首先聲明，無對與錯，只有適唔適合
呢個係恐龍仔嘅故事，曾經唔同形式响yahoo blog, she blog, FB, EK 等分享過，見到呢度有幼兒教養版，就試試响呢度分享少少
就算用差唔多方法，都教唔到兩隻恐龍，所以，只供參考
hmm… 未講，呢個人仔第一個milestone 係：3.5歲升K1，已能夠獨自"做" 升小一暑期作業，淺嗰d，當然寫字未得，但填充題用a,b,c 係搞得掂嘅！
恐龍仔自少對環境刺激好敏感，濕少少都要換衫，少少聲都聽到，觸感上亦比較怕泥膠嘅感覺。
佢出世後，我知道我唔能夠做FTM，我一定會c！將佢平日放响婆婆度，我就輕鬆地睇教養書 (Glenn Doman, Montessori, 七田真)，仲上埋蒙特梭利家長班
我有俾YBCR佢睇，一日1-2次，每節少於20分鐘，家中有Miffy 動物公仔，佢1歲前已經能夠見Giraffe 字咭，攞起長頸鹿，而佢第一個講嘅字，係"自娃fu"
幼兒期，佢係先聽到英語，到約歲半，我開始用廣東話，而佢亦開始學中文
當年書展買咗一套廣東話兒歌集，想佢聽多d，到入N班時，會比較有親切感，結果，佢睇住歌詞書，自學中文字！
而英文phonics 亦都係自通嘅，我只使用咗字母magnet，拼 SAT, BAT, CAT etc… 前後兩次，相隔可能係幾個星期，之後就見到佢拼到好多英文字，包括肯定佢未見過嘅
另外，有用蒙特梭利教具，對空間感、數感，好有幫助，仲有訓練小肌肉
真心推薦：買錯玩具教錯仔
我遇到佢時，先發覺屋企玩具有7-8成係書中推介！
大d，兩歲後，打韆鞦/行樓梯學數數
講咗蒙特梭利，講下七田真！
佢有胎教書，係會教人就啱時間做大B，食卵磷脂(幫助腦部發育)，同BB傾計等
BB出世後，多d接觸大自然，包括溫度/季節變化
e.g. 冬天時，抹patpat 嘅巾係凍嘅、大陽曬係暖嘅，風吹埋嚟… 仲有藍色嘅天空，白色嘅雲…
除咗感受大自然之外，就係語言喇！唔可以講bb話，一講就大人話，多d形容身邊事物佢聽，呢d就係佢build up 生字厙嘅機會！
當年，每朝不分天氣好壞 (除黑雨/8號風球啦~) ，我地都會落平台晨運！感受季節轉變，樓下亦有韆鞦架，係佢3歲前，佢都有打韆鞦嘅機會，但因為有朝玩完行開10米外等校車，後面有巨響…我地大人從此都無行過埋韆鞦架！
講埋Glenn Doman, 呢個年代好似無人再提起佢，但1x年前好興架！好多人自己揾人印字咭，我都買咗一套二手咭，但仔佢唔鍾意"閃"，每次攞出嚟佢都係自己攞住一張張睇，成套咭最偉大嘅功勞，係仔第一次叫"媽媽" 係睇住張字咭！ 忘記講，呢個仔真正講野，係14-15個月左右，但叫媽，就要到歲半，可能要發兩個音 “媽咪”
而閃 點點咭學數學，對佢都唔work
如果大家有時間，去了解一下Montessori, Glenn Doman 都係做特殊兒童幼兒教育嘅，手上都係一群被社會遺棄嘅小朋友，學習能力偏低，甚至被評為弱能，但經過訓練後，學習能力大有進步，回復正常
閃咭的確有d硬餵嘅感覺，但Montessori 係從孩子主動出發嘅教育，講主動性、學習興趣、自理能力！安全環境下俾孩子自由探索，所以要做起嚟都唔容易…
其實，卡爾威特出世時都焗親，老卡爾用咗好多心機，教到個仔咁叻！
我曾經為咗一句：學校要有戶外地方玩，有沙池，我真係search 全HK嘅學校，發現得一所港島學校有沙池，就放棄咗，但到揀小學，我都堅持要有戶外操場 (九龍塘私小APS 係無嘅~)
1個讚
留名學野，我想問下咁你出左世後都係同佢講英文？佢婆婆就同佢講中文？你講個幾本書睇黎我都要買黎惡補一下… 我想問下miffy動物公仔既作用係？
我初時係同佢講英語架，因為想佢同工人溝通到先，再學中文
其實miffy 係我鍾意嘅公仔，屋企好多，只係咁啱YBCR 字咭有giraffe, turtle 呢d字，miffy 公仔又有，咪同佢玩囉，點先佢見到字就走去抱隻公仔，我地先知佢開始認到字
建議買d 比較像真嘅動物模式玩具，或相片bb認
14-15個月識講野咁快？
我個仔就黎12個月而家仲係EE哦哦。。。
男仔嚟講，14-15個月唔算快，叫普通啦
佢地有自己嘅步伐，一上手就快，最緊要媽媽多d同佢講野，多d形容環境
可能講得太簡單，係14-15個月無開口講野，唔係話講得好好，單字嗰d
我地媽媽會大部份bb都係差唔多，係個明去到18個月先開口
幼兒階段，要多d訓練小肌肉，亦要開始俾佢同書本做朋友
呢度部份玩具係自整嘅
揀玩具時，最好唔好買電子野，因為小朋友睇唔到個"因果"關係，e.g. 打鼓會有聲，塊模會震，但點解禁個制會有聲呢？
仲有，佢玩緊唔好隨便騷擾佢，佢地係要重覆，玩夠，從而得到領誤
