德國同法國都係歐盟大哥二哥，佢地係咪歷史上一直都咁friend？
德國響1871年先成立，果時叫德意志帝國(有皇帝架)，點解德國成立要去法國凡爾賽宮宣佈呢？
A, 德國同法國太friend，覺得咁有紀念性既日子一定要去朋友屋企向全世界宣佈。
B, 德國同法國打完交，赢左之後去法國度耀武揚威。
C, 凡爾賽宮其實係德國幫手起既，所以人情上法國要借比佢。
D, 法國果時好窮，要出租凡爾賽宮幫補家計。呢個就係airbnb概念前身。
E, 德國太窮，國土冇一座靚野夠氣派去宣佈國家統一，所以搵法國幫手借地。
我真係唔識… 不過, 我估係"B"…
B
正如二戰法國淪陷，希特拉巡視凱旋門一樣
補少少，德國係最早推行普及教育，如果唔係有一二戰，佢會更強大
無錯，答案係B. 普魯士(後來德國主體)打敗左法國，所以可以響戰敗國領土耀武揚威。
其實法國同德國係世仇。簡單黎講，德意志前身係神聖羅馬帝國(係呀歷史書見到記唔到果個帝國)，呢個帝國就係比拿破崙迫到玩完(其實只係叫當時國王唔准用神聖羅馬帝國皇帝個名，但可以用奧地利皇帝個名，Anyway 名義上個帝國等於玩完)。
德意志人當然好嬲嬲。到60幾年後普魯士收拾法國，法國當時係法蘭西第二帝國，做皇帝果個叫拿破崙三世，係拿破崙個侄。呢個世上有乜開心得過報到仇，仲要係響仇人親人手上報到，仲可以去敵人國家地標開party？所以當時德國就決定去凡爾賽宮恥笑下班法豬(想像下連豬個樣)。
法國因為咁又好嬲嬲德國，埋下左一戰伏線。
如果俾斯麥冇落台，德國應該可以避免一戰。
一個咁理性民族走去打仗，真係世事如棋