我同阿女睡前故事時間會睇好多唔同類型既書，有時會睇童話。
好多童話既價值觀同現代都唔係好夾到，有時講既時候我都要自己fine tune下個故事教訓。虛榮的烏鴉係其中一個。
故事講森林要選大王，邊隻雀仔羽毛最靚就選邊個。烏鴉自知全身黑色唔夠搶眼，就執其他雀仔甩出黎果D羽毛裝飾自己，令自己有出勝機會。但到最後比其他雀仔發現，個個都響佢身上攞返D羽毛，令佢變返黑烏鴉。
其實我覺得烏鴉好醒，又識廢物利用咁環保。我個女睇完問我點解其他雀仔要咁對烏鴉，我話可能因為烏鴉冇問過其他雀仔就攞左佢地D羽毛，所以其他雀仔就唔開心，佢下次可以問左人先攞。
大家有冇邊D故事都遇到類似問題？
其實烏鴉又冇偷冇搶，仲好有創意，係自身條件差既時候想辦法裝備自己好叻丫，其他啲雀仔有問題多啲。
我都覺得係，佢識廢物利用，用人地唔要既嘢裝備自己，人棄我取，仲可以做到全森林最靚，真係好值得鼓勵。
所以我都同個女肯定左烏鴉既創意先，唯一詬病既就係佢冇問人就攞羽毛囉…
係呀，唔可以墨守成規。可以藉此討論唔同嘅價值觀都幾好呀。
除咗樓上所講環保、創意⋯
又或者可以話比賽嘅準則係展示真實嘅自己，而唔係將一堆唔屬於自己嘅嘢堆砌係自己身上，去裝模作樣。
又或者，做人可以忠於着自己（除非傷害到人），唔需要刻意去改變⋯
可以探索唔同嘅小道理
係咪因為烏鴉欺騙人？
可能係烏鴉intention 唔好？
其實好多公主故事我都唔想講，雖然好似迪士尼已經添加咗好多勇氣啊，友情等等嘅元素，但係不勞而獲同被動等人救意味都係好重
所謂「原著」果D公主故事真係唔係好岩依家價值觀，迪士尼都好努力改編左。
好似我以前好睇唔順眼既灰姑娘，佢套真人版係講Ella係個樂觀積極既女仔，佢去舞會第一唔係為見王子，只係想見個「朋友」；第二佢後母唔幫佢準備，佢自己改衫去；第三佢得到仙女教母幫助係因為佢善良請左個肚餓既老人家飲牛奶同食麵包，套靚裙係比佢既回報；佢有機會得到靚裙，但仲係想用自己條裙做基礎去改，因為條裙係佢媽媽遺物。最後佢可以報復後母同家姐們，但佢選擇原諒。
經佢咁包裝，我對灰姑娘個故事收貨。 
你地會買咩睡前故事？求推介
因為我都好有同感 而家好多童話同公主故事嘅價值觀都已經不合時宜
我冇特別買故事書做睡前故事，有時會一齊睇繪本，有時會睇科學書。
繪本之前有人討論同分享，可以參考下。
Thanks!!
公主故事, 魔雪奇緣比較教育意義。
姐妹情, 如何選擇男朋友, 勇氣…
咁樣改咗個故事好好多！
聽你咁講完，我終於明白點解廸士尼D真人版電影唔夠動畫吸引，但D爸爸媽媽都係俾新版小朋友睇！
唔知呢D真人版有冇故事書出返呢？有時電影太長太吸引，唔夠時間俾小朋友諗＋同家長傾