話說99今個月生日，諗住一家人食餐飯
背景：2個叔仔加99都係港豬，馬照跑舞照跳，屋企照睇tbb新聞，底底罩照攞
定好日子後喺grp問佢地想出街食定屋企食，佢地話出街食，之後就send左彩X皇宴嚟（距離佢地屋企係要搭車嘅）
我係深黃好執著食黃店，c6都係黃，但無咁執著.
我地見到佢地揀左藍店，我覺得c6知我一定唔想食藍店所以就喺grp問有無其他選擇，仲好婉轉攪笑咁講因爲係藍店驚自己會反枱
之後c6問99係咪想食中菜？（其實全程個grp都係得細佬代言出聲）
細佬send左幅$1700/6人係有龍蝦，鮑魚，龍躉嘅某酒樓紙出嚟，但唔係屋企附近地區，亦唔係彩X
於是我地啦啦聲上網搵黃店類似有龍蝦海鮮食嘅地方
搵到第一間，細佬話前排果度有人中招危險，都啱嘅！
於是問有無話可以去邊區食？佢細佬話只可以屋企附近果區
第二間，係前排佢地話要喺屋企食但唔煮，所以我地外賣返屋企嘅黃店，佢細佬就話唔要再食果間
第三間，佢細佬話坐得唔舒服
我忍唔住喺c6面前爆左，佢自己應該都嬲嬲地，所以就喺grp打左-取消啦
我即刻有同c6講對唔住，但依家我諗緊我可以做啲咩？
見到佢地屋企關係變到咁，我係咪應該做番啲咩令佢地和好？
希望大家俾啲意見
其實如果只係好間唔中先一齊食一餐半餐，暫時放下執著會好啲，正所謂目標為本嘛，真係心唔舒服咪當返工同老細食食完走囉~
5個讚
關係係雙方嘅，細佬（99）都可以行前一步。俾著我咁俾人ban三次嬲都好正常。不過而家係奶奶生日，唔gur都可能要就下佢架啦。頂多買個黃店生日蛋糕。（不過睇怕都係食壽包多 
）
2個讚
都可以嘅，但要攪清楚目的（同99食生日飯），係遷就99居住距離同喜好，拋啲適合99嘅食店提意，如果阿細佬都仲要有意見，就請佢幫手搵店幫手Book位，你哋最多買個蛋糕夾下錢做參與者好喇。
2個讚
99都咁醒識分藍黃，特登揀間藍既食？
我建議下次對話唔好直接講去食/唔去呢間因為藍黃，講下啲廢話話朋友食過幾好食呀、抵食呀個啲 etc…
對住唔想分色/藍絲用呢啲通常都ok…
你呢家一係過多幾日，再send d suggestion 出黎/ 叫c6 send 係谷囉。等大家茄左啖氣先
4個讚
要海鮮，去富東閣。
但係瀝源邨，不過可以uber eat
1個讚
99生日我覺得佢想一家人食多過分開食, 一年一次就下99,
一係搵D吾係藍既食店就算, 應該會易搵D, 以好食抵食為藉口, 吾好提藍黃
2個讚
認同，唔好一開始就話係藍店所以唔食，講下邊到好正不如試吓
2個讚
hoshi
11
一人行一步, 搵啲近近地嘅綠店食。提議嘅時候傾向講食評, 或者如果對方提藍店, 可以話朋友上次食咗好難食, 或者服務態度差之類嘅藉口, 等佢地知難易退。
如果你同奶奶關係都比較好嘅, 可以試下打溫情牌, 私下講, 唔好係大group講, 成日細佬係度代言。話你同老公其實都想一家人開開心心食餐飯, 想同佢慶祝生日, 不如揀幾間好食又唔藍嘅出黎俾佢自己揀, 當然唔好提黃藍嘅問題啦。如果有黃店當然好, 如果無就揀綠店啦, 就下佢搵返屋企附近嘅。
2個讚
欣賞、加油
肯外賣應該好多選擇bor
邊間唔洗講，淨講食乜、價錢
問佢去邊區食，已經蝕左主導權
直接打電話問99想食乜，費時d豬阻住哂
1個讚
其實唔駛特登提藍黃問題
開初要唔食佢提議果間就咁話，有食過，唔好食就得
盡量避重就輕，好似其他巴絲咁講呢間試過好食丫，就易令對方接受好多
2個讚
既然係99生日，俾面就去，唔好多口
唔俾面嘅，唔出現就夠，點解要搞到咁唔開心呢？
sorry… 俾我，如果係其他日子，大家互就，商量下，以和為貴
1個讚
其實我地只要唔藍就可以，但又要唔離開屋企果區，間舖又要似番集團式酒樓咁上下靚同好坐，仲要有曬龍蝦，鮑魚加龍躉餐食嘅話真係無！
咁我地係咪應該妥協？
最大問題係我呢個身分呢刻究竟要做咩？
由得佢地家人之間自己處理？定話應該做和事佬？ 定好似其他sis咁講私下約99食算？
老公同細佬嘅問題，就等佢哋自己解決啦
反而你需要同99打好關係，就算幾咁溝通唔到都好，關係唔好第日難受嘅會係你，如果有埋BB就仲大劑。
1個讚
因為執著食黃店而影響到屋企人的關係, 係最愚蠢的事。
記住抗爭的目的係乜野。
仲有藍店一事, 如果唔係藍到好似美心果啲, 我有時都會妥協。最重要係家人的關係。
1個讚