小朋友講野天真無邪,有時會好認真咁講D好好笑既金句,大家都黎分享下 
有次我收緊衫,將個運動bra平放左係床,4歲女見到就大叫"媽媽!你個波波點解係張床度既… 
"
11個讚
有次玩中文認字卡,我地會配詞語,抽左個"中"字,
我:呀女,呢個係咩字呀?
女: 我知! 紅中個中!
我:女…紅中唔係詞語呀 
7個讚
實在太多啦。
細個嘅時候唔聽話，佢阿媽同佢講＂你試吓再做吖！“, 個女就同阿媽講 ＂即係可以再做？”
又例如前幾日掛住睇電視冇做功課,
佢阿媽同佢講”一個星期唔准睇電視!”
我個女就問: 一個星期即係幾耐?
阿媽搭: 即係七日
我個女就話:哦, 七日啫～ （其實好天真由心咁講嘢）
如是者激到佢阿媽彈起，懲罰變咗一個月。
5個讚
母親節 = 無親節 … 
阿媽：執玩具
阿女：點解要我執，細佬唔使執
阿媽：因為你大過佢
阿女：你仲大過我，你執
22個讚
咁一齊執囉 XD
嘩,咁大誤會~
當年準備結婚時傾去邊度度蜜月，幾歲大嘅姪女搭訕話：我又要去度蜜月！原來佢以為講緊去動物園
4個讚
呀仔細個成日問。
媽咪，點解你成日要買尿片，你禁大個人仲用尿片架咩 （其實係e媽巾）
再細d講野唔正時。。。
媽咪，我要食塞米 （其實係粟米）
3個讚
唉，我好瘀，我小朋友响人鋪頭大大聲話佢媽個胸好大，好舒服。我立即走，乜都唔買咁同個幾歲比較，我實大啦
5個讚
屋企有隻家貓係灰黑色紋+白色手腳，有一次返到屋企，見到貓咪隻腳好似留血咁啲毛紅左一忽，嚇到我死以為佢受傷，即刻幫貓咪檢查傷口。點知搵黎搵去都見唔到傷口，原來根本唔係流血，係紅色marker筆
當時同6歲嘅姨甥仔同住，即刻捉兇手問話
我：點解要用紅色筆畫貓咪隻腳仔呀？
姨甥：因為貓咪個身係黑色，畫落去睇唔到，所以咪畫腳仔囉
2個讚
仲有 
點解媽咪個 jj 短到睇唔到嘅？
當然之後同佢講番 …
13個讚
我女都試過攪到我好瘀,佢大大聲講:媽媽!有你最鍾意墊垃圾既傳單拎呀!
18個讚
Hahahahaha 好笑！
我女之前廣東話唔好，佢試過聽錯我同朋友講立雜野，佢大大聲响人鋪頭講媽媽呢度好多垃圾嘢
2個讚
阿女細個時睇到表弟換片, 走黎問點解表弟換片果度有大笨象個鼻.
又試過響商場廁格, 我要換衛生巾, 已經叫佢望去第二邊唔好望, 點知佢偷偷地睇, 之後大叫”媽咪你流好多血, 要去睇醫生呀”.
3個讚
小朋友：我幫d菇改左個好名
我：咁白色既菇叫做？
小朋友：白菇！
我：黑色既菇叫做？
小朋友：黑色菇！
我：咁黃色既菇叫做？
小朋友：少女心！
2個讚
我都試過係商場toilet,叫呀女望去第2邊,唔好望住我去小便,
我女:媽媽你頭先都望住我痾啦,點解我唔望得你?"
好似iq題咁 XD
個仔屙屎有時屙係片到，唔係次次識講，有次又係咁，我個樣唔太高興，就話佢 同佢講
我：下次記得屙屎之前要講定比媽咪知，我帶你去廁所
佢：講定係咩嚟架？
我：預先提早講，可以準備定去廁所
佢：提早係咩嚟架？
我：即係早少少出聲(個心開始有少少想笑)
佢：出聲係咩嚟架？
我：開口講比媽咪知你有咩需要(個咀開始有少少不自覺向上)
佢：需要係咩嚟架？
終於笑咗出聲，佢又笑埋一份 然後走嚟攬住我
7個讚