吳啟華馬明爆內地拍劇被女星誘開房
近年唔少人返內地拍劇賺人仔，已經穩坐無綫一哥的馬國明亦唔例外，近年不時北上開工的他，除了拍內地劇，亦經常在國內拍TVB劇。日前，馬國明與吳啓華一齊上伍詠薇同阿Bob主持的邵氏特備節目《飛虎之雷霆極戰 Tiger’s Talk》受訪，馬明大爆被女演員給房號碼挑逗他上房，主動向出名正值「天然呆」的馬明獻媚，到底呢個女演員係邊個？！
日前，馬國明與吳啓華一齊上伍詠薇同阿Bob主持的《Tiger’s Talk》接受訪問。馬明就大爆在內地拍劇期間，有女演員主動給他房間號碼挑逗他上房，他直言：「有啲唔係好熟嘅女演員，真係畀個房號碼我！」向「天然呆」馬明埋手，呢個女演員真係挑戰難度，馬明之後更表態自己一定唔會接受。「一定唔會，容乜易一入去成班麻甩佬捉黃腳雞！主動到咁，梗係唔會啦！我覺得係裝我多過愛我！」
吳啟華補充：一線女星係男人都啱、成組人都派房
同場的吳啟華聽到馬明的故仔，隨即大爆料，指類似情況他在內地拍劇早就司空見慣！更直指逢男人都主動派房號上房的更是一線女星。他繼續爆料說：「我聽到嘅係，成組人都派！」
咁好好估播
係咪都講左先
不過可能高層有壓力要佢撤回咁解