自己無乜特別技能，做CS做左好多年，而家做到掃把級，但都係搵得2X K,老公同我搵差唔多，其實本來無經濟壓力，無買車，層樓係老爺既物業所以唔洗比租，請埋工人湊個女都有少少錢儲下，但都遠遠唔夠移民囉
坦白講我唔會考慮移民台灣，我只會考慮西方國家，所以資金要多好多，日日係度諗到底可以點樣搵多d錢，但恕我個人蠢， 真係諗唔到，而家生意難做，個個網上賣野，你跟埋一齊做邊有咁易比你搵到食?自己又無一技旁身，CS根本唔係咩技能，成日見到d人做d仆街野搵大錢，例如炒口罩炒酒精洗手液，我自己又做唔出，或者係我自己萄葡酸啦，成日諗d人心地咁差點解可以咁有錢，我自己唔係咩壞人又唔係貪得無厭，只係想夠錢移民姐，但都見唔到咩可行方案，大家有無咩諗法?
或者大家有無諗過仲有咩方法搵錢?
同你差不多，網上賣嘢我懶，真係揾得唔多，不過我冇乜打算走，台灣馬拉不如響香港同佢鬥長命
中共就係想我哋啲土生土長的香港人走曬，再換曬大陸的新血落嚟。
學下投資，轉做sales…真係想搵多啲錢嘅人，個人本身係好aggressive，時刻都會搵機會，所以性格方面都要改
我明你想講乜。10個有錢人8個都係姑寒/自私/賤。亦都係因為佢地有呢D特質所以搵到錢。
其實真係好想去既話真係咩都要做（當然你要揀咁無得講）。同埋西方生活真係無香港咁stress。我果時係英國收6點，D人趕你走話你阻住佢關門。真係多好多時間同屋企人相處。得閒自己準備啲食物就可以去野餐， 唔使用好多錢都可以有quality time。
好問題，我自己就覺得最好做技術移民，投資移民個價只會有升無跌，唔會追到。不如去泰國或馬來西亞咁算。
加按層樓俾個女去外國讀書。
最能搵到錢方法係錢搵錢
1個讚
如果我無小朋友或者都會留係度鬥長命既
但望到個女就覺得我唔想佢留係度面對哩d野
好怕佢大個怨我點解令佢係咁既社會生存
我下定決心就算我無錢移民都要送佢去外國讀書，比佢搏一線機會可以留低係外國
就算明知佢既陰謀，但我地哩d螻蟻又可以點，唔通真係慢慢繼續同佢蹉跎?我童年都享受過見識過美好既香港，但我地下一代點算好
其實我之前一直都想轉做sales,但我已經係CS哩行太耐，自己又已經唔後生，無人會比機會我轉行試，之前搵工都試過send CV搵名錶公司sales，完全無音訊
而家成個銷售業都咁蕭條更加唔洗諗
投資?小小地就有玩既，但個巿而家危危乎，真係唔敢有咩大動作
其實我就係響往哩種生活
但都要有機會走到先得
眼見到好多人為左錢良知都唔要，自己覺得好不齒佢地既行為，但同時又係度諗如果我可以仆街d唔好諗咁多係咪就可以搵到錢，自己做個賤人將來有報應落埋地獄都好，只要換到移民機會帶到個女定居到澳洲就夠
真係好矛盾
其實而家我同老公都諗緊做技術移民，但佢要自己去左澳洲讀書搏加分先，變左我同個女要留係香港，我繼續係香港番工搵錢，分隔異地囉，仲要都係搏一搏，唔得就白白分開2，3年
但除左咁已經諗唔到其他辦法
但無錢之前第一桶金真係好難搵呢。。。。
佢可以去外國讀書入藉
咁sales都有好多種，但依家呢個時勢都好難講…再唔係有時間去做下part time丶賣下野咁，好多人第一桶金都係靠儲同捱返嚟，跟住再靠投資滾大佢
會唔會增值自己？移左民你都要搵食。
我有個大學男同學做保險都3x歲人先走去讀護士，好似今年畢業有護士牌。
係，但大多數香港人有理財投資常識，但無理財投資意識
1個讚
靠打工儲到既錢真係好有限，響香港最快搵到大錢真係買賣磚頭。
層樓一年升值都多過我年薪，有時望住層樓係咁升，再望返自己咁努力做嘢先加得雞碎咁多… 
如果有層樓可以加按禁錢出黎做投資，整多D被動收入，儲到舊錢就再買樓…
但買賣磚頭錢搵錢係以前既方程式，依家咁既時勢都唔知可唔可以繼續咁run落去。
我有初步諗過幾個地方，可大家分享下睇法。
加拿大投資移民，搵個細埠一家人移民過去。本來今年去睇下環境，但依家疫情睇怕都冇得飛。加拿大好多埠為吸引人去開荒，移民條件都唔洗太多錢，可以留意下。有朋友直頭響香港搵到間加拿大公司working visa簽佢過去，佢好彩疫症前已飛左，成功到步。
台灣，如果係走隨時可起動。台灣係文化上最接近既可移民地方，但我成日覺得佢都係亞洲火藥庫之一，同中共都有擦槍走火可能，所以唔係優先。
葡萄牙，標榜50萬歐羅可有居住證，了解過唔係PR, 而且我對葡萄牙冇忠誠架，就算攞左PR都只係做跳板去歐洲，好似好衰咁，所以比老公ban左。
英國，投資移民貴到嘔，bno平權都係得個講字，分分鐘等唔到。假設真係免簽12個月可搵工，已商量老公過去先，安定左我同個女先過去，有乜事我響香港仲可以support佢。希望到時樓價唔好大跌，咁仲可以留地不留人，d樓繼續響香港放租。
讀master移民成本應該係最低，加拿大澳洲都得
讀兩年都係有限錢，仲要讀個兩年小朋友配偶可以一齊去
好多人三十幾歲去讀nursing master一畢業就有人請
睇下你決心有幾大，最多兩年之後返香港又冇損失
我個人覺得等小朋友大個先去外國風險好大，一來頭十幾年已經俾香港教育洗腦，二來英文未必support到。我見過好多以前會考後先過去讀書，好多讀唔成書，英文差，剩係同d唐人玩，讀唔到好科，搵唔到工，最後又係返香港打工。有時就燒銀紙，讀10年都未大學畢業。但當然係有人成功落地生根，要睇個細路自己。
1個讚
想問下你朋友做邊行，可以搵到大公司sponsor?