是咁的，我個仔一歲，玩嘅玩具發聲嗰啲都係講英文 Red blue Green、One two three咁，d 繪本都係英文多 apple orange dog cat 咁。平時我同我老公都要返工，每日得兩三個鐘親子時間，會同佢睇下書玩吓玩具咁。
我同老公同佢講中文多，如果同佢玩玩吓講英文係咪唔係幾好？我同我老公啲英文都OK嘅，冇乜口音。講中文又唔知佢明唔明…心儀嘅幼稚園係英文幼稚園…好掙扎啊媽咪
所以想問吓大家，你哋平時同小朋友講嘢或者玩，係講中文、英文，中英雙語定係中英夾雜㗎 ？或者有冇有幼兒教育經驗嘅朋友可以講吓中英夾雜有冇咩壞處，謝謝！
你可以一個只講中文，另一個只講英文
可以一個講廣東話，一個英文。全句子都係純英或純中，不要中英夾雜。
英文幼稚園即係本地學校？咁中文好重要喎
從來語言最差的情況係中英夾雜，因為小朋友D coding會亂哂，最後兩種語言都學唔好。一係全句中或全句英，最好就家庭指定唔同人講指定語言。如果本身讀本地學校，以中文為重，可以工人講英文，父母講中文；如果冇工人，可以試下媽咪講英文，爸爸講中文（睇下邊個英文叻d啦）。如果你想小朋友英文學好d，一定要成句英文咁講，小朋友先識用文法同語境，vocab反而可以慢慢build up
我一係全中，一係全英，唔會中英夾雜，我一開始已同個女講中英文係兩種不同文字，講嘢同寫嘢唔好混淆。
阿女返N班之前我同老公都只會同佢講廣東話，姐姐就講英文(因為佢唔識中文)。可能因為咁，我個女講嘢係慢既，一路到三歲幾先講到好似其他同學咁流利。但到佢講嘢時，英文口語程度都明顯比其他小朋友高，同埋佢答問題一係全英一係全中，好少出現中英夾雜情況。我覺得同我地屋企堅持唔中英夾雜講嘢係有關既。
初初因為個女唔多講嘢，我驚佢係印尼口音，但可能因為睇開Peppa, Ben and Holly, 學校又係英國人老師，所以到佢開口講時都係偏近英國音，我都安樂D…
贊成，我同阿女讀英文書時都只會用英文對答，要成句講。見到有「有用」句子語法又或者單字，我都係同佢成句讀幾次，又時會再做句。我自己學英文經驗都係記句子容易同有用過單字，因為成句用返既機會大好多，同埋易D記住個字。
我當年係先講英語，之係 (歲半左右) 開始會講廣東話，但工人面前一定講返英語
我自己唔會夾雜兩種話，一定一樣還一樣講
本身我係HK讀書大，其實口音都唔正，但仔KG讀本地班，上到小一，口音比同KG英語班嘅同學好，不過，因為靚口音好古怪，所以佢响學校會用HK口音講英語，去到外地就用返比較好聽嘅口音
講廣東話，真母語！情真意切～
學其他語言係可以，我其實亦知點樣可以學好外語。但外語就係外語，我唔會想我小朋友同我講悄悄話時用外語
2,3 絕對唔得，因為唔係natural language.
其實只要母語學得好，以後學咩語言都易，我絕對會揀講廣東話，平時香港人講嘢時都會夾雜嘅英文字就冇所謂，例如check下先
一定唔可以夾雜，咁樣咪即係想個仔好似印度人咁講野？學得仲亂。
你讀英文故事嗰陣就可以先中後英，e.g.
“王子看到一隻白色狗狗喔! The Prince saw a white dog!”
如果怕自己講英文唔好，就外判俾 YouTube，大把幼兒故事，日聽夜聽，點都學到啲。
學習語言唔應該注重口音，應先注重表達能力、用詞得當。有口音係正常，你係香港人，個仔係香港人，住香港，無須介懷口音。但一定唔可以兩語夾雜。一係就一個家長講廣東話，一個家長講英文。
唔好兩溝﹐
兩溝係最差的方法；
如果你地自己都係中文人﹐
何必同佢講英文呢…
想請問下如果三歲幾先講到流利，兩歲幾考幼稚園時會唔會有問題？
一個講中文一個講英文，混埋中英一句佢地會好混亂，雖然話英文幼稚園，香港都仲係要講廣東話㗎麻，之後都會有中文科㗎，我有朋友就係就個b講英文，但係讀國際學校都有中文科，跟住中文fail，最後直頭要睇醫生先搞得掂。同埋廣東話係難學好多，難得係母語梗係要識
我係讀N班先，考N班果時大部份小朋友都未識講野，所以冇乜影響。
但係幼稚園唔係兩歲幾考咩？
你係N班直上幼稚園？
係，我同個女由兩歲起一齊睇中英文書，讀到K2已明顯見到當中分別。當英文佢已經可以自己讀到簡單小說, chapter books時，中文都仲係讀緊繪本。中文字好難認同寫，所以要花多好多時間去教。
樓主可以睇下呢條片, 如果唔係母語, 夾硬同小朋友講英文會有咩問題
另外,好多香港家長推崇嘅PHONICS又有咩局限
唔係，兩歲幾係入學要求(我女2014出世，2016年讀N)，N班面試時我記得係歲幾。
我明呀，所以K1係兩歲幾考, 三歲讀。咁兩歲幾果時講野慢，考K1咪輸比人囉？
定係兩歲幾時大家都係講野慢？？
我誤會左 
唔好意思，我係N班直上，係同一間學校。