出世無幾耐發現bb有W/M型脷，個陣唔為意～之後有親戚探bb發現佢訓覺唔合埋口，同埋肚風比較多 
結果去左養和睇李雅兒醫生，的確係有少少痴脷根，雖然未嚴重到影響食人奶，但大個可能會影響發音～
結果決定即日做埋個小手術剪左佢，手術好快，真係剪兩刀，流好少血就搞掂。做完李醫生叫我埋身食tum番bb，佢食完已經無再流血，仲訓得好甜 
希望初生媽咪大家都留意一下，因為如果出左牙先剪，就要做全身麻醉，早發現反而更好 
1個讚
我朋友有呢個問題，都幾嚴重，講嘢會有口水聲。所以真係趁細個整好啲
係呀～ 我都係好彩有親戚有經驗所以識睇，之前出世個陣兒科醫生都無發現到呢個問題… 及早發現仲可以唔洗麻醉咁做，對bb都好
好多媽咪會忽略，多謝樓主提醒
我覺得基本上媽媽都唔會留意到，到出左牙開會講野已經要全身麻醉
始終全身麻醉都驚對BB唔好
有d媽咪係唔肯接受現實
覺得大大下會好
之前試過暗示比媽咪谷嘅媽咪聽，人地唔想知
咁諱疾忌醫唔係咁好喎～ 我親戚都好隱晦咁同我講，咁當然聽到梗係會唔開心，但我覺得呢啲嘢越早知越好～ 仲要個手術咁小事，醫生都話係比割包皮更輕微
1個讚
我喺澳洲生, 生完第二日姑娘已經check到BB有痴脷筋問題(佢地呢樣真係好細心), 影響到食人奶, 即時轉介醫生去剪脷筋, 剪完就食奶食得好左
如果媽媽發現初生B唔識食人奶, 可以提番護士醫生check脷筋, 因為香港醫護太忙, 産婦又多, 未必會幫你查得咁仔細
係，今日個醫生都講話響外國佢地會睇埋，英國甚至係護士剪唔洗醫生剪，因為實在係太輕微既手術（咁當然香港係醫生剪喇）
香港的確人手不足真係會唔發現，唯有靠媽媽自己察覺喇
香港確實乜都係靠自己
生完身體、情緒問題靠自己
個B唔係去到有生命危險嘅全部靠自己
退休靠自己
失業未至於可以拎綜緩全部靠自己
所以税低
我bb 都有W型脷，現在1歲，每次覆診健康院都話食到嘢就唔洗處理…的確bb 食嘢好好，發展都正常。
之前有問過幾個私家醫生（半歲睇濕診）順便問心型脷，醫生話可以等再大d 先，唔一定要剪
但我個心係想處理咗先 
等我下次放假帶bb 睇多次醫生check 下先。
睇多幾個醫生問下喇，我bb都係食野發展都無問題，醫生其實話可剪可唔剪，不過唔剪就有機會影響講野，所以我都係把心一橫儘早剪～ 你bb如果未出牙仲可以唔洗麻醉呀，真係好簡單既手術，唔洗擔心
1個讚
請問出世幾耐會發現呢個問題呢？
一出世已經發現係w型脷，呢個比較明顯～ 再過多排先發現佢訓覺合唔埋口，基本上頭一個月自己都可以觀察到
update ，仔仔一出世伸脷出嚟只去到嘴邊，而且係明顯W型，問過健康院話食到奶就無問題…但我都係心掛掛
早幾日帶咗1歲仔仔去剪，醫生好快check完就話建議剪，話條筋好「un」，仲話近脷底，會好痛 
但為咗仔仔我決定剪，過程好快，2下就ok，係心痛仔仔喊，仔仔有掙扎所以剪完的確係成口血…有d 似整牙時嘅血量。喊咗陣就無事，返屋企時訓咗覺（佢訓緊果陣都有啜泣架 ），但醒返好似平時咁玩，食到嘢飲到水，過咗幾日條脷明顯無咁W，醫生話傷口要1-2星期會好返。
所以如果覺得有需要，快d 找醫生檢查下好d。
1個讚
我都係咁，不過少少血，對小朋友長遠黎講係好，唯有忍少少痛喇