我係加拿大公民,想返加拿大生bb,應該幾多個月過去？我要準備啲咩？
有無人有經驗？希望比小朋友多個選擇。
依家8w
點解唔係香港生?
我老公都係加拿大人
到時BB一出世 就可以有加拿大護照
唔洗一定返去加拿大生架
返去好過啦，呢度日日都唔開心，得閒又催淚彈，對孕婦點都唔好。
因為個身份係父母帶比我，而我下一代一定要係嗰邊出世先可以有公民身份
1個讚
會，但唔係依家一話搬就搬到
你係改制後先入加藉？
我媽咪係移民過，我唔係嗰邊出世
雖然唔貼題，但我好想講。。。好羨慕樓主有外國國藉。。。嗚
要留意番每間航空公司要求幾多week 唔可以上機，或會要求出示醫生紙証明
有小小離題，睇到樓主個post，我就好後悔之前唔去外國生
Similar case… 但我會喺香港生，始終呢邊有屋企人幫手，同埋加拿大第一胎一定要順產生。d孫就唯有靠仔女番加拿大生喇
咁我一定要去嗰邊生啦
都係比人覺得二等公民
依家諗諗下。。。武肺都未完全受控制。。。如果年尾都係危險嘅，可能都要留返係香港
比樓主參考吓：
我阿媽移民，我17歲入籍。個女2012年香港出世，攞到加拿大籍。
如果佢生小朋友，小朋友就要加拿大出世先至可以攞到加拿大籍。
但係如果當初我個女係加拿大出世，佢小朋友邊度出世都有加拿大籍。而且我個女一樣可以香港居留香港做嘢。（前幾日問咗香港入境處確認）。
唔緊要啦！起碼你知道一定要係加拿大生小朋友先有加籍！
安胎為上，開心D！祝你生個聰明健康BB,將來為香港人增光！
我覺得首先你要去加拿大領事館問清楚第一手資訊，究竟係咪一定要返加拿大生先女兒先有公民權。其次就要考慮依家加國入境既隔離政策、坐飛機風險、係邊間醫院生、居住地方、開銷和坐月照顧等。
講真，我覺得依家世界各地疫情仍未受控，坐飛機承受既風險比任何野都大，你要諗清楚啊 
咁我嘅情況應該我=你女女 因為我都有問過
有朋友早排去左外國生，好似跟航空公司32w前拎埋醫生紙過去，睇你用邊間airline～ 另外想提樓主，我朋友得自己同老公過去，又你第一胎，手忙腳亂都一個點，又唔識又無人幫手，無人煮野佢食搞到坐月坐到好差… 之後仲差唔多有產後抑鬱… 所以建議你睇下有無個邊既月子中心，起碼你都會舒服一d
小朋友由申請到入藉要幾耐？