我同老公上年結婚，租屋兩個人住
有次上奶奶屋企食飯，奶奶叫我係果到過夜
問題係我老公同佢細佬一間房 上下格床
我老公訓上格 佢果到冇床位比我訓 奶奶叫我訓廳梳化…
我緊係話唔留 大家覺得有問題嗎？
房都冇間, 唔會留宿。
1個讚
你屋企同奶奶屋企距離好遠咩？連床都冇點解要過夜唔返自己度？你唔留做得好岩呀。
遠呀，車程一個幾鐘
成日叫我上去食飯 我一來一回2-3個鐘
話我咁得閒點解唔上去…
香港有幾大，除非住梅窩冇船，如果唔係，床位都冇，的士UBER乜都好，寧願返屋企。
2個讚
我老公仲有個妹
佢妹聽到就話 留係到啦 我都成日訓廳 好舒服
我都唔知講咩好…
跟本你老公都應該直接答唔留﹐
而唔係等你表態。
1個讚
咁舒服留俾你地啦
你地都成家立室, 又唔係無家可歸要人收留。
佢叫我訓梳化，話夜啦，仲講到好似好為我咁
但佢叫我老公入房訓 因為梳化訓唔到兩個人
點會叫你訓廳架，係都老公細佬訓啦
應該同你老公講明, 唔會留宿, 免得到時佢話好, 得你話唔好就尷尬
唔好話床位都無, 無房都唔太方便, 你啱, 會走… 如果老公要留低, 我會自己走…
你老公咩反應?
個個男人都唔識出聲擋既!
呢D時候老公應該眼神徵詢, 並以老婆意見為依歸
香港去邊都方便
就算大陸住， 香港工作咪一樣
不用留宿啦，食完飯坐一陣咪走囉
加上無位瞓， 可必留住呢
搭的士都係二百幾，我寧願返屋企。
兩個人搭的士啦…
離得遠最好講明早d開飯早d走
佢唔合作嘅話咪少d去食飯
係囉…
細佬識做就會讓房、但人唔識都冇計
都冇地方瞓有乜好留宿？ 仲好意思要你一個瞓廳呢家人對你都幾好喎 
你老公唔係咁都照留嘛？ 車巴佢啦！ 一句話第二朝有事做要早起身速逃返屋企，唔好等。