我係文職，工作算忙，有時有突發野要你夜晚係屋企整ppt or 表，岩岩又做到一點鐘（呢種情況不多）。有時倦到放工返到屋企唔想理小朋友，在房睇下電話休息，我覺得親子時間真係唔多，無時間夜晚同佢地閱讀，真係好對佢地唔住。
有想過轉工但我而家人工幾ok, 出面一定搵唔返，又要供樓養車。有時又會想不如做ftm, 我唔介意賣樓賣車，住細細屋，想陪佢地成長。但又想趁後生搵多啲錢，真係好矛盾。
唉…
1個讚
小朋友幾大？
其實臨瞓前講故事唔需要好多時間，快則5分鐘，講完仲可以用5-10分鐘傾吓偈，問吓佢哋今日過得點？做咗咩？然後錫佢一啖攬吓佢先瞓覺。
甚至掉番轉頭向仔女撒嬌，同佢講媽咪今日好多嘢做，個人好攰對眼好攰，可能會有意想不到嘅收穫。
生完嘅職責就係做一個媽媽，半個鐘都好，抽少少時間關心吓佢哋。
1個讚
子女感情係儲返黎，當佢地去到中學階段，青春期暴發個時，你地感情唔夠深厚就會好大鑊。
我係過來人，工作時間好長，個女一直都係工人同婆婆湊，假期我都唔會湊，只負責帶佢去街玩/睇醫生/去旅行/重要事務。
開頭你唔會覺得有咩唔妥，仲幾開心。
去到佢中二開始青春期，我就後悔了。
真心，俾我揀多次，我會情願搵少一半錢，去陪伴我女兒成長。
人生就係咁矛盾，但最起碼你仲有得選擇已經好好，加油呀 
多謝你的分享。
返到屋企已經7點，沖涼食飯無左一個鐘，跟住要顧個大的（小學），細的幼稚園，分唔到身。
大的小學，小的幼稚園，有時放工後太累，自己入房休息。
每日抽到半個鐘出嚟傾下計嗎，一定要養成習慣，咁樣到大啲都肯同你講嘢。
其實香港好多家庭都係咁，好攰想靜吓絕對理解，但如果連30分鐘時間都唔願意俾小朋友嘅，第日自己後悔。
該主題在最後一個回覆創建後30天后自動關閉。不再允許新的回覆。