請問一下中點三個中可以做D咩？感覺上3個中唔係好多。而家中點洗唔洗200一個中？
本身係諗住請工人，但我老公極度唔想，只可以請鐘點。。。 
我都有請一星期一日4-5個鐘
最緊要抹乾淨個地、洗廚房同碗、廁所
執屋、摺衫（平時我係晾乾堆埋一堆。。）
洗抹玩具
好似唔係幫得好多，只係好過無
BTW你兩歲果個的佢返PN咪有半日時間囉？
我同老公都唔想佢返N班呀⋯⋯想佢3歲先返學
對我地黎講好好多架啦
一星期一次deep clean
洗野果啲好浪費時間
介唔介意透露你個鐘點大概幾錢個中？
2018年果陣150左右
好耐冇請啦，黎緊要再請返
明白，謝謝！
唯有細嗰個多啲放bb床，唔係食奶同換片都唔落手抱，因為中間超多家務要做，搞搞下又下一餐。
訓練大嗰個氹下細嗰個玩，幫手掉尿片，擰尿片，等你多少少時間去做家務，奶樽買多啲，如非埋身，就不餵人奶，餵奶粉，因為泵奶好花時間。
之後你會發現細嗰個學野好快，因為你愈忙，愈少理佢，佢就會自己模仿，
1個讚
係呀，兩個都係女
所以好痴身
我嗰個收我120/hr
每星期上嚟一次，大清潔廚房廁所，吸塵拖地晾衫
雖然3個鐘好似好少，但幫我做曬我最唔想做的家務（例如洗抽油煙機，抹鐵閘。。。）已經幫到好多
1個讚
明白，謝謝你 
叫你老公做一個星期全職媽媽先啦，可能佢做到第三日已經想請菲傭 
大果個自細都好少抱，好似你咁講佢咩都識做會拎毛巾比我沖涼同丟尿片
好sweet呀
爸爸哄唔哄到佢地訓？
日日好似打仗
果時屋企人好好，幫我湊大，直到我坐完月先送番比我，好感恩
坐月果時，長老可唔可以黎幫手多啲？
因為坐月都要1湊2應該都幾辛苦
又要洗奶樽，又要餵奶
，又要湊大果個
一就叫隊友每晚預備好晒第二日要食既野，第二日你就咁蒸熟/熱黎食，咁就唔使再花時間整野食
奶樽夠一日用，就等隊友番屋企先洗，家務理唔到住，自己一有時間，盡量休息下
加油
我老公其實不嬲日日係屋企工作幫我煮飯同幫下手
會忙到懷疑人生
肉體攰之外仲會內疚陪少左個大
個大女由細到大都係爸爸氹瞓覺，細個時仲係爸爸抱住瞓大架