（純呻post）事源bb十月會出世， 但今日我開始覺得爸爸之後會係豬隊友，好多野唔可以自己去做， 好多時仲好似個小朋友咁要人氹， 開始後悔有小朋友， 開始對未來有埋bb嘅生活好不安， 開始覺得好攰。。。
有無請陪月呀？或者屋企人幫手照顧？ 身份轉變係會好多野擔心架喇～到時煮到埋黎先食喇
唔好諗太多… 就算神隊友都睇你隻b易湊定難湊架
無請陪月， 不過有屋企人可以幫手， 愈黎愈近bb出世， 但爸爸有時d行為仲係成個小朋友咁樣， 開始令我個心覺得好攰。。。
其實我都係聽老公講，有時佢哋會覺得「煮到埋嚟先食」咁，仲大條道理好正能量咁話「船到橋頭自然直」
咁但係咁樣媽媽真係會depress架
所以不如開心見成同佢傾
叫佢當陪你去了解一下陀嘅時候、生嘅時候、同湊嘅時候要經歷啲咩，一齊做準備
之前記得有個po嘅爸爸分享話佢都係喺老婆生嗰下好痛苦先知衰
所以唔好唔開心，好多爸爸唔了解都係咁
有機會改善嘅 
我覺得好多時男人心入面都住左個小朋友
都係要人錫要人tum～ 佢做左d咩令你咁覺得呀？ 你一係開心見誠同佢講，想佢做咩幫到d咩，好過自己一個收埋響心度
我有一對朋友夫婦，媽媽ftm，爸爸放工返來好願意同bb玩，但唔會照顧，從來只幫bb換過幾次片，照顧方面嘅嘢都係媽咪嫲嫲做曬。但我見佢地一家人好融洽，感情好好，可能佢地有共識咁樣分工，仲生咗2個添。
我老公番工就勁man做管理層管幾個department，但收工就做幼稚小朋友 打機睇電視 家務唔洗指意佢會掂，只會冇手尾搞亂哂d嘢要我無止境咁執，做錯事又要我呵住佢唔鬧得⋯⋯
我就黎生啦，冇諗過佢會幫到手wor，佢搵到錢就得架啦～男人湊仔？我驚湊死個仔咋佢肯陪BB玩令到BB笑我覺得已經好安慰⋯⋯
我自己都要番工架，生完頭一年轉parttime，bb1歲之後會做番fulltime工作，小朋友就比人湊。
我諗自己男人咩性格，結婚前都會知架啦，接受到先結婚架嘛？我反而鐘意佢係我面前成個傻仔咁，相處得好舒服喎～
咁都當然，我未生就已經覺得自己湊緊佢阿媽個仔
女人有有左就會好有責任感母愛大發，男人係比較遲鈍啲，到bb真係出世有件實物係到佢就唔會架啦，好多爸爸都係咁，唔洗太過擔心。有時夜晚訓前bb郁叫老公摸下叫佢同bb傾下計，俾佢feel下呀b既存在啦，會好啲
2個讚
多謝各位嘅回覆， 呢兩日同爸爸傾完之後， 佢好似有小小覺悟，希望係一個好開始
3個讚
加油，繼續努力！
不過多數唔係一次得架，要預左過一排佢又係咁
係咁要提到佢真係見到個B先至有個「長期reminder」 
賺倒錢唔洗老婆又打工又做哂屋企D野, 唔介意佢係大BB
我都係咁話， 如果佢可以養埋我同個女， 我可以唔返工專心係屋企湊女，湊埋佢有咩所謂， 可惜佢唔係呢， 仲要好多時係度無病呻吟，只係講請姐姐， 次次講親都係話d姐姐唔好， 好驚姐姐會虐待佢個女，又話見過太多case係咁， 根本佢對姐姐就有咗前設， 我話如果我係姐姐， 知道你係咁諗我， 我都唔方會對你個女好啦,唉
好羨慕可以轉parttime，岩岩生完都好想留響屋企照顧小朋友… 可惜公司無得轉parttime，一係做一係唔做
1個讚
我聽過一個産前講座，講者（男）話媽媽一開始懷孕，就有産生「媽媽荷爾蒙」，但爸爸係要做親手抱到bb嗰刻先開始有「爸爸荷爾蒙」 足足比媽媽遲十個月。你呢刻突然覺得個老公大唔透亦係呢個原因。所以要比啲時間大家。
2個讚
好多媽媽都話老公係大仔。 
你誤會左，我係辭職轉工⋯⋯唔係同一份工
我好好彩老公係神隊友,bb出院3日就話要幫bb沖涼,平時放工番到屋企換片都係佢搞掂
我係一個爸爸，不如等我分享吓。
媽媽懷胎10月，嗰種辛苦爸爸係無法想像。而且受到荷爾蒙分泌影響，心情容易大上大落，繼而諗多好多嘢。爸爸冇咗呢種經歷，所以會比較慢。
但係老婆胎動嗰幾日，絕大部份爸爸都會感受到媽媽嘅痛苦，人會突然間成熟。當手抱新生命果一剎那，一個爸爸亦都同時誕生。但對於爸爸來講仍然太過突然. 所以好多時候需要少少時間適應同沉澱, 接受。短則幾日，長則幾年。
第一次幫個女沖涼，爭啲整斷佢條頸。契媽見到video, 即刻揸車過嚟幫忙教學.
我一生人都係拒絕長大,
我老婆到而家話屋企只得一個大人, 但係有兩個小朋友. 但係我由細玩到大嘅死黨, 就話我個女出左世之後睇住我成熟變化好多.
咁多年來供書教學我完全冇分，淨係識帶屋企人去玩。個女都知道我哋屋企爸爸係文娛康樂部，媽媽係文藝部。屋企行政，搵錢佢多過我。大小事，老婆搞掂。我主要嘅工作就係令到佢哋兩個心理健康成長。
屋企裏邊媽媽要上靶，爸爸做下靶，有陣時（其實成日）我會俾媽媽話。個女心理上覺得有人同佢分擔比人鬧嘅時候感覺。
試諗吓，如果屋企兩都有威嚴，小朋友好難開心。
兩公婆最緊要溝通，尤其是教小朋友，更加需要溝通同埋有共識。小朋友好醒目，唔好比個環境俾佢可以＂玩弄＂父母左右逢源。
爸爸長唔大，如果識得利用，係家庭中嘅調劑。
4個讚
同意你話如果屋企2個都係大人有威嚴，小朋友會好sad! 我同老公已經夾好，我性格剛烈有原則，會嚴格做醜人日日對住小朋友教乜教乜，老公就淨係識打機同玩，反而就可以做到小朋友嘅出口，即係當小朋友覺得我太惡，其實可以同爸爸投訴，爸爸呵番佢，做我哋之間嘅調節。
1個讚