話說我哋兩口子都計劃緊，只係睇下資料，未下決定
一講我老爺奶奶就話會跟埋，坦白講我有啲火：老爺奶奶後生時喺外地唔入籍(嗰邊朋友全入)，九七前返香港連BNO都唔攞，幾個仔女都冇，而家我老公冇 BNO我已經煩惱，佢哋好意思話要跟住，仲要佢哋家庭環境都好唔錯，顧得掂自己
我咁諗係咪好衰？佢哋留喺香港好好地，我哋自己都顧唔掂仲要顧佢哋，幫佢哋申請，後生時又唔為啲仔女考慮下？
我自己父母就叫我唔使理佢哋，佢啦家境普通但我兄弟姊妹多，佢哋靠政府同家用都夠洗夠食
我未講比老公知，費事佢話我衰，你哋覺得我咁諗係咪好衰？唉
坦白講如果真係成事我會對佢哋 say No，最多過嚟住下，移埋過嚟唔好諗
你哋打算移民去邊？
你話長老冇外地入藉？咁佢地點可以移民？
你哋移民係咪可以申請埋佢地？（我只係知英國唔可以帶父母)
我6299係英藉,不過基本上冇住過英國,冇交過稅,所以享受唔到個邊好多退休福利.我好想佢同我地一齊去，但佢哋都唔會去住喇，佢哋呢啲年紀，醫療福利好重要。
你了解清楚先，唔係話佢地想跟去就想去，唔係到到都好似香港咁成個中國既人都可以黎一家團聚。
我地會連長老先移居馬拉, 仔大學到澳洲/英國繼續升讀…長老百年歸老我地可能stay大馬/退休泰國
好正常想法
你話佢哋環境都好、會唔會做到投資移民吖、唔好諗到佢哋負累先、不過去過外國都唔入藉又係浪費左、而家可唔可以做返？
其實我覺得，有埋長老去，有個照應冇壞，佢哋又能力可以照顧自己，又唔係要你養埋佢…
可能本身你哋關係應該就一般喇，不過始終個個係c6的父母，你都冇乜可以阻止
你係咁諗但你先生係咪都唔想佢地跟埋過去？同埋你先生係咪獨子？其實好難開口喎咁～ 佢地梗係想跟埋過去弄孫為樂喇…
我呀媽已經講明唔會走，而62就得自己一個響香港所以都基本上一定跟埋走架喇
我禽日過咗發帖上限所以今日先覆
我哋諗緊去台灣，只係諗同做資料搜集，要成事都要兩年啦我估。冇仔女，兩公婆，都唔算專業人仕，打算做小生意
我老爺後生時跟公司去第二度，一家都過埋去，但冇搞入籍，而佢同事個個都入晒籍定居當地。佢哋九七前回流返香港但冇搞BNO，話當時覺得唔需要，所以佢哋一家都冇。我老公係長子，當時細佬妹都未成年，唔會自己申請，佢哋而家都嗌慘
我嬲係佢哋都冇為仔女打算，其實唔緊要既因為上一代諗住香港好穩定，但我哋而家好瀕撲咁走時奶奶即刻話要跟，我有啲嬲囉
我知我衰衰地，我其實冇好認真咁同老公傾我哋既計劃有冇佢哋，當日喺群組度我老公兄弟姊妹傾緊國安法，我老公就話我地考慮緊台灣，奶奶即刻話佢又去，我就轉下話題咁囉
平常相處，因為住得好遠，一個月唔見一次，客氣，相處好。奶奶都對我唔錯，但見親都想管下，當然我好聰明咁冇比佢咁做
我老公就孝順仔一名，不過屋企嘢以我主導就真既。你問我係咪唔想佢哋跟，我就唔係咁絕，當初諗住喺香港我都有話如果兩老太老就住近我哋(絕不可同住)，然後我哋請個工人照顧佢哋。只係呢刻感覺唔順，同覺得佢哋太理所當然囉。其實佢哋得閒過嚟咪得囉，使乜跟埋我地移民﹖又不見得佢哋會捨得香港
大家幫我分析下
雖然冇小朋友，兩公婆走就簡單容易好多，但始終都係新環境，邊話得埋。同埋依家都係計劃階段，都未成事，所以唔值得呢個時候同6299因呢件事嘈。
話佢地知所有嘢都未穩定，你地去探下路先，話台灣冇人識講廣東話架，同香港唔同，冇人冇物好慘，所以等你地呢d細既去開左荒先，可能等三、五年穩定左，有基礎，先考慮再接父母過去。
佢哋有自住樓，積蓄唔錯，幾兄弟姊妹啲少少家用連生果金已夠佢哋兩老好好生活，相當健康，七十多歲
我就有家累，每月都要比萬幾蚊娘家
我一直比佢哋感覺都係強勢新抱 
但我冇乜同佢哋嘈過，十幾年來相處幾好，去旅行都得。我都尊重佢哋既，係，唔使咁快嘈，我哋自己都未成事
強勢新抱好嘢 
坦白講，有你呢種心態，係好衰。
不過你地走不是易事，佢地要跟埋，亦唔係易事呀。
要知道移民外國唔係好似內地人黎香港咁容易，要好多程序、又要申請、技能、學歷、年齡樣樣都會睇，申請亦未必一定批。
唔絕對唔應該一開始就向佢地落閘，一家人幾時都應該互相幫忙。將心比己，如果你老公一開始就turn down你父母、你自己好受嗎？
但當然，亦唔可以比假希望佢地，可以話首先你地要settle先，佢地要跟亦要睇之後其他國家的移民政策，大家見步行步。
我老公嗰邊，62 d兄弟姐妹全部响Toronto，係我老爺因為身體問題，過唔到體檢，無去到
老人家已經走咗，99自己屋企响廣州，有間屋，99應該有BNO (我無問呀~)
叔仔同女友兩個都有BNO，所以要走，唔係太擔心
我自己父母現時同我哥同住，我哥應該唔會走，而且父母年時已高，無BNO，所以，我唔會考慮兩老生活，佢住緊層樓將來會係我嘅，現時生活費除我一個月俾成萬蚊之外，就係按咗層樓嘅錢，我哥無俾生活費佢地，如果我走到，會留返d現金俾佢地做生活費，生活上照應，就要睇我哥喇
我帶住兩個細路，到呢個時候，係搵生活、生存，已經唔係可走可唔走…
你奶奶跟你都叫肯順仔意、我奶奶直情係講走到都唔準走吖
老實我哋走都唔易而家都未有能力、聽到都嬲嬲地
台灣老人家去都ok既、學樓上咁講話安頓左先、最近都了解過、都要你哋批到先可以再申請佢哋去架
當然我自己根本都未定到
我只係覺得點解佢哋後生一條後路都冇比到仔女，到老時就奉旨覺得佢哋會跟埋過去﹖
如果我老公一開始就 turn down 我父母︰呢個係冇可能，因為我自己都冇諗住帶我父母，佢冇機會 turn down
我都會反省下我心態。其實我對於我老公冇BNO 好沮喪，有起乜事上嚟唔通我自己一個走﹖我都唔會啦，所以英國冇得諗，除非佢平埋配偶，但都有排啦
62, 99有冇其他仔女留港?
如果係獨生子女, 佢地想跟埋走都人之常情。
台灣又好BNO平權去英國又好，兩口子冇小朋友，所有事都簡單好多。
不過話時話，BNO如果平到權好大機會包配偶同小朋友，依家放D口風都似係咁。
唔緊要啦，依家搵定D資料，叫有乜變動起上黎有準備過下，冇咁徬徨咁解。
一樣，4大長老深藍，係度話過到去點搵食，去到俾人歧視，跟住又話唔孝順點點點，我都話十劃未有一撇…完全溝通唔到
我覺得批既話、配偶同未成年仔女就包既、唔係咪好唔人道
所以我唔太樂觀、應該係有條件俾你去
唔係個個上一代咁有遠見啦、更多傳統既係養兒防老、就算唔係經濟上、心態上都想倚仔女