陪月發現BB心形脷，伸唔到出口唇，覺得佢似痴脷筋。我諗住之後去母嬰健康院打滿月針，順便同醫生講，但好驚政府會唔理。
有冇爸媽試過喺政府醫院睇既經驗？健康院會唔會跟進？
我係， 岩岩Bb滿月，同樣心型脷… 一個星期前直接去咗養和醫院睇李雅兒醫生，醫生話唔係最嚴重嘅程度，可以剪或者唔剪，但係有機會影響佢日後發音… 所以我即日做埋小型手術剪埋脷筋，手術好快搞掂（剪兩下好快架渣），呀b喊左幾聲即刻埋身食奶就止左血同埋冇喊
埋單$5900…
醫生話如果出咗牙就要全身麻醉先可以做到呢個手術，所以我都係決定越早做越好… 同埋健康院我睇過有人話要等好耐
你都係自己發現架？
我只係發現佢w型脷，仲諗住咁得意既… 之後有親戚做過醫院暗示呀b係痴脷筋，我先上網睇更多資料確認就去睇醫生喇～
我兩個小朋友都係一出世就發現痴痢筋，6個月前剪咗，過程好快冇咩嘢，喊幾喊就收聲～醫生話一歲前都可以唔駛麻醉，大個咗要麻醉係怕爭扎犀利～
政府好似真係唔會理，私家剪好似三千幾～
都會有呢類情況，可以帶作睇左醫生先，由醫生決定需唔需要剪
出去比其他醫生睇啦。可能需要剪脷筋
去搵間信得過既兒科睇好D, 驚政府要等得耐咋
我仔係，佢大概一個月到食唔到奶，係QE嘅人奶姑娘發現，即刻轉介左去聯合醫院，兩個禮拜就有期。
但有朋友個女就冇得做；政府係睇你有冇實際需要，食奶係，外觀同發音唔係。