原本係個乖乖仔
最近叫佢行東就行西
軟硬兼施 威迫利誘都搞唔掂
呢個星期可能比我話得多
原本好痴我 乜都要我陪變到咩都唔要我
我陪佢瞓好似攞佢命咁係咁喊住要搵爸爸搵姐姐
玻璃心媽咪好受傷 
已經冇再話佢用其他方法教佢
做好多親子活動都好似仲係唔多鍾意我 
其實我都有睇好多書同資料
但係實際操作起上嚟真係唔一樣 個個小朋友都係一個獨立個體
只可以唔同方法試下
姐姐係縱嘅 所以9成時間我都自己湊返
屋企仲有個幾個月嘅妹妹
老公放工返嚟同佢玩陪佢嘅時候係正常的
啲曳野係對住我同姐姐先做
所以老公唔係妹感受到個問題有幾大
甚至覺得我有啲誇大 
有冇人可以分享下經驗
我個仔一到兩歲時，又係立即「按掣」反叛到日日激死（我全職自己湊），叫東做西，乜都要攪對抗，後來睇書（附圖）明白這是小朋友腦部發展中，是必經階段。 於是叫自己睇開點，要教，但不要太在意他的「不合作反應」，依舊唔得既事，依然唔得；冇禮貌既行為依舊要禁止… say no be no say yes be yes. 我小朋友而家4歲，我覺得佢又溫順多點。
每樣跟小朋友做既事情，都預較多較長時間，媽媽個人唔急趕，對小孩脾氣同耐性也會較好。
唔開心就搵人呻，控制好自己情緒，因小朋友會跟住學。
他有好表現時，大讚他多點。另外，我會用紅綠燈表示媽媽情緒，媽媽情緒開始唔好時，我會話「黃燈」，（紅燈就會罰）。 當我阿仔知激到我快爆炸，佢會收斂些。
加油，繼續堅持
多謝你 我都會再試下
只不過有時真係會谷到情緒爆煲
有邊個唔想做好人做白面做縱個個
盡量唔用 “唔” 字，要清晰指令，唔想尖叫就唔可以講 “唔好嘈”，要講 “冷靜，細聲”。
如果做左好危險或非常過分嘅行為，捉實兩隻手仔，要佢望住你。唔太過份就由佢，正面教導。如果係街邊執小果實，就話 “係吖，樹生果實，然後再生樹。擺返落去地下”
“越叫越走“ 我睇狗狗行為學過，亦應用過係小朋友身上，係 work，就地佢一跑開，你唔好追，要反方向跑要佢追返你。小朋友十歲前都有 “依賴” 呢個特質，你跟住佢跑，佢只會跑得越遠。
呢個可能係佢對你態度改變嘅原因
呷醋呢
第一件事，係咪妹妹出世嘅事？佢見你花時間响妹妹身上，分薄咗？
有無試過叫佢一齊照顧妹妹，然後讚佢？
試下唔批評唔好嘅野，但表揚佢做得正確嘅事
就好似餐餐煮飯，邊個想聽人話煮得唔好食？但被讚過話好食就自然煮多d
佢係個好caring 嘅哥哥
主動照顧妹妹 同好錫佢
當然我唔知佢心中會唔會有時有呷醋
不過以我觀察 妹妹唔係導致佢咁樣嘅主因
依家我都改變緊自己同佢溝通嘅模式
盡量鼓勵同讚
但係有時見到佢做啲太過分嘅行為都係會教
應該好可愛
青春期果隻先驚
當年我大仔trouble 2時，佢係未識表達自己，有d野想做又做唔到
我會試下從佢角度睇佢想點，然後幫佢講出嚟，之後佢會肯聽我話
其實個傻仔到初小都仲要我幫佢講野，大大下，表達能力好咗，就少d發脾氣，但因為能力高咗，變咗佢知唔做/唔跟，你係無佢辦法，識反抗！ 例如，唔起身返學！
anyways, 問題好多可能，唯有媽媽努力一樣樣試！加油呀！
我都知我依家只係bb班 
所以上嚟學下野囉
都只可以慢慢試下
最hurt佢突然間唔鍾意我
主力同我作對
我唔聽 