有冇人計劃緊移民美國? 大家會去邊個州呀?
1個讚
選共和黨州份
2個讚
移左啦，我在西岸
1個讚
要開返才入紙? 有冇預計幾時land? 我上年年尾入EB5，宜家status 都仲係your case is received
共和黨係藍定紅？
紅
一定有得揀嘅就千奇唔好去民主黨集中營。
#1 民主黨集中營 = 加州
#2 民主黨集中營 = 紐約
本人住紐約市。如果想俾細路仔讀公立學校，教出嚟嘅細路思想會怪怪哋。
請問有咩工種選擇，移民所需費用大概多少？thx.
我仲諗住加州、紐約多華人，會易啲適應㖭。我唔多熟美國政黨，但聽人講民主黨比較親共同左膠
你移咗幾耐呀? 有冇咩原因揀西岸?
我其實好多年前就已經移左民㗎啦，讀完書做過幾年嘢，之後回流返香港，而家阿仔要返去讀書了，我地又退左休，咁咪一齊搬返返去囉，舊年暑假搬嘅
我比較鍾意西岸，天氣好 d，冇東岸咁夏天熱到不得了冬天又凍到好緊要，嗰度嘅人亦比較冷漠同 uptight，我住過麻省兩年，真係唔鍾意，都係西岸嘅天氣同文化比較適合我 d
至於民主黨，係比共和黨左傾嘅，我本身對“左”並唔係非常反感，中共係打住共產旗號嘅資本主義，反而你睇下北歐，重稅福利好，政府對國民照顧周到，社會均富，呢 d 先係真正係社會主義，咁樣嘅社會主義，其實我有 d 嚮往㗎，稅重唔緊要，用返喺國民身上有咩所謂，不過當然好大機會養懶人啦，所以要人口唔多兼普遍國民教育同質素都有返咁上下先行得通，加拿大都有 d 近似，但美國真係做唔到
2個讚
好驚喎，呢排睇BLM事件，D左膠好恐怖，我唔想小朋友變左膠 
Thx. 有冇移民公司介紹？
點怪法？
中二病?
鬥爭+反抗。世界唔公平，政府係邪惡嘅，我要帶頭摧毀一切，回歸開元之始!
民主黨地方搞出嚟既學生，好多都有黎種思維。
去唔同地方係唔同價錢㗎？
唔緊要啦，落左腳先，攞到綠卡，之後搬去邊度都可以
1個讚
我唔會話中共係打住共產黨旗號嘅資本主義，因為共產主義本身就係反人類，人類社會根本實行唔倒共產主義。人有貪念，一經集權就唔會俾番人民，中共真係現實嘅共產黨。只不過係中國人幾千年嘅文化鍾意拜金，唔可以話中共其實係實行緊資本主義。
美國其中一個唔可以實行到社會主意，但其他國家就實行倒嘅其中一個原因就係，美國長期要派兵保護其他國家，美國有好多錢亦都擺左去做科技同醫療研究，乜乜條約同乜乜機構都係美國俾最大份(WTO, WHO, UN, 萬國郵政，etc。 仲有好似啲乜嘢巴黎協議，美國二氧化碳唔達標，罰美國，中國黎啲第三世界二氧化碳排放量唔達標，罰美國。) 其他實行到部份社會主義嘅國家(譬如加拿大，歐洲，澳洲)，高福利，高稅率，但係仍然入不敷支，多數經濟長亦都期低迷，只有靠奶共。比較成功嘅例子係北歐，但係果邊人少少，冇乜移民，民風樸素，多數做小本生意，政府開支唔大。但係如果有一大班移民過去炒起哂佢哋啲樓，佢哋真係死都唔得掂。
1個讚
美國有50個州，唔係淨係得東西岸。我以前住過North Carolina嘅細town仔，唔係太熱唔喺太凍，比山圍繞，冇打風大雪。租金大概3-400水電煤全包，兩個車位，兩層單位，有個後院可以種下花菜，後面仲有個森林。美國野食大大份，可能幾個禮拜至一個月先至買一次餸，基本上1000蚊一個月人工可以養起成頭家。聽講過左廿年，價錢仍然差唔多。唯一問題係香港城市人可能住唔慣，人煙稀薄，冇便利店，人流早返歸，但係就係因為少人，物以罕為貴，每個人都好親切。
1個讚
好中
我大仔喺加州讀大學，學校出名 liberal，我仔同佢班同學一樣，覺得世界千蒼百孔，我地呢一代冇做好，留左個爛攤子比佢地，我仔嘅憤慨喺環保方面，成日話要用 clean engergy，叫我裝太陽能板（大佬呀，我住西雅圖，一年有8個月以上陰天落雨，太乜鬼陽能呀），我買架大馬力嘅車比佢鬧左一大餐，一定要我買返架電車來 offset 返，細佬食牛肉又比佢鬧，話養牛用大量嘅水同產生好多溫室氣體，我老公食吞拿魚生又比佢鬧，話 bluefin tuna 就來絕種，佢自己已經基本上 go vegan，總之佢返親屋企就樣樣都不滿，個個都比佢鬧勻
我明嘅，後生好多都憤世嫉俗，樣樣都睇唔順眼，到佢出來做嘢，慢慢就會被社會磨平稜角，明白世事冇咁理想，要學識妥協
3個讚
我就係住民主黨地方，冇人比我更加清楚佢地，佢地可能都唔夠我清楚佢哋自己。我曾經都好努力咁做一個憤青，圍繞住你既都係同一班人，冇辦法。 