家父借左錢，之前已經前前後後借左一筆錢俾佢還，叫佢應承我唔好再出去借，佢應承左同埋話還完會俾返還款紀錄我睇。
最後隔左2日同我講搞掂，但我叫佢俾還款記錄我又唔俾，叫我信佢。唉，咁唔通我話我死都唔信你嫁喇，你拎出黎俾我睇！咁咩！始終係我老豆佢又要面，咁我就信佢囉⋯之前氹佢講佢爭幾多已經氹左好耐⋯
今日我聽到佢細細聲講電話，話我有就即刻還俾你⋯跟住我偷偷地摷佢銀包發現佢仲還緊錢
我估我之前借俾佢嘅佢冇拎去還。
好想開口同佢傾，又唔知點開口想顧佢面子，同唔想俾佢知我偷偷地摷咗佢銀包。
真係好灰
你知唔知佢因咩事借錢?
冇錢洗/借錢賭馬⋯⋯
佢借邊度錢先？
有時係要狠心啲…你幫佢一次，有啲人係唔識感恩，只會繼續沉淪下去
我老豆係一個例子
唔洗講摷過佢銀包
直接話聽到佢講電話
問佢係咪仲爭 爭幾多 之前嗰啲係咪有照還但還唔哂
同佢講唔坦白大家都會擔心
依啲嘢唔講清講楚手尾好長
我老豆都試過係咁 不過佢係比人呃 話做生意等等
都煩咗好長時間 好彩依家真係還清哂
1個讚
財務公司
其實佢唔係第一次借錢，只係我借出嘅錢係第一次
一陣試下講⋯
老實講佢唔俾還款證明我我都已經有d底
但到真係發現佢呃我呢個事實都唔係好接受到，都已經冇工開，憑咩覺得自己還到錢⋯
要你爸爸如實講共欠幾多錢，直接同財務公司聯絡及還錢，不要再經爸爸去還錢，要講係最後一次幫還清債項。
希望你爸爸唔好再借錢去賭。
咁仲要顧佢面子？
唔好縱佢啦
呢啲最麻煩…（因為佢唔怕死）
你要快手同佢講，就話你聽到佢講電話啦…借財仔被人淋油塞鎖鑰窿架…佢唔怕你都怕啦
借財仔唔係要有擔保人？佢用邊個？要問清楚，當年我係唔知情下做咗我老豆擔保人
問佢爭幾多，大家快快手手還咗佢，啲利息又高…佢做開邊行？你積極啲幫佢搵份，雖然呢個時世真係唔容易
上次已經想咁，但打去問財務公司，佢地話登記左果個戶口就要用果個戶口轉帳還錢，所以最後轉左錢俾老豆
問佢佢唔答可以點⋯上次氹左佢幾日先肯俾我幫佢還，但又唔講實數俾我知又唔肯俾我睇紀錄，只可以信佢講果個數可以cover到所有借貸
佢驚就唔借借完又借⋯
唉，望住老豆，開唔到口
擔心佢，唔開心佢呃我，唔想理佢，又唔想睇住佢死
可以取走爸爸存摺或提款卡嗎？或攞現金去財務公司還又是否ok? 之後直接取消個貸款戶口
我見過一樣嘅case，我勸你唔好再借畀佢，因為佢係會繼續借落去。 你只會無止境咁幫佢還錢到最後， 你會發覺自己冇曬錢都係因為佢。
岩岩問佢係咪仲爭人錢，話我聽到佢講電話
佢一路扮傻，叫問咩呀咩呀，我講話聽到佢喺電話同人講話有就還俾你，佢話冇野之後就行開走左
我明，我媽已經係我個辦
老豆有工開我都唔會理佢，佢冇工開又有欠款，除左問身邊家人親戚朋友借錢一個還一個仲可以點還？但我就係唔明點解佢唔問最親嘅家人⋯
偷偷地開多個戶口有幾難