如題，bb d奶樽,餐具幾時可以唔使蒸or UV消毒就用得??
我媽我話我細個烚到戒奶
我自己兩個小朋友就蒸到細仔兩歲就冇蒸，有啲人話一歲都得
一歲後其實可以用杯+飲筒飲鮮奶
一歲左右
我小朋友 一歲
之後成日烚奶煲送埋比朋友 岩岩好 不浪費
我啱啱買左d碗同餐具比bb準備加固，佢寫住for 6months+ bb用，但佢又寫住唔可以蒸or恰…仲有舊牙膠，又係寫住唔蒸得…我就覺得好奇怪
個人睇法，當唔需要用奶樽時。
奶樽太多仔細位，清潔唔好會好易生霉，都係蒸氣消毒下會好啲。其他餐具就睇盒上指示啦。
我奶奶用部消毒蒸氣機用到小學呀！（佢以前日日嚟，知我唔會高溫消毒，於是就自己做）佢用嚟放晒所有小朋友用嘅餐具入去，直至我話壞咗先丟，其實無壞到。
佢唔理啲嘢可唔可以高溫消毒，乜都放入去，有啲杯就高溫熱溶咗，有啲開始有膠味！佢仲要聲大夾惡咁話小朋友放入口嘅嘢一定要用蒸氣消毒！諗起就嬲。
1個讚
哦…咁奶樽就蒸到一歲啦…
但嗰d寫住唔蒸得嘅牙膠同餐具，又可以點清潔呢？bb咬牙膠同加固都係4-6個月左右開始架啦嘛…仲咁細個 唔蒸下消下毒怕唔怕架？
我以前用combi餐具，可以蒸氣消毒
牙膠就用洗奶樽清潔劑洗，之後用凍滾水浸下
其實無關幾多嵗，只要用奶樽就應該消毒。因爲奶是高營養物，而且奶樽的形狀使其難以全然清潔，因此容易滋生大量細菌。如果小孩能夠用杯喝奶就不用再消毒。
我個仔d牙膠只用清水（生水）洗，根本不用消毒。餐具更加不用消毒。日常生活的細菌是與人同在的，避也避不了，讓細路早點適應。
我一歲仲蒸緊⋯諗住蒸到佢介奶樽為止
原來係咁! 咁我都放心d~ 仲諗緊使唔使去買過d可以蒸嘅餐具添…諗諗吓都係嘅，我個仔而家其實咩都擺入口 都唔消毒得咁多