啱啱響屯門醫院生完 BB仲未出得院有時間分享一下
預產期24/5 但一路無動靜 只係有一兩晚宮縮多咗強咗但只係維持兩三小時所以一直無入院直到約咗既31/5 8am.
去到屯門醫院A7房 響門口寫低少少資料後 護士就叫老公落去搞入院手續 我就入房磅重，量血壓同埋比姑娘伸手入陰道check下子宮頸咩情況 由於屯門醫院好多實習學生 要比姑娘探完一次後再比實習既探一次 結果都係未ready. 然後就上床駁機check BB心跳同埋胎動 大概30分鐘左右check完無特別就要等醫生黎巡房再探 醫生探完後話子宮頸未夠成熟要等聽朝六點先塞藥催生……結果呢日就淨係抽咗次血 無野做咁響病房住咗晚……
我比人編咗響最大十幾個人間房但全日都係得5/6個媽媽，響我隔離床既媽媽都係入黎催生而醫生朝早話佢子宮頸已經夠成熟其實可以催生但佢覺得自己今晚應該可以自然生所以揀等多日 結果佢凌晨一點幾開始真係陣痛 痛咗個幾鐘護士check到佢已經開咗3度就即刻送咗佢去產房。同一時間對面新入黎一陣既媽媽又禁鐘話痛 同樣地過咗陣就送咗去產房 果刻突然覺得自己好無用咁。耐都未生得 又好驚聽日塞藥都無反應要塞多日或者最worse第三日要開刀 忍唔住打比老公喊……呢次係我陀B咁耐第一次有bad feeling覺得自己好無用
老公氹到我瞓既時候已經3點……5點半就比姑娘叫醒起身刷牙洗面之後就再探一次檢查 護士探完話其實子宮頸夠成熟可以唔駛塞藥但為咗快d就照塞一粒……塞完我拿拿臨食咗幾舊包仔 到6點半左右兩隻大脾側開始酸痛 愈黎愈痛 我係子宮完全感覺唔到痛但兩邊大脾酸痛到痴咗線響度典……又想去廁所但姑娘話駁咗機要等醫生到唔可以落床 只可以一直典到醫生9點幾黎到再探話可以送去產房就即刻拆咗部機放我去廁所 雖然一路行都仲好酸痛但感覺好過響床典 去完廁所攣住咁換埋衫執好野就比姐姐推入產房
入到產房 聽到好多BB喊但因為太痛都唔得閒諗d咩 過完床成十個人響度幫我打黃豆 駁機 本身自己好驚打針已經知打黃豆好痛 但當時兩隻大脾已經酸到再打咩落黎都無感覺 比佢地搞咗一輪後醫生再探話開咗3/4度 進度好好 唔駛吊催生淨係幫我人手穿水 基本上呢段時間我就係不停縮埋一舊嗌痛 同不停問助產士有無得打止痛針 已經唔係好記得嗰下助產士話點解未打得止痛/無痛 佢地就將張打無痛既小冊子攝咗響床比我睇 但嗰下痛到痴咗都睇唔到d咩……之後助產士問我要唔要試下un波 心諗咩都試下啦 用咗飲奶力咁碌落床un個波 最初都好似有d用但unun下唔對路好似仲痛咗就又爬番上床 但一上到床發覺都係un波好似好d 又想爬番落去……真係好彩個助產士好好人 無鬧我之餘仲安慰我又幫我爬番落去 然後仲問我老公到未 比電話我打比佢叫佢入黎陪我 響打完電話爬番上床後助產士話可以揀打止痛還是無痛喇 本身想打止痛但佢地話原來對個B傷d d藥會過到比佢所以出世後要幫bb打番支解藥 所以最後就揀咗打無痛 等咗10分鐘左右 麻醉師就黎到解釋咗一堆野要我簽名 嗰時根本都痛到又係咩都唔入耳拿拿臨簽名即刻打 同種豆一樣 本身聽過人地話打無痛支針都會痛同有d恐怖 但嗰下淨係想快d解決 兩隻大脾已經酸到想斬咗佢咁……
大概10分鐘左右 麻醉師話搞掂 亦都放咗我老公入黎 但藥效未有 我仍然響度典典下 大概典多15分鐘左右就見效 嘩！成個人輕鬆哂！無痛真係堅無痛嫁喎 就算望住個探心機睇到宮縮到最高100度都無感覺！ 接落黎嗰6/7個鐘 我響完全唔痛無咩感覺下就由3/4度開到8度喇 期間除咗老公出去食咗少少野外 我就係響度同佢傾等生仔 
到六點左右 醫生黎檢查 當時已經開到8度 我問醫生係咪要停無痛（因為之前睇好似人人都話7/8度時要停） 但醫生話可以唔駛 無痛唔會影響度生仔既時間/過程 as long as我有力生 所以到之後助產士話BB頭仔再落少少就可以試生 問我停唔停無痛時我都揀唔停……諗住自己攤咗咁耐又做開運輸會夠力生 點知就奶野
到七點左右 助產士幫我放咗一次尿 我就感覺到個patpat有舊野頂住 佢地話係bb個頭黎 但我完全無成日講既急屎感覺 嗰時就開始停咗個無痛等我有番d感覺 再過多大半個鐘 佢地話我可以試生喇 咁佢地就教我要撐腳拉個手把下巴貼住心口咁用力push…ha…講就易呀 痾屎咁 但嗰刻真係完全唔識用力去push 成日都用錯力谷哂上面又成個人彈起哂 結果用咗1個鐘都生唔出……最後醫生建議我吸佢出黎 嗰刻本身好想再試 因為吸出黎既話老公要出去無得睇住bb 出世而且會有個印咁 但再試多2次都唔得唯有要老公番出去等……成房加埋起碼有十個人 即刻好似如臨大敵咁快快手腳準備好就叫我再試 最後用咗3mins試咗兩次就吸咗BB出黎…
BB一出黎助產士就抱佢去抹身磅重 點知轉頭就同我講BB發燒38.1度……無得比我埋身抱要送去special care…嗰刻再次咩都聽唔入耳淨係不停咁想望下bb聽佢喊聲 同時醫生幫我推緊胎盤同準備縫針我都完全無理過 完全唔識痛 響搞咗一輪後助產士都好好咁包好bb後放響我心口比我抱咗一陣 之後仲比電話我打比老公話佢知bb情況 叫佢留響門口等bb出黎見下佢同幫bb影幾張相 抱咗大概2/3分鐘佢地就抱走咗BB…而我就繼續縫針
我懷疑個醫生又係實習既 因為佢幫我吸bb既時候隔離有個senior d既不停比instruction佢 到縫針時佢足足縫咗個幾鐘 我條腰生完已經攰到不得了 仲要我撐多個鐘比佢縫 產房又焗 想飲水又唔比 結果縫縫下我嘔咗堆黃膽水出黎 暈下暈下咁等到佢縫完 仲要等多佢20mins寫report先推我走 寫完report後佢先過黎同我講原來佢縫錯咗針落肛門所以搞耐咗 仲要我食7日抗生素……到搞掂完一轉床 我又再嘔番哂啱啱終於可以飲既水＋膽汁出黎……最後 11點入產房 8點50分生仔 10點左右終於離開產房去產後
晏d先寫埋產後+BB留院
p.s.屯門醫院宜家好多實習既助產士 全部都好後生好好人 每次佢地幫我check度數/血壓時 都會好好咁答我地n個有關/無謂既問題
你問我我就會話好值得打喇
