我教緊bb顏色、形狀，我地講開廣東話，但都呢啲應該講中定英？呢個係red,呢個係green…好似好怪，但英文易讀d，大家係點教呢？
1個讚
顏色就整條彩虹顏色路係屋企地下，日日腳仔一路條一路講紅橙黃綠藍紫黑白，搞掂左個 concept 就跟 Youtube 啲 rainbow song 唱。之後玩遊戲搵顏色。
形狀就又係類似道理，BB 玩具有 “入形狀”，嗰啲可以你一路做形狀手勢一路講 “俾個 X 形我”，然後又係嘅 YouTube 片唱歌。
我仔2歲幾
我用中文教佢學識咗先教英文
但係唔強迫 我發覺係生活中浸透去教好快就會學識
同埋其實佢地對語言個概念同大人唔一樣
無論中定英對佢地嚟講都只係一個名詞
好似我教佢形狀全部都係中文
但係oval我教佢個時唔小心用咗英文 佢就入咗腦 見到橢圓形就會講oval
容入生活咁教。食蘋果時就教蘋果係紅色，red，問下仲有乜嘢係紅色？例如：lego，食橙時就教橙係圓形，橙色，orange and circle。
平時攞啲形狀玩具又教下分形狀同顏色，講好多次，小朋友就掌握到。
開頭最好用實物去同小朋友學顏色
可以用水果、或者衫褲鞋襪、
玩具同佢逐一認識⋯⋯
將相同顏色分類都得！
小朋友幾歲？如果2-3歲，其實只要不停重複咁講就可以，不論用中定英都可以，小朋友慢慢大就會記得乜嘢顏色。
我吹不同色的氣球，叫佢拎紅色、黃色…好快學識
唔需要刻意講顏色，但要刻意多用形容詞
e.g.
天空有好多白雲
草地上唔同深淺嘅綠色
今日媽媽件紅色衫好唔好睇？
至於形狀，手抓板唔錯
我之前有買過《我的認知啟蒙書》嗰本顏色形狀比我囡囡 佢學得超快～