屋企所有開支同買餸食飯錢全部由老公負責，咁佢就覺得唔需要比家用我。之前我仲有份工，自己搵自己洗，所以我覺得冇問題。
但我依家被迫辭工做FTM，有時自己想買吓衫，日常skincare等（不是H，名牌袋嗰啲）都要用自己積蓄比，用一蚊就少一蚊所以都好慳；但有啲嘢我覺得有需要買比小朋友或屋企需要，老公都會好決絶話冇需要，唔駛，甚至話吓？又要幾百蚊呀⋯⋯
我覺得自己好折墮，以前我有份工好地地，但為咗湊小朋友同呢個屋企連工都放棄，佢不單止冇appreciate仲要我想買少少嘢都比說話我聽！我有錢就唔駛叫佢買啦！所以我依家已經唔敢開口問佢攞錢買嘢。
到近排可能stay home太耐，我終於發咗癲online買了好多嘢，其實都只係比小朋友嘅衫同我啲skincare補貨。對比我以前就差唔多，不過依家我覺得好肉赤，好後悔，但我又唔敢問佢攞返小朋友衫嗰份錢 
我似乎係做壞咗個頭，依家想補救都冇辦法了 
老公月入幾多先
如果你無野做，佢應該每月要比家用
你負責照顧家庭，老公負責養家，屋企無請工人，即係你做工人，咁所以你要求獲得~$5000家用都好合理。（工人最低工資$4520）
你老公要明白，你無返工，唔代表對屋企無付出，
如果你老公唔肯俾家用，你應該同老公講你地屋企要請工人，你出返嚟做野，工一份，婆一份，大家經濟獨立。
ps: 你老公搵幾多錢都係考慮重點，如果佢搵錢唔多，要佢再俾$5000家用你可能有難度，咁你真係應該出返嚟做野
搵份工，請人工/媽咪奶奶幫手湊
你老公唔係搵得多冇辦法
自己返工好 唔洗睇人面色
要佢每月俾錢做家用買屋企嘢。自己想買嘢就喺呢份家用度駛
你呢個case盡可能快d搵工返工啦
你老公都唔欣賞你做FTM
我會立即找工！唔會受氣
我有朋友就系為左小朋友無返工，宜家一嘈，佢老公會話，你食既住既用既都系我既錢！
離婚又無錢，離開職場成8年，唔知點重投工作社會
樓主話老公負責哂家庭開支、其實負擔都唔輕架、所以佢要既應該叫零用、要傾下老公俾唔俾到多d、如果俾唔到就唔好做ftm了。
係你地傾好再決定你做ftm定係因為疫情所迫？ 我聽落樓主你都係比較中意番工個類人，起碼靠自己，唔洗睇老公面色… 不過咁講，你老公一個人撐起頭家都辛苦既、同佢傾下請個工人，你出番黎做野大家仲舒服喇
如果唔enjoy做FTM就再搵工啦，因為做全職媽媽壓力大但身邊人又未必認同，最終會令自己唔開心，咁為乜呢！
至於家用方面，家家都有唔同，以我為例，暫時係FTM, 呢段時間屋企支出我照俾，因為當初選擇辭職老公都唔支持，所以我無要求佢㑭多啲家用。至於你，若果當初做FTM你老公都好支持，咁可以同佢傾下家用點分配
冇工返就要就住洗
唔可以隨心所欲想買呢樣就要嗰樣㗎
到你慳慣左就會發現其實好多嘢都唔需要買
做FTM之前同老公有冇共識？
我同老公都商量咗好耐 計掂哂啲數先辭職
當然有自己份糧洗係開心啲
但係諗返當初點解要辭職湊bb就唔會後悔
我覺得如果係小朋友嘅支出應該要開口問老公攞返
我同老公都好慳 啲錢都係洗係仔女度
所以要買野比佢地老公永冇say no (合理情況下)
我老公會定時定候問我有冇野想買 或者裝下身
但係我都唔想佢用咁多錢 一嚟怕佢壓力大 二嚟唔想佢搵到嘅錢都洗哂係屋企 所以除非真係好需要 否則唔會亂洗
其實睇下大家會唔會企係對方角度諗
咁就快D搵返工，女人自己搵錢係屋企先有得SAY
各位，我當然知道即刻搵返份工先可以解決問題，但係現階段，甚至未來5年都冇可能。如果唔係都唔駛辭職。
我住喺外國，之前係太空人。我自已覺得老公搵得唔算少，至少我啲朋友都認為我哋好OK。不過要供屋養車等所以開支大。
請工人方面喺呢度普通人家真係負擔唔起。一個Chinese姨姨，當你一日8個鐘，一星期做5日，巿價係萬幾差唔多二萬港紙一個月。如果申請個賓賓過嚟留宿就唔知點計，不過都萬五港紙冇走雞。以我工作經驗喺度就算搵到份工，人工最多都只可以打個和，仲要少咗時間對住小朋友。好似搞咁多嘢最後得個桔，所以冇考慮。
至於叫屋企湊亦冇可能，因我娘家喺香港，呢度嗰件拒絶之餘仲要擺出一副你死你事嘅樣；再加上公司政策改變唔可以再做太空人，所以一定要辭職返過嚟做FTM，如果唔係啲小朋友真係可以冇人理。
其實辭職都諗咗好幾年，都有同老公傾過但佢意見係冇意見。可能佢expect我做FTM之後都仲係會自己比錢買返自己啲嘢，同埋我喺呢邊一向都好少買嘢，所以佢覺得影響唔到佢啩。
只不過呢排遇著減價，見有啲skincare差唔多用完就入返啲貨；生完之後啲褲唔啱著要買過；見啲小朋友衫好抵而佢哋又有需要所以買咗啲。我突然間覺得呢啲都算係我嘅必需品，但我要用我積蓄去比。我依家係FTM，理論上同責任上唔係應該老公比咩？況且我都唔係大洗，買每樣嘢都諗過先買。莫講話買名牌，衫褲過咗百二蚊港紙都已經覺得貴，skincare都開始轉用平啲牌子⋯⋯咁嘅消費模式要老公津貼少少都唔係好過份啫。佢自己都買好多玩具比小朋友，但始終由我口講話要買嘢佢就唔係好想咁。
我知道老公負擔重，多就真係比唔到。所以零用數目多少都唔係問題，只不過係對我放棄哂我香港所有嘢，包括父母朋友事業，返嚟為佢同小朋友做FTM嘅一種尊重同心意。但佢就好似覺得有屋比我住，有飯比我食就已經盡咗責任。有時真係覺得自己係一個包生仔嘅免費姐姐
我同老公曾經探討過我做FTM既可能性，而我真係試左兩個月。有份工時洗錢比較疏爽，尤其買skincare同小朋友嘢。但FTM之後…明明戶口仲有錢，但因為知道洗左$1就少$1，我竟然越洗越有罪咎感…個人開始mean同繃緊，第二個月我老公以為我洗大左冇錢找咭數變成咁，仲話要幫我找左去…我真係頂唔順果種感覺，結果即刻搵返份工…唯一興幸既係，好彩果時講明試行幾個月，所以冇抄到姐姐，如果唔係就返唔到轉頭…
所以…一係你想辦法適應ftm呢個狀態，如果唔係…都係搵返份工啦。
我其實都諗咗成幾年都冇辭職就係因為呢個原因。所以唔到“走投無路”都唔會做呢個決定
當年我刻意唔咁錫大嗰個，因為怕每逢要飛都唔捨得。而每逢出門口，佢都好生性唔會lur住我喊。但有一日佢無端端同我講話佢唔想我走。我好內疚⋯⋯ 不過依家終於可以日日陪住佢。
唔一定要買，你老公肯咁問代表佢好顧及你感受同需要，已經好足夠了。
其實做ftm係好少人會認同同欣賞架，如果連老公都唔支持就真係自己做返野好，我其實都麻麻地做ftm，不過唔放心比人湊，老公又想我湊到小學，而且我返工搵錢都唔會多去邊，所以只好暫時湊小朋友先，希望佢地大d我可以做下part time 。你要加油呀，為母則強，諗下點安排好小朋友再搵工，祝福你搵到心儀工作搵返你自己既人生！
外國有child care , 有津貼嗎？