟然係度笑… 我嬲多兩錢重！我岩岩生完bb 肥係正常（我本身9x磅，陀b時肥左足足50磅… 依加已經好努力咁減左30磅）阿99你都生過bb，仲要你明明晚晚都見住我做運動！點解把口可以咁臭？你話佢易湊，咁你唔幫手湊？我叫佢幫手換個片都推三推四！唉 嗰晚真係喊死我… 好傷心！
你99同我99真係有啲似喎！
咁你都一定要加油呀！一齊撐住呀 
唔好唔開心
我越睇越覺得佢一唔順你「搶仔」，二唔抵得你減到/有自己諗法等等
有啲人係咁，鐘意踩低人地令自己感覺良好啲
呢啲人唔識「將心比己」，只會覺得恨不得你慘過佢，佢就好happy
唔好理佢
下次答佢「慘得過我個B錫住我呀，BB乖乖，媽咪錫晒你」
2個讚
幾好嘅新抱, 都頂唔順呢D八婆奶奶. 你老公娶到你真係三生有幸 (真心嘅).
佢唔同你出頭, 只係叫你忍, 呢樣我真係極度唔OK. 佢做人地個仔都唔出聲, 唔同要你同個八婆隻揪咩?
樓主無講過老爺在不在, 奶奶可能唔開心家庭地位被你取代, 要你最好出亂子, 最好出醜在人前…咁樣就可以在你老公/朋友面前突顯佢自己有幾咁重要.
其實換個角度, 佢係好可憐, 幾十歲無嘢做, 又做唔到D乜. 希望你快D搬到出去住, 記得唔好俾新屋鎖匙奶奶.
在家食煙, 吐啖, 無手尾呢D係死罪, 老公我都無面俾, 真係極討厭!
4個讚
你奶奶唔係口臭, 係賤.
你唔抑鬱(可能你有自己唔知)都真係好好, 大家都係女人, 咁都講得出口. 佢仲有孫真係前世修落.
樓主, 你老公都好有問題, 點可以笑埋一份? 我睇字都嬲呀!
3個讚
佢把口真係好賤!!!係極度唔尊重囉!
你老公有無搞錯!我覺得佢好似當笑話甘睇,其實佢應該有責任同佢阿媽解釋清楚咩叫尊重，佢處理得好，樓主就唔洗自己喊得甘傷心…
1個讚
同情, 也感同身受, 我婚後同6299同住三年, 初時都難頂, 但生仔後同我爭仔特登整嬲我更難頂… 成日匿响間得張坐同個櫃既房, 因為喺間屋做每樣嘢6299都會好似人肉cctv咁 mon 住… 我要等個廳無人先出去睇電視, 去廁所… 陀仔時同坐月時都成日喊, 好抑鬱… 
結果, 情緒病未確診就cancer確診, 先知道心情同cancer都好有關係… 仲有好多病友都係,一樣, 家庭或事業壓力大致病… 
好彩, 嗰一年啱啱買到樓可以搬走… 而家康復中, 生活開心自由好多… 
所以, 唔好屈住, 有唔開心搵人傾訴, 仲有半年2021, 但如果仲有一段日子先搬到走, 有地方租咪租住先… 自己健康緊要~ 加油~
3個讚
好恐怖, 搬出去住劏房好過。
我性格火爆, 一日都唔會忍。
我都好想知呢D人咩心態，係鍾意為難人，大家都係女人都唔知點解要咁做
,第時同個女都唔好再理佢!