有好多都改到7彩, 中左面目全非腿咁!
其實金庸已經寫得咁好, 點解仲要大改? 真係唔明
林依晨嗰套射雕英雄傳有冇睇過？算係好忠於原著，角色都有說服力
可能有d改編左方便拍攝卦。
咩版本改得好就冇乜意見，但孫興版既楊逍就真係好入屋，一直都後無來者。但2019版本個林申版著白衫成個書生咁，個造型好似更似原著楊逍(但我冇正式睇過2019版所以比較唔到)。
胡歌果套? 睇左D, 有D印象
WOW, 係, 果版都係改到7彩, 不過楊逍真心好掂~ 瀟灑!
係呀，因為我係射雕迷，套書重睇過好多次，覺得呢套劇選角同情節令我睇得好“gur”
呂頌賢版笑傲江湖，選角出色，暫時未有其他版泊得住呢版
1個讚
呢版係幾好, 想搵返黎睇
呂仲賢好適合令狐沖角色
李亞鵩冇忽似
1個讚
孫興版是經典
你睇埋2018果版先, 李亞鵬算還好!
其他配角都選得好又演得好
何美鈿 - 儀林師妹
梁少霞 - 岳靈珊
魯振順 - 東方不敗 （最緊要係男人）
王偉 - 岳不群
鮑方 - 風清揚
何寶生 - 林平之
陳鴻烈 - 左冷禪
1個讚
周海媚好靚，當年唔明點解要揀葉童
周海媚既芷若係最靚既！真係冇一個版本及得上！2019版搵佢做滅絕…如果芷若對無忌仲繼續帶住怨恨，應該就會變成咁 
2個讚
馬景濤係唯一一套我覺得做得好睇
其他套套都係憤青萬子良上身咁
話分兩頭，無忌哥哥呢d男人飛左佢啦，唔值得為佢搞成咁
優柔寡斷
都算最討厭男主角
佢幾套瓊瑤劇好難頂，唯一好睇係女主角個個靚女
倚天我淨係睇楊逍，根本個明教就係靠佢管理，可惜佢冇領袖魅力。
無忌真係收得皮。雖然我唔鐘意殷六叔，但我覺得不悔妹妹唔揀無忌係最明智既！
Agree, 當年細個覺得父女戀好難頂, 但唔計父母前緣、年齡，殷六叔似返個男人