暫睇到 yoyo2 同 combi handy 4 比較arm心水
好似個個都話yoyo好用
利申未用過
呢個牌子既bb車都好好用，個輪好推，用到好大個都得，有時一田會有減價
我地去mothercare睇過 最正係摺起左之後超細 我見有啲人係話買黎去旅行
但佢得單向 離地唔夠高 同冇得較斜度 呢幾樣都係我地好想要嘅function
如果講架車內籠大﹐
我覺得P3 Mini 大﹐
BB又坐得舒服；
但我唔清楚可唔可以單手摺車哩D問題；
我當年買 Combi﹐
其實有後悔﹐
因為我買果個 Model 的車底個籃跟本擺唔到o野﹐
但車已買﹐
未爛無換車﹐
最後係女大個了唔駛用車了…
我用yoyo 0+同6+，真心好好推。馬路上行人路果D高半級果D位都上得好順。個碌可以360度自轉出𨋢入𨋢好方便。（成日要等果D轉唔到果D車）
有少少唔中意佢前面無打橫果條bar(BB可以long腳 
）同埋seat位唔夠高，食日覺得佢食塵。
不過佢摺起之後真係好細部同埋方便拎，啲日本車接完之後仲係好高， 好難抽起架車。
自己未用過日本車，但係聽人講日本車好易反。 So far我推住yoyo買餸未反過。
一架bb車唔好用，真係可以令到你喺條街度好呢hea
你個小朋友幾大? 可以自己坐未?
我覺得避震係香港都重要
首先要睇下自己有無車， 會唔會好常用， 定係假日車， 會去商場多，定會帶埋架車去行山.
如果無車，又只會假日用， yoyo 係好選擇， 佢仲可以上埋飛機.
如果有車， 可選擇歐美車系， uppababy cruz, bugaboo bee5. 穩陣，安全，好推又有款.
Combi handy 4睇過實物好細架，覺得好快bb會坐唔落
(我真係預佢坐到3歲)
睇咗graco citinext，覺得價錢同外形都唔錯
唔知有冇媽咪用過graco? 有冇意見畀吓。
1個讚
我睇左handy 4 實物都覺得可能會窄身左啲 （因為seat位就算拆左egg shock都仲係厚身）
發覺市面上好難搵到一款有齊所有優點嘅車
好似要輕易收納 就好難要架車細咁所以都係諗緊2歲打後轉架士的車會唔會仲好
bb床, high chair, 咩帶 呢啲大家又用咩牌子呢
High chair: combi dreamy，朋友畀嘅2手，我覺得幾好用呀，bb都肯瞓，又有安全帶，我擺喺客廳，就可以做吓家務。大咗加固又可做餐椅。
孭帶: todhi, 暫時未用，bb未夠3個月
Bb車用緊silver cross嘅sprite，雙向，離地高，儲物籃夠大，避震ok，3節調教，0+可以用。缺點：重，2制收車。
我自己係行路去街或者搭地鐵先會推車，如果搭巴士小巴的士就用孭帶，基本上向街唔會收車，所以啲缺點對我黎講唔大影響。
自己覺得雙向好緊要，一路推車可以望到bb，bb望到自己都會安心啲。
AEON 做緊減價
10月先出世 而加買定係遲啲先好呢
如果屋企唔係大到擺在架車仔都唔覺的﹐
我建議遲D先至買﹐
車仔真心阻地方。
我都覺得係，起碼你自己都可以睇到個BB，唔會好似各有各行咁
雖然好多年前, 但我好LIKE COMBI MAGICAL AIR, 單手開摺身輕如燕, 對於我呢D單拖出街媽是一大恩物! 果時一人一車一B 去邊都得~
坦克車係舒服, 但超唔USER FRIENDLY
Bb頭兩個月好少出街，就算出可能都係手抱or 揹帶。bb車確實係阻定。
但如果屋企唔係太細，買定都好嘅，bb出世後要行街慢慢揀又係唔方便