BB26日人仔，最近擺親佢落床訓，訓訓下就會開始係咁谷係咁谷，谷到自己由個口到流啲奶出黎，嚴重果時兩個鼻都仲會噴埋出黎，明明飲完奶已經掃左風，有嗝，又有回埋一兩啖奶，亦都坐直佢訓左大半個鐘先放落床，點解都仲會起勢咁谷到自己噴奶，但抱住佢訓佢又會訓得好安樂下，冇乜點谷，到底佢發生咩事？
另外想請教奶量問題，我埋身餵，阿b日頭差唔多兩個鐘飲一次奶，我左右兩邊都會餵，佢一邊離口就會餵佢另一邊。唔知咩原因，我由係醫院開始上奶冇谷過之外就冇再谷過奶，所以成日都唔知夠唔夠奶餵佢，試過泵或手擠，手泵電泵都泵唔太出黎，仲要扯到乳頭痛，手擠好啲，但個量時少時多，試過左右擠大半個鐘得30ml，啲人成日話阿b飲完奶個胸會鬆曬咪知佢有飲到奶，但我個胸係佢啜前或啜之後都好鬆，好懊惱
我bb同你果個差唔多大，其實回一兩口奶係好正常，但谷到上鼻我都未試過
可能要問下醫生喎～
另外奶量方面你試下飲魚湯/章魚木瓜湯，好上奶架～ 我飲完谷到痴左線
我諗最主要睇呀b有無重到同埋食完會唔會個嘴仲想係咁搵野食
加油呀初生bb真係好難搞
佢就係回完奶自己係張床訓教，訓訓下又起勢咁谷谷谷，最終谷到口鼻齊噴奶 
試奶果邊我已經日日飲上奶啲湯水，青木瓜魚，花生豬腳湯，黃不流行通草都試過，就係點都冇谷奶嘅感覺，濕片果度片片係有濕啊但係好似都冇3湯匙咁重，間唔中先有一兩片係重手嘅，不過我個b就好多屎柯，換親片都有屎，換緊片果時都會咇啲屎屎出黎
好想佢快啲大個
我個催乳師講過唔一定個個媽媽都會谷奶，佢試過有媽媽係bb飲個陣即刻有不過佢話好少見到，最主要係佢有重到大小便正常就得喇我估～大小便正常證明佢有吸引呀嘛！ 我都係好想個b快d大，起碼戒左夜奶俾我訓多陣先喇
冇教好訓真係好慘，我生完到依家都冇話好好咁訓超過3個鐘，仲記得阿b同我第一日返到屋企，夜晚唔知係咪佢未慣，成晚都係度依依牙牙，搞到我同先生成晚都冇訓，佢一出聲就望下佢咩事，我地仲要唔知人奶b係咁柯得，每次換片都實有屎，換換下佢又噴屎，啲屎屎又勁似肚柯果啲水連屎噴出黎，嚇得我地以為隻奶粉唔夾佢，因為果時怕未上奶，埋身完都有補奶粉俾佢
好想可以好好咁訓一教
我呀b都一路訓一路好多聲氣
所以我把心一橫同佢分房分，如果唔係佢一有動靜我就醒真係成晚唔洗訓呀
柯得多屎係好事呀！最怕無柯渣，聽你咁講你呀b其實都應該夠奶飲喎～ 有無睇佢重左幾多呀？
冇啊，黎緊3號先返健康院，到時先知佢重左幾多
琴晚阿b飲完奶訓唔冧，擺出佢出廳等我老公聽住佢點知一陣阿b就喊，我諗住夠兩個鐘先出去餵佢，點知出到去，我老公已經開左奶粉俾佢飲，佢仲要話我，你都冇奶，果刻真係勁傷心
俾人話無奶真係好傷心
但真係要相信自己有奶, 明明有濕片又有屎
只要啜得多就有, 如想餵人奶, 盡量唔好俾奶粉
佢地一俾奶粉就要花半小時泵出來加手擠, 餐餐清先有多啲奶
加油加油
嘔奶嘅問題真係好難搞, 有時拍幾耐都會嘔, 可能個半月之後會好啲
會唔會食曬兩邊太飽？食得太多先有奶嘔番出來, 我個B呢個時候每次只係食一邊, 2小時食一次, 兩邊都食次次都會食滞左瞓唔着
Sis
睇到你嘅分享，我以為你係我嘅分身
我b同你一樣咁大，有同樣噴奶問題，有同樣ee牙牙問題，有同樣阿媽瞓唔到超過3個鐘嘅問題…
今日噴奶後阿b仲濁親，喊到拆天仲眼泛淚光，心痛死我…
我喺私家覆診，醫生曾經講過係因為bb腸胃系統仲係發展中，所以食完奶會ee牙牙 發出怪聲
我b噴奶份量好少，一兩啖，不過做阿媽嘅好驚佢會窒息
夜晚就算好攰都瞓唔冧，成日望吓佢有冇呼吸
個個都話滿月會好d，依家我bb仲係兩個鐘食一餐奶，
有時係一個鐘就扭食奶，真係仲未見曙光
我早排都有嘗試每次淨係俾一邊佢食，但後期又驚咁樣變相每邊變左4個鐘先食一次驚咁樣會仲難上奶，所以每次都想佢啜曬兩邊，同埋有時佢一邊可以啜好耐廿幾三十分鐘，有時七八分鐘就吐出黎唔肯啜
我個b試過俾佢爸爸幫手餵完奶粉之後成枝嘔曬出黎，又試過幫佢掃風果時，口鼻噴射出黎都就黎變得麻木。其實佢係哩兩日唔知做乜訓親床訓訓下就會係咁谷，谷到面紅紅，最終谷到自己嘔奶。之前明明訓床都訓得好好地原本最近半夜佢可以訓成4個鐘先叫肚餓，依家為有抱住佢訓自己辛苦啲都好過佢又谷到自己嘔奶，訓又訓得唔好咁。
Wa 完全明白呀 我老公當初又係成日話呀b唔夠飽 話要補奶粉…後嚟有次我忍唔住爆左佢一鑊 發哂脾氣 又喊哂咁 話好想佢可以支持我，我諗佢嚇親 兼驚我產後抑鬱
之後佢先冇再成日話要補奶粉…
身邊啲朋友bb試過噴奶，有好幾個成因，例如腸胃未成熟，有啲就可能胃淺，有啲可能條片cool太緊，有啲可能先天真係有問題。
不過通常都係大啲會改善，但穩陣最好搵個兒科睇睇，同埋我以前會攝高少少頭嗰邊床板，等佢好似醫院個箱仔咁都係斜斜地咁訓。另外有啲朋友話可能飲一次奶，如果bb肯就中間停一停掃一掃風，掃咗先飲埋下半部，可能有幫助。
我老公有時都會話要補奶粉俾呀b，或者即直勸我有一餐俾呀b食奶粉，不過我知道佢出發點都係唔想我咁辛苦，日日見到我咁攰咁～ 不過人奶真係愈埋身先愈多奶，仲要每次佢食唔哂將剩低嘅泵出黎～ 加油呀！
諗住6週果時打針順便問埋兒科醫生，唉，依家一日一噴好難搞
有時餵完幫佢掃埋風搞一大輪已經好攰，仲要再去搞泵清啲奶
人都癲
我都明呀，而家我日日期待緊戒左夜奶嘅日子 好想可以一朝瞓到天光
話說因爲阿b自己係張床仔訓會ee牙牙兼係咁谷到面紅紅兼噴奶，所以琴晚我抱住佢一齊訓，點知佢訓左成5個鐘先喊肚餓
而我較左鬧鐘都唔知醒雖然抱住佢一齊訓唔係咁好，但有較好訓嘅感覺真係好
我唔敢抱住bb同床瞓，好驚責親佢，因我好反瞓
羨慕你瞓到5個鐘，我琴晚11pm玩到3am先有得恰吓