我相信周星馳都係大部份人嘅童年回憶，少林足球係我最尾一部入戲院睇周星馳嘅戲，功夫之後嗰啲作品就算吧啦，反正我都冇睇過亦都冇興趣
我覺得佢最underrated嘅戲一定係回魂夜，要搞笑有搞笑，要恐怖又恐怖，硬係唔明點解口碑麻麻哋
西遊記其實我從來都唔覺得好睇，細個戲院睇完一次一直都無翻兜過，細個一直都唔明，明明係鍾意莫文蔚，成齣戲好似係因為救佢，但係唔知點解最尾鍾意咗朱茵。同埋勁唔鍾意佢嗰句乜鬼一萬年台詞，都唔明有乜咁冧。明明話期限就任噏㗎啦，10,001年唔係好過一萬年咩？點解唔99999年喎 （小童嘅思維）
幾年前有一次無聊俾多一次機會就睇返一次，其實佢唔算係一齣喜劇（我笑點好低但係我諗剩係得一兩個笑位），係一部劇情片。而身為成人嘅我，對主角鍾意咗朱茵嘅理解，就係如果一名靚女去追男仔，就真係女追男隔重紗嘅
講住咁多先，大家又不如講吓最鍾意同最唔鍾意嘅周星馳戲
逃學威龍, 整蠱專家, 家有喜事係播100次睇100次!
你老母匿埋食雞脾 
我老豆叫古9寒, 我老母叫唔係波 
9527都好經典。
雖然我唔鐘意睇周星馳，但無可否認佢真係別具一格。
呢句係要大大聲嗌出嚟先夠feel
究竟打佢本人定打佢老母
我係99呀~
你唔記得介紹自己喎
My name is jing, jing koo
我有時諗，如果亞視當年淨係不停播呢啲經典戲，應該都唔使搞到執笠
別樹一格喺呢個年代已經十分奢侈 
對白真係好經典
依家睇返仲笑得出！
小弟劉晶
你咁急, 你先啦。
鍾意國產007同97家有喜事
因為疫情netflix有周星星上架。
逃學威龍，回魂夜。
明知笑位都要睇，睇100次笑足100次。
但到少林足球，長江7號，冇晒笑位咁。笑唔出。
「少林足球」嘅歌舞表演我有笑
最後一個覺得好笑嘅，就係「功夫」入邊有一幕飛刀柄
之後就冇睇過任何周星馳作品
me 2…
都唔明D人勁話好睇~
其實少林足球開始 已經唔再係港產式電影
佢之後電影都無再有興趣看
合拍片始終係合拍片, 口味唔啱香港人…
到美人魚, 西遊果D只能一看, 不能再看
手法完全唔同晒。
以前係mean得嚟好笑，
打後嘅好似為引人笑而造場口咁。