其實係咪唔夠奶

而家大約個半月,都係仲食緊兩個鐘一餐,每次bb認真啜5分鐘左右,之後迫佢食多少少,最多都係hea啜多5分鐘左右,每次食完奶哄得佢訓覺都已經到第二餐,所以佢都訓得唔係咁好,好醒訓唔冧,我試下用機泵出黎,5分鐘都係得1安左右,所以其實係咪我唔夠奶定bb胃淺

有冇試過補奶粉俾佢?如果佢都唔飲,應該係夠奶

當年我女 bb 果陣都係咁上下﹐
餵一餐、餵完整小小野訓半個鐘又下一餐了﹐
哩一、二年諗返﹐
點解我果陣咁笨﹐
應該限時限刻﹐
餵15分鐘、最多半個鐘就停手﹐
食少在如果下餐都係咁食法就由得佢﹐
陰公﹐
我果陣餵奶餵到失常呀。

2個讚

其實5分鐘泵到30ml應該係正常架… 我都係咁但泵20-30分鐘都有150ml… 不如試下泵耐少少?
同埋最梗要好似係睇呀b係完係咪拳頭放鬆左,大小便正常… 咁佢夠飽就應該係佢胃淺喇:see_no_evil: 加油呀!

係呀,我嗰時唔識餵,俾佢啜成粒鐘都試過
後來醫院教最多餵30分鐘就要停低,BB仲想食就叫屋企人幫手補奶粉,飲到佢停為止
咁樣媽媽先有時間休息同製奶.
用咗呢個方法,我先慢慢多咗休息,奶量就自然升返

5分鐘30ml好正常呀,望落係前奶定後奶?我大女初生時係胃淺,啜一陣頂到肚餓就hea啜,大少少會好啲。

如果發現佢開始hea,可能因為奶陣過咗,流量慢咗,試吓停一停,掃吓風,等bb回一回神,你又按摩吓,刺激吓奶陣,等佢再啜時可以飲到多啲後奶,食飽啲會瞓得好啲。

我呀b就係咁,食一陣又唔食,可能就係因為過左奶陣佢食得唔gur… 其實點分前奶同後奶?

最緊要睇佢夠唔夠小便同重量。

如果啜得唔夠耐,多數只係食到前奶,前奶提供抗體比bb,後奶係脂肪,飽肚,同樣重要。一般建議比初生bb每邊認真啜至少10-15分鐘,就均衡吸收到前後奶,到bb大咗食得叻咗,時間就可以縮短。

所以我有問過醫生佢話建議一邊啜夠15分鐘先另一邊,但亦有人話每邊5分鐘交換咁咁容易刺激奶陣,bb食得快d​:dizzy_face: 餵人奶真係好高深既學問…

係呀,真係一門學問,我就嚟生第三個,都要重新溫習。
我諗冇絕對嘅,case by case,最重要bb啜得夠時間+認真啜,咁先食得飽又幫到媽媽增奶,否則hea啜一兩個鐘都係食唔到幾多。

呢d野真係未生過未過埋身真係唔會識:sob: 好多野生完都唔識,邊試邊學:sob::sob::sob: 做人阿媽真係好難

我都埋身餵餵到崩潰咁濟,啲人話Bb埋身啜會幫手上奶,但我好似仲未上奶咁,泵得10ml
bb埋身餵啜下又訓,過半個鐘倒就餓醒
餵奶粉, bb食緊50ml,都唔知點追好,但唔想放棄:sob:

我個b去健康院,姑娘話佢體重增長ok,尿片數都夠,但真係食得好密,同埋訓得唔冧係一個問題,有時見到餵奶粉可以4個鐘先餵1次就想放棄,會諗丫b食奶粉會唔會飽肚d,訓得好d,不過又覺得而家先放棄又好可惜,加上丫b係唔鍾意用奶樽,試過用奶樽餵其實佢都抗拒,唔會點飲,仲會吐返出黎,d人話愈大會愈好,先苦後甜,唔知係咪真呢

我個仔都去到兩個幾月先開始2.5至3個鐘先食一餐…3個幾月無啦啦自己變左4個鐘先食…而家佢4個月 直頭好似唔識嗌餓咁 係我自己夠鐘就迫佢食:see_no_evil:
頭兩個月都係兩粒鐘食一餐 猛長期有時個幾鐘就嗌要食 嗰陣真係餵到懷疑人生…
而家諗返都唔知係點捱過…所以我都相信係會愈大愈好嘅!! 總之佢增磅ok就唔使擔心~ 同埋見到佢食人奶 食到肥肥白白 係好有滿足感嘅 呢個都係一直堅持嘅動力:grinning:

咁而家可以隔4個鐘時,你bb清醒既時候係咪都唔喊?我個b除左訓,不過其實訓唔耐,最多都係半個鐘,清醒時候無耐就係喊,所以就成日要餵,唔知係咪真係餓

而家真係少左好多喊…清醒時唔會點喊架,但要不停有人陪住佢 同佢玩囉,至多係扭眼瞓時會喊兩聲…
不過頭一個月佢都係成日喊,其實我都唔知佢係咪餓架,有時抱佢一輪都唔肯瞓 又已經同上餐奶隔左兩粒鐘 就當佢係餓囉…餵完佢唔再喊就算架喇…慢慢3,4個月時佢就自己會變得好有規律 咁就開始好湊好多

個幾鐘真係好誇張,真係個頭食完又要再食:dizzy_face: 放題咁樣… 好想呀b大dd起碼唔洗餵得咁辛苦

我呀b之前都係咁,之後發覺原來係佢好多肚風所以瞓得唔舒服… 我之後係咁幫佢掃風,情況就好咗好多啦~你會唔會都係咁既情況呀?

我個b都係成日喊,食完都喊,我諗扭眼訓多,但最衰佢眼訓又唔訓,已經又抱又拍又俾奶咀又包實