你比其他人好係因為你集中十年就養大兩個小朋友.
倒數十年, 佢地就唔駛你日夜操心.
你會更珍惜每一日打仗嘅日子…
情況無得改變, 心態最重要.
1個讚
我反而內疚無咁多時間陪個細
成日將佢放在bb床
因為俾大女纏住要做呢樣做嗰樣，唉
2歲果個返N班
集中湊個NB
我都係咁過黎
兩年前一個初生 一個一歲3個月
依家反而覺得個時好湊
依家日日煩到嘔
唔洗咁驚
甜既時候會係double ga 加油
我都諗緊擺係我媽屋企一個月定我媽過黎住一個月等佢地兩個bb磨合下好！
大果個已經咩都識，我都驚佢唔開心會憎bb
爸爸好幫得手
兩個女女都好sweet sweet!!!
兩個女感情好嗎
我都係兩個女
岩呀⋯⋯錯過左就冇啦
應該唔會再生啦
我地會3歲先比佢返學呀
依家點解會煩左
我個大勁呷醋，明明我已經多時間陪佢
媽媽過來啦
因為事實係多左一舊肉團分走左佢一半attention同媽媽～～
我怕有人管住我坐月依樣果樣
不過我會問下佢肯唔肯過黎留宿一個月
兩個B磨合下好
家姐錫到個妹燶呀
細細個開始幫手掉片片，拎紗巾
依家會幫手餵妹妹食粥（然後自己偷食兩啖），又會拎玩具俾妹妹玩
少少意見，坐月都唔好分開佢地呀，佢地會有個概念「媽媽因為要照顧妹妹所以將我交俾婆婆」，會更加呷醋架。坐月時如果你身體狀態ok，又有人幫手湊到細b，可以同大女落街食個下午茶行下，佢會好開心覺得你重視佢（我開刀生完十二朝，都拎把遮慢慢行咁送佢返學，佢記到依家）
2個讚
經濟上容唔容許請鐘點或者保姆?
我同老公都唔請工人 (接受唔到同陌生人同住)
亦都冇長老幫手 (長老只會玩bb)
所以最後請咗保姆幫我地湊個newborn
因為兩公婆冇乜家務，所以保姆只負責湊bb
咁我日間除咗泵奶就係瞓同食，夜晚我全力湊b，先生就要返工所以佢夜晚唔會幫手。
保姆日薪$600，畀你參考吓。
1個讚
好！我會試吓
我都好驚佢會唔開心，佢依家真係咩都識
本身間中去婆婆度留宿一星期同一個月都冇問題
但最近去到會成日訓訓下喊搵媽媽
可能知道妹妹就黎出世，細個不嬲唔鍾意人抱既佢變到成日想人抱，會喊晒咁
聽完你咁講我唔會擺係我媽度坐月啦
Ok 呀
我媽幫手湊佢都好吃力
可能考慮保姆/工人