好孝順，相信你嘅仔女將來都會咁對你 
1個讚
我真係好錫我爸爸，上年3月佢突然大中風，然後我無再工作全時間照顧佢陪佢。因為我爸爸好細膽咩都驚，理解能力不太好，好靠我去解釋佢聽。而且佢好信任我的。
以前屋企好窮，係父母好辛苦賺錢養大我地幾個仔女。雖然對於香港而家嘅狀況好不安，但我真係唔忍心離開父母。所以我男朋友想將來移民，我都同佢講等大家父母百年歸老先。可能我一直將家人 (特別父母) 放喺好重要位置。
不過，每人狀況都唔同嘅。我都有朋友佢媽咪係癌症人士，但佢照搞移民。嗰一刻我聽到個心會唔舒服，因為我一定唔會咁做。但明白佢想為自己仔仔將來著想。所以係矛盾的。
2個讚
樓主，我好明你啊
因為我都有計畫讀書移民，但係自己儲錢去，成定敗都係食自己
本身諗住我攞到pr就結婚申請老公過去
但佢就話會帶埋父母走，心入面即刻覺得有啲唔平衡
雖然咁諗好衰，但移民既錢同時間得我一個付出，佢地就食我成果咁
而且佢兩老年紀大已退休，講真去到外國唔適應，又冇朋友，咪都係要我地成日陪佢地
唉我當然想自由自在啦，尤其係自己都未顧掂自己，但男友講明走一定帶埋屋企人走…
而我兩老仲有搵錢能力，而且有自己plan，唔洗我顧/帶走佢地，所以就更加唔平衡囉
多謝有人明白我
我冇話過掉低佢哋，其實台灣根本可以兩邊走，佢哋唔搞移民成日過嚟都得，根本奶奶就貪得意/貪方便即刻話要跟，我嗰下火都嚟︰BNO 又唔見佢哋搞﹖連個機會都唔要，咁你揀咗香港做乜要跟住我哋移民﹖我好介意呢一點
我冇仔女，我性格問題啩好討厭小朋友，唔享受家庭生活。我好唔鍾意中國人嗰套老咗跟仔女既觀念，自己世界乜都冇得啲仔女同孫，好阻礙子女發展，我冇生所以我老咗唔會咁。至於唔帶住父母就好似不孝咁，呢個point我更加反對。
3個讚
其實老人家要移民本身無國籍一啲都唔易架喎⋯⋯
喺「外國人」嘅觀點考慮，年紀越大越對醫療有需要，審批一定有返咁上下，或者去到無醫療福利，頭暈身㷫都要睇私家都幾大鑊
可能照問左啲資料同實際情況係點嘅再同佢傾
據你講你老公咁乖，佢多數係唔捨得個乖仔姐
咁當時佢地用咩護照去第二度??
養兒防老, 老左就痴住D仔女
邊度有著數就痴埋去
華人+藍絲就係咁
我唔覺樓主諗法有咩問題
4個讚
佢哋咪用當年既 BDTC 囉
應該係老爺想入奶奶唔想，要返香港
我自己應該有童年陰影，阿媽管得我嚴得濟，佢個世界得我哋屋企，我小五小六去圖書館佢都要喺後面吊住我尾，到我大學畢業同咩人出街佢都要知要我成日打電話報到，我好怕被人管，好怕成世都活喺父母陰影之下。
我知道唔關老爺奶奶事，只係我人生觀好受影響，唔生細路都幾關事。而且我奶奶好高危，移得民實同佢住，同佢住我一定死，佢對眼會除咗瞓覺跟住你睇你有乜需要想照顧你，兩公婆唔使旨意獨自出街食飯。所以佢一咁講我內心反應咁大
我老公係乖仔，平時唔點見父母(工作忙，住得遠)，但佢早排失業自己慳都喺積蓄度拎家用出嚟，我話幫手佢都話唔使，佢話我養家已經要比好多錢
我平時同老爺奶奶冇嘢，我都喜歡佢哋，但我奶奶太熱情，同住我頂唔到，佢平時出街檸檬茶都幫我哋篤埋，我猛咁話唔好唔好 。
我之前從來冇諗過移民，呢兩個月先諗咋。一直我都打算留喺香港，如果兩老太老我哋會叫佢搬近我哋，同一屋苑，然後我哋請工人照顧佢哋。佢痴邊個仔女都冇所謂，我哋歡迎
所以就算做人父母，都要有自己生活，唔好只得仔女家庭。因為到小朋友大左，佢都有自己生活同圈子，有自己人生，亦要為自己負責同做打算，父母仲管得咁嚴跟得咁緊，唔止好大壓力，仲會阻住佢地成長同探索自己既路。始終我有我人生，佢都有佢人生。
呢樣嘢我老公睇得好透，例如佢會捉我一齊做運動，話自己要有健康身體唔洗第時累個女 
1個讚
所以就係一直都係奶奶話事
當年唔去又係佢，依家要去又係佢？
Maybe佢都相當後悔⋯⋯
唔係曾有呢本已經可以再申請BNO咩? 有錯請更正
我媽嘴上講係咁，但成日嫌我地唔係成日返去
其實佢不知幾想好似「愛回家」咁成家人都係住隔離，成棟樓都係佢地自己友
晚晚一齊食飯、個個禮拜飲茶嗰啲
但實質上無可能做到、性格上亦頂唔順見得咁密⋯⋯
覺得某D外國文化係比較好唔係冇原因
大家都係獨立個體, 唔係長輩就奉旨要人供奉
有仔女都唔會係冇左自己生活
退休後都有好多可能性 可以開展第二人生
唔會淨係日日圍爐講是非, 成日諗住痴住仔女
利申: 唔生仔, 唔想冇左自己人生+費事做左仔女家累
人夾人，夾得到咪得，但都要尊重返唔係人人想要咁既生活，人大左始終想要返D私人空間。同住時我同阿媽幾乎日日嘈，反而嫁左之後大家有D距離，我同佢相處都舒服左，有時竟然仲可以講到心事，呢D事以前從未試過。
2個讚
又咁、中國人為仔女果種仆心仆命、好易變左當仔女係附屬品、唔係個個睇得開
咁當然都有不少係不問耕耘、只問收穫啦、到見人有收成、就會比較
我奶奶都係、最好仔女孫全部圍住佢、而女婿同新抱係無親人既
1個讚
以我所知唔得，一定要BNO先可以renew BNO
噢, 原來真係唔可以renew 
我都好感恩，佢地會支持。