找換店45分鐘內被唱走百萬美金
至於兌換現鈔的找換店方面，本報今日走訪深水埗、觀塘及灣仔，除了深水埗一間找換店外有人排隊主力換人民幣外，其餘未見特別多人，但不少找換店於下午6時已沒有美元現鈔。離岸人民幣昨晚跌穿7.19關口後偏軟，兌美元現報7.1750。
發達鳥找換店負責人Eric直言今日兌換情況「好恐怖」，該店美元賣出價為7.7850，今日不消45分鐘已被客戶唱走100萬元美金，全日美元兌換量超過300萬美元，英鎊、日圓亦同告清倉，目前已經截單。
他指，客戶兌換美元情況近日明顯增加，更甚於反修例風波時期，而銀碼範圍亦相當闊，少至1,000美元、多至10萬美元。不少客戶均表明是憂慮港版國安法立法後，港元會遭拋售。「呢幾日係一面倒唱美金，有時量太大可能半日就無曬貨，啲客就問會唔會有英鎊、瑞郎啊?有就不如唱埋，總之唔揸港紙。」
他續說：「有唔少人唱2萬蚊港紙，好明顯係ATM提款就過嚟唱美金。前日就有一對老人家一人孭一個背囊唱10萬美金，疊錢仲有臭丸味，箍錢條橡筋係融左落張錢度嘅，真係拎埋床下底啲錢出嚟換。」
剛剛先跟老公估佢啲藍色家人蝕幾多，人仔跌緊
