長者差唔多80 一直食開血壓藥 睇開中醫但中藥只控制到血糖 高血壓問題無改善 今日去健康院又要加血壓藥 想問大家有咩偏方 或者推介嘅中醫 最好元朗區 或者有無啲咩supplement係有效可以介紹下 thanks
好多人好抗拒加藥，因為覺得病情嚴重先會加，事實上咁樣係掩耳盜鈴
反而加藥係幫你控制病情，控制唔到就會有併發症。舉個例，好多人就係因為唔肯食藥控制唔到糖尿病，引致好多併發症。高血壓應該都有類似問題
年輕嘅就可以靠運動靠食物來減低血壓，年紀大你叫佢仲點運動呢？食物控制更加難
Supplement 唔好亂用，我親戚就係唔信西藥，自己食電視賣廣告嘅大牌子補充劑，結果幾個月後再驗，個肝指數好高，醫生即刻叫佢唔好再食，之後先降返。80歲老人家未必有能力頂到，唔好好心做壞事
一係你聽多個醫生嘅意見，揾個你信得過嘅睇吓，好過你自己斷症，判斷唔使食就唔食
1個讚
飲食方面有無留意下？我媽咪75歲都係高血壓，心臟都有D事。
佢又唔做運動又懶、飲食又唔控制。完全唔聽講。早排入院醫生話佢係中風高危者 (我當然明因為一早知佢條件中晒)
佢今次知驚，話戒去酒樓飲茶，原來食梳打餅都唔得架。真係日常飲食要留意下，早排聽講座先知有D野唔應該食。估都估唔到。而家唯有鼓勵下佢搭𨋢時，無唔舒服情況下早2層樓出𨋢行番上自己住嗰層咁囉。好過咩都唔做。
我以前個工人姐姐，佢爸爸又係高血壓入過醫院。佢聽D同鄉講買左洛神花茶比爸爸飲，加埋做伸展運動(佢做既動作好似柔軟體操咁)，過左一排(唔記得幾耐)量血壓就正常返。
你可以睇多D資料再決定試唔試。