好想呻下, 小朋友得3歲, 一直都係自己全職返工晚上放工放假全職湊, 無工人, 小朋友比爸爸攪到情緒有問題, 因為之前一直見住我比爸爸打, 而家爸爸搬走左都晚晚唔敢訓覺唔肯食野, 身體成長已有問題好瘦好細粒同2歲一樣, 再輕醫生就話要留院觀察, 我又因為佢爸爸打我既傷日日食住強力止痛藥返工, 我已經好努力, 但力不從心, 好辛苦, 而家爸爸入紙掙撫養權, 經濟百上加斤, 社會完全無資源幫手, 小朋友需要我, 但拎唔到公屋又無得申請綜援, 我唔知可以捱到幾時, 已經幾次太累做做下野暈底… 我好徬徨 :<
有冇搵社工？
社工咪叫我努力返工囉…
有冇申請公屋？單親津貼？低收入家庭津貼，車津？
經濟許可就請工人湊，你會舒服好多。
無呀, 全部都申請唔到… 又申請唔到, 又唔夠錢請工人…
唔會㗎喎，除非你2人家庭人工超出上限？
車津同單親津貼好似唔洗入息審查
因為疫情失左預算。小朋友冇返學，雙親照顧都麻煩，單親媽媽真係好辛苦
如要返工，請工人係長遠打箅
綜援就… 爭完撫養權先
樓主住邊區？
呢個社工唔掂當喎。試下搵區議員應該都可以幫到手架。
家暴都可以入住爭撫養權？
記得報警驗傷，再唔係都自己睇醫生+影相
1個讚
樓主加油。
我都單親，2個小朋友，全職。
你既辛苦，小朋友係知架
無親人可以幫幫手比地方你地住嗎
我都覺得個社工好唔掂，感覺唔似真心想幫咁。
樓主，我擔心妳逼到自己精神壓力爆煲。有咩記住上黎講，睇下大家有咩建議幫到妳。如果妳先生成日咁打妳，我唔覺得佢會爭到小朋友吧？佢之前對妳做嘅惡行都已影響緊小朋友情緒同成長。
1個讚
樓主, 不如搵下其他區議員幫手? 而家多左好多黃既又後生既區議員, 佢哋岩岩入社區, 應該會熱情啲。
我反而擔心你情緒多啲, 有咩唔好死頂, 上嚟搵大家傾吓…加油呀~
1個讚
可唔可以轉過另一個社工?
樓主架油，我都係單親媽媽，
娘家支援都好重要
小朋友3歲找全日制學校
亦要揾社區保母幫下手
娘家就係突發事情stand by，如小朋友生病，天氣惡劣 and 疫情停課幫下忙
有咩事上來傾，大家圍爐取暖
唔好迫自己,不如索性辭工,去你嗰區社署拎綜援,跟住同佢講而家無屋住,無錢交租,無錢開飯,講下你個 b 同背景比佢知,佢就會即搵社工跟進你
唔好屈住,你湊住阿 b 會好大壓力,3歲已經懂事,陪住佢成長,比開心童年阿 b
2個讚
拎住先囉 等大個D返半職 轉全職囉 暫時架姐
1個讚
我都係單親媽媽，你住邊區呀？我之前有做開社區保姆，你低收入可能可以政府幫你比社區保姆＄喎，現在$20一個鐘，比起出面唔算貴了